ଅର୍ଗସ ବ୍ୟୁରୋ: ସ୍ଥିର ସରକାରଙ୍କ ବିକାଶର ଆଉ ଏକ ନମୁନା ? ପ୍ରତିଶୃତି ପାଲଟିଛି ପ୍ରତାରଣା ? ସ୍ୱାଧୀନତାର ଦୀର୍ଘ ବର୍ଷ ପରେ ବି ଗାଁକୁ ନାହିଁ ପକ୍କା ରାସ୍ତା ? ଏବେ ଗ୍ରାମବାସୀଙ୍କ ଦାବୀ ରାସ୍ତା ନାହିଁ ତ ଭୋଟ୍ ନାହିଁ l ଏ ଚିତ୍ର ହେଉଛି ଭଦ୍ରକ ଜିଲ୍ଲା ବନ୍ତ ବ୍ଲକ ଆଡ଼ିଆ ପଞ୍ଚାୟତ ଅଣଧୁଆ ଗ୍ରାମବାସୀଙ୍କ ନୀତିଦିନିଆ ରାସ୍ତା l ବହୁବାର ଏହି ରାସ୍ତା ଖଣ୍ଡିକ ନିର୍ମାଣ ପାଇଁ ଗ୍ରାମବାସୀ ମାନେ ଦାବୀ କରିଥିଲେ ସୁଦ୍ଧା ଏଯାଏଁ ତାହା ପୂରଣ ହୋଇ ପାରିନି ଯାହାକୁ ନେଇ ଏବେ ଅସନ୍ତୋଷ ଦେଖା ବୃଦ୍ଧି ପାଇବାରେ ଲାଗି l ରାସ୍ତା ନାହିଁ ତ ଭୋଟ୍ ନାହିଁ ବୋଲି ଚରମ ନିଷ୍ପତ୍ତି ଶୁଣାଇଛନ୍ତି ଗ୍ରାମବାସୀ l

ରାସ୍ତାଟି ଗ୍ରାମବାସୀଙ୍କ ପାଇଁ ମୁଖ୍ୟ ରାସ୍ତା ହୋଇଥିବାରୁ ଏହି ରାସ୍ତା ଦେଇ ଗ୍ରାମବାସୀ ମାନେ ବନ୍ତ-ଆଗରପଡ଼ା ମୁଖ୍ୟ ରାସ୍ତାର ଟାଇଗୁଣା ଛକ ନିକଟରେ ବାହାରି ବିଭିନ୍ନ ସ୍ଥାନକୁ ଯାଇଥାନ୍ତି l ବର୍ଷା ଦିନରେ ମାଟି ରାସ୍ତା ସମ୍ପୂର୍ଣ୍ଣ କାଦୁଅମୟ ହେବା ସହ ଗ୍ରାମଗୁଡ଼ିକ ମଧ୍ୟ ବାହ୍ୟ ଜଗତରୁ ଏକ ପ୍ରକାର ବିଚ୍ଛିନ୍ନ ହୋଇ ରହନ୍ତି l ବର୍ଷାଦିନେ ଅଧିକାଂଶ ପିଲା ବିଦ୍ୟାଳୟକୁ ଯାଇ ନ ପାରି ବସ୍ତାନୀରେ ଡୋରି ବାନ୍ଧନ୍ତି l ଏପରିକି କୌଣସି ଗାଡ଼ିରେ ଡାକ୍ତରଖାନା ଯିବା ପାଇଁ ମୁଖ୍ୟ ରାସ୍ତାରେ ପହଞ୍ଚିବାକୁ ରୋଗୀଙ୍କୁ କାନ୍ଧରେ କିମ୍ବା ଖଟିଆରେ ବୋହି ମୁଖ୍ୟ ରାସ୍ତା ପର୍ଯ୍ୟନ୍ତ ନେବାକୁ ପଡ଼ିଥାଏ l

ଏବେ ଗ୍ରାମବାସୀଙ୍କ ଏପରି ଚରମ ଚେତାବନୀ ପରେ ଗାଁକୁ ପକ୍କା ରାସ୍ତା ଖଣ୍ଡିଏ ନିର୍ମାଣ ହେଉଛି ନା ପୁଣି ନେତା ମାନେ ପୂର୍ବପରି ପ୍ରତିଶ୍ରୁତି ଦେଇ ଭୋଟ୍ ହାତେଇ ନିର୍ବାଚନ ବୈତରଣୀ ପାରହୋଇ ଚାଲି ଯାଉଛନ୍ତି l ତାହା ଦେଖିବାକୁ ବାକି ରହିଲା l

ଅଧିକ ପଢ଼ନ୍ତୁ ଓଡିଶା ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV