Argus News - ଜୀବନ ବଞ୍ଚାଇବା ପାଇଁ ସଂଘର୍ଷ କରୁଛି ଦନ୍ତା

ଅର୍ଗସ ବ୍ୟୁରୋ: ଜୀବନ ବଞ୍ଚିବା ପାଇଁ ସଂଘର୍ଷ କରୁଛି ଜଙ୍ଗଲୀ ଦନ୍ତା। ବେଫିକର ହୋଇ ପଡିଛି ବନବିଭାଗ। ଫଳରେ ଭୟଭୀତ ଅବସ୍ଥାରେରେ ସ୍ଥାନୀୟ ଅଞ୍ଚଳ ବାସୀ। ଏଭଳି ଚିତ୍ର ଦେଖିବାକୁ ମିଳିଛି ଖୋର୍ଦ୍ଧା ବନ ଖଣ୍ଡ ରଣପୁର ରେଞ୍ଜ କାଞ୍ଚନପୁର ଜଙ୍ଗଲରେ l ଆଜିକୁ 4 ରୁ 5ଦିନ ହେଲା କାଞ୍ଚନପୁର ଜଙ୍ଗଲରେ ଗୋଟିଏ ଦନ୍ତା ହାତୀ ଗୁରୁତର ହୋଇ ବୁଲୁଥିବା ଦେଖିବାକୁ ମିଳିଛି। 

ହାତୀର ସମ୍ମୁଖ ଭାଗର ବାମ ପଟ ଗୋଡ଼ରେ ଗଭୀର କ୍ଷତ ହେବା ସହ ସଂକ୍ରମଣ ଥିବା  ଦେଖା ଯାଇଛି l ସଂକ୍ରମଣ ଯୋଗୁଁ ହାତୀଟି ଚଳପ୍ରଚଳ କରିବାରେ ସମସ୍ୟା ହେଉଥିବା ବେଳେ ଏପରିକି ନିଜ  ଖାଦ୍ୟ ସଂଗ୍ରହ କରିବାରେ ହୋଇ ପଡିଛି ଅସମର୍ଥ l ଫଳରେ ଦିନକୁ ଦିନ ଦୁର୍ବଳ ହୋଇ ପଡିଲାଣି ଦନ୍ତାହାତୀ l ସ୍ଥାନୀୟ ଲୋକେ ବାରମ୍ବାର ବନ ବିଭାଗକୁ ଜଣାଇଲ। ପରେ ମଧ୍ୟ ବନ ବିଭାଗ କର୍ଣ୍ଣାପାତ କରୁ ନ ଥିବା ଅଭିଯୋଗ ହୋଇଛି l ଫଳରେ ହାତୀର  ଜୀବନ ପ୍ରତି ଦେଖା ଦେଇଛି ବିପଦ। ତେଣୁ ବନ ବିଭାଗ ମୃତ୍ୟୁ ମୁଖରୁ ହାତୀକୁ ଉଦ୍ଧାର କରିବାକୁ ଦାବି ହେଉଛି।

ଅଧିକ ପଢ଼ନ୍ତୁ ଓଡ଼ିଶା ଖବର