ଅର୍ଗସ ବ୍ୟୁରୋ:  ରାଜ୍ୟ ସାରା ନିର୍ବାଚନୀ ହିଂସା । କଟକ ତିଗିରିଆ ଭୋଗଡା ପଞ୍ଚାୟତ ବେଲଅଣ୍ଟା ଗାଁରେ ବିଳମ୍ବତି ରାତିରେ ବୋମାମାଡ଼ । ଗାଁରେ ବିଜେଡି କର୍ମୀ 15ରୁ ଊର୍ଦ୍ଧ୍ବ ବୋମାମାଡ଼ କରିଥିବା ଅଭିଯୋଗ । ଏଥରେ ଗାଁର ବଳିଆ ନାୟକ ଗୁରୁତର ହୋଇଛନ୍ତି ।ସେପଟେ ବ୍ରହ୍ମଗିରି ବ୍ଲକ ଗୋପ ୧୪୬ ବୁଥରେ ପୋଲିଂ ଅଧିକାରୀଙ୍କ ମନମାନୀ । ଭୋଟିଂ ସରିବା ପରେ ଏଜେଣ୍ଟଙ୍କ ଦସ୍ତଖତ ନନେଇ ମତଦାନ କେନ୍ଦ୍ରରେ ଇଭିଏମ୍ ଖୋଲିଦେଲେ ପୋଲିଂ ପାର୍ଟି ଅଧିକାରୀ ।

ସେହିପରି ଆଠଗଡ଼ ଗୁଣ୍ଡିଚାପୁରରେ କଣ୍ଟ୍ରୋଲ ରୁମ୍ ନେବା ବଦଳରେ ଇଭିଏମକୁ କମ୍ପ୍ୟୁଟର କୋଚିଂ ସେଣ୍ଟର ନେଇ  ଖୋଲି ପ୍ରିଜାଇଡିଂ ଅଫିସର ଅନିରୁଦ୍ଧ ସେନାପତି ହେରଫେର କରିଥିବା ଅଭିଯୋଗ । କଟକ ଏଡିଏମ୍ ଅନିରୁଦ୍ଧ ସେନାପତିଙ୍କୁ ସସପେଣ୍ଡ କରିବା ସହ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି । ଅନ୍ୟପଟେ ରେଢ଼ାଖୋଲ କଦଳୀଗଡ ପଞ୍ଚାୟତର ୧୬୫ ନଂ ବୁଥରେ ମତଦାନ କେନ୍ଦ୍ରକୁ ପଥର ମାଡ଼ ହୋଇଛି । ସମ୍ବଲପୁର ଜମନକିରାରେ ବିଜେଡି ନେତାଙ୍କ ଗୁଣ୍ଡାଗିରି । ବିଜେଡି ଉପସଭାପତି ଶୁଭ୍ରଜିତ ଖୁଣ୍ଟିଆଙ୍କ ସମେତ 10ରୁ 12 ଜଣ ବିଜେଡି କର୍ମୀ ଘରେ ପଶି ମହିଳାଙ୍କୁ ମରଣାନ୍ତକ ଆକ୍ରମଣ ଅଭିଯୋଗ ।

ଅଧିକ ପଢ଼ନ୍ତୁ ଓଡିଶା ଖବର: