ଆଜି ଯାଏଁ ହୋଇନି ବିଦ୍ୟୁତ ସଂଯୋଗ, ନୂଆପଡ଼ାରେ ନିରାଶ ହୋଇଛନ୍ତି ଚାଷୀ
ଅର୍ଗସ ବ୍ୟୁରୋ: ବୋରୱେଲ ଖୋଲାହେବ ଆଉ ଚାଷ ଜମିକୁ ଜଳ ସେଚନ ସୁବିଧା ହେବ ଓ ଚାଷୀ କ୍ଷେତରେ ସୁନାର ଫସଲ ହେବ ।ଏବଂ ଚାଷୀ ଭଲ ଚାଷ କରି ଦୁଇ ଟଙ୍କା ଲାଭ ପାଇବେ ଏମିତି ସ୍ବପ୍ନ ଦେଖାଇଲେ ରାଜ୍ୟ ସରକାର । ଏହାକୁ ଆଶା ବାନ୍ଧି ଚାଷୀ ଉଠା ଜଳସେଚନ ବିଭାଗ ରେ ବୋରୱେଲ ପାଇଁ ଆବେଦନ କଲେ, ଡିପ ବୋରୱେଲ ମଧ୍ୟ ଖନନ ହେଲା, ହେଲେ ନୂଆପଡ଼ା ଜିଲ୍ଲାର ବିଭିନ୍ନ ବ୍ଲକ ରେ ବିଦ୍ୟୁତ ସଂଯୋଗ ହୋଇନଥିବାରୁ ନିରାଶ ହୋଇଛନ୍ତି ଚାଷୀ । ନୂଆପଡା ଜିଲ୍ଲା କୋମନା ବ୍ଲକ ,ଦରଲି ପଡା ପଞ୍ଚାୟତ ସିଲେଟ ପାଣି ଗାଁ ର ଚାଷୀ ମାନେ ସ୍ୱଳ୍ପ ବୃଷ୍ଟିପାତ ହେଉଥିବାରୁ ଅନେକ ସମୟ ମରୁଡି ରେ କ୍ଷତି ସହୁଛନ୍ତି ।
ବୋରୱେଲ ନ ମିଳିବାରୁ ପାଣି ବ୍ୟବସ୍ଥା ନାହିଁ ତେଣୁ ଚାଷ ଜମି ଟାଙ୍ଗରା ହୋଇରହିଛି । ଏଠି ବିଜୁ କୃଷକ ବିକାଶ ଯୋଜନା ପ୍ରହସନ ପାଲଟିଥିବା ବେଳେ ଗରିବ ଚାଷୀଙ୍କ ପ୍ରତି କୁମ୍ଭକର୍ଣ୍ଣ ନିଦ୍ରାରେ ସୋଇଛି ଉଠା ଜଳସେଚନ ବିଭାଗ । ଯଥା ଶୀଘ୍ର ଚାଷୀଙ୍କ ସମସ୍ୟା ପ୍ରତି ସରକାର ଦୃଷ୍ଟି ଦେଇ ଡିପ ବୋରୱେଳ ରେ ବିଦ୍ୟୁତ ବ୍ୟବସ୍ଥା କରନ୍ତୁ ବୋଲି ଦାବି କରିଛନ୍ତି ଚାଷୀ ।
ଏପଟେ ଯଥାଶୀଘ୍ର ଚାଷୀଙ୍କ ସମସ୍ୟାର ସମାଧାନ କରାଯିବ ବୋଲି କହିଛନ୍ତି ନୂଆପଡ଼ା ଉଠା ଜଳସେଚନ ବିଭାଗ ର ନିର୍ବାହୀ ଯନ୍ତ୍ରୀ ସିରିଶ ଚନ୍ଦ୍ର। ତେବେ ନୂଆପଡ଼ା ଜିଲ୍ଲାର ଚାଷୀଙ୍କୁ ସରକାର ବିଦ୍ୟୁତ ବ୍ୟବସ୍ଥା କରିବେ ତ ?
📱 Get Argus News App
✨ଅଧିକ ପଢ଼ନ୍ତୁ ଓଡିଶା ଖବର: