ପୁରୀ: ରତ୍ନଭଣ୍ଡାର ମରାମତି ପାଇଁ ଦୁଇଟି ଏସଓପି ସହ ଟେକ୍ନୋଲୋଜି ଉପରେ ଗୁରୁତ୍ବ । ଟେକ୍ନୋଲୋଜି ଉପରେ ରାଜ୍ୟ ସରକାର ଅନୁମୋଦନ କରିବେ । ମରାମତି ପୂର୍ବରୁ ସିନ୍ଧୁକ ଓ ଆଲମିରା ଖାଲି କରାଯିବ । ଆଜି ପରିଚାଳନା କମିଟି ଜରୁରୀକାଳୀନ ବୈଠକରେ ରତ୍ନଭଣ୍ଡାର ମରାମତି ପ୍ରସଙ୍ଗରେ ବିସ୍ତୃତ ଆଲୋଚନା ହୋଇଛି । ସେହିପରି ମହାପ୍ରଭୁଙ୍କ ଭୂ-ସମ୍ପତ୍ତି ଉପରେ ବି ଆଲୋଚନା ହୋଇଛି । 

ଅବଢା ଯୋଜନାରେ 35ଟି ଇ-ବସ୍ ଆସିଛି । ଏହାକୁ OSRTCକୁ ହସ୍ତାନ୍ତର କରାଯିବ । ପରେ ରାଜ୍ୟ ସରକାର ଚୂଡାନ୍ତ ନିଷ୍ପତ୍ତି ନେବେ । ଅର୍ପଣ ରଥରେ ଚାଉଳ ସଂଗ୍ରହ ପ୍ରସଙ୍ଗରେ ବି ମିଟିଂରେ ଗୁରୁତ୍ବପୂର୍ଣ୍ଣ ଆଲୋଚନା ହୋଇଛି । ମୁଖ୍ୟ ପ୍ରଶାସକ ଓ ଜିଲ୍ଲାପାଳଙ୍କୁ ଅବଗତ କରାଯାଇଛି । ବିଭିନ୍ନ ନିଯୋଗ ସହ ଆଲୋଚନା କରାଗଲା ପରେ ସରକାର ନିଷ୍ପତ୍ତି ନେବେ । ମିଟିଂରେ ଶୃଙ୍ଖଳିତ ଦର୍ଶନ ଉପରେ ଗୁରୁତ୍ବ ଦିଆଯାଇଛି । 

ଶ୍ରୀମନ୍ଦିର ପ୍ରଶାସନରେ ପଦ ଖାଲିଥିବା ପ୍ରସଙ୍ଗରେ ବିଭିନ୍ନ ପଦପଦବୀ ନେଇ ସରକାରଙ୍କ ନିଯୁକ୍ତ ଅଧୀକୃତ ସଂସ୍ଥା ନିଯୁକ୍ତି କରିବେ । ମହାପ୍ରଭୁଙ୍କ ଖଣି ଖାଦାନକୁ ନେଇ ସରକାରଙ୍କୁ ଲେଖିବୁ, ମାଇନିଂ ଅଫିସର ପରିଚାଳନା କରିବେ । ସିଂହଦ୍ଵାର ଥାନାର ଉନ୍ନତିକରଣ ଓ ଅଧିକ ଜାଗା ଦିଆଯାଉ । ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀଙ୍କ ଏନେଇ ସୂଚନା ଦେଇଛନ୍ତି । 
 

ଆହୁରି ପଢନ୍ତୁ ଓଡିଶା ଖବର...