ଯାଜପୁର:  ଗାଁରେ ବୁଲୁଛି ଦନ୍ତା, ଭୟଭୀତ ଗ୍ରାମବାସୀ। ଯାଜପୁର ସୁକିନ୍ଦା ବନବିଭାଗ ଅନ୍ତର୍ଗତ ସୁନାଝର ଜଙ୍ଗଲ ନିକଟସ୍ଥ ବରଡି  ଓ ଷୋଳମାଣିଆ ଗାଁ ନିକଟରେ ବୁଲୁଛି ଜଙ୍ଗଲୀ ଦନ୍ତାହାତୀ।  ସୂଚନା ମୁତାବକ ବରଡି ସୁନାଝର ଜଙ୍ଗଲରେ ଆଜି ଅପରାହ୍ନରେ ଜଙ୍ଗଲି ହାତୀ ବୁଲୁଥିବା ଗ୍ରାମବାସୀ ମାନେ ଦେଖିବାକୁ ପାଇଥିଲେ।

ଏହି ଜଙ୍ଗଲୀ ହାତି କୁ ଦେଖି ଗ୍ରାମବାସୀ ସୁକିନ୍ଦା ବନବିଭାଗ କୁ ଖବର ଦେଇଥିଲେ।ମାତ୍ର ସୁକିନ୍ଦା ବନବିଭାଗ କର୍ମଚାରୀ ମାନେ ଗାଁ ରେ ପହଂଚି ହାତୀ କୁ କାବୁକରି ପାରି ନ ଥିଲେ। କିଛି ସମୟ ପରେ ଜଙ୍ଗଲି ହାତୀଟି ବରଡି ଗ୍ରାମର ଭାଲୁ ବାରିକଙ୍କ ଅଗଣା ରେ ରଖାଯାଇଥିବା ଧାନ ଡ୍ରମ ରୁ ଧାନ ଢାଳି ଦେଇଥିଲା। ଫଳରେ  ସ୍ଥାନୀୟ ଲୋକେ ଭୟଭୀତ ହୋଇ ହୋ ହାଲା କରିବାରୁ ଜଙ୍ଗଲି ହାତୀ ଟି  ସବୁ ଧାନ କୁ ବିଞ୍ଚିଦେଇ ଜଙ୍ଗଲ ଅଭିମୁଖେ ଦଉଡିଥିଲା। ଏହାକୁ ନେଇ ବରଡି ଓ ସୋଳମାଣିଆ ଗ୍ରାମରେ ବିଦ୍ୟୁତ୍ ସଂଯୋଗ ବିଛିନ୍ନ କରାଯାଇଛି। ଜଙ୍ଗଲ ବିଭାଗର ଅପରାଗତା କୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଗ୍ରାମବାସୀ।  

ଅଧିକ ପଢନ୍ତୁ ଓଡ଼ିଶା ଖବର