ବ୍ରହ୍ମପୁର: ଗଞ୍ଜାମ ଜିଲ୍ଲା ଚିକିଟିରେ ମଦ ମୃତ୍ୟୁ ପରେ ଆକ୍ସନ୍ ମୋଡ଼ରେ ମୋହନ ସରକାର । ଚିକିଟି ଅଞ୍ଚଳରେ ବେଆଇନ୍ ମଦ କାରବାର ଉପରେ ଅବକାରୀ ବିଭାଗର ଚଢାଉ । ଜରଡ଼ା ଥାନା ଗଙ୍ଗାପୁର, ଶାସନ ଓ ବଡ଼ଝୋଲା ଗ୍ରାମ୍ୟ ଜଙ୍ଗଲରେ ରେଡ୍ କରାଯାଇଛି । ମଦ ତିଆରି ପାଇଁ ଥିବା ୧୩୨୦୦ ଲିଟର ଗୁଡ଼ ପୋଚ ନଷ୍ଟ କରିବା ସହ ବିକ୍ରି ଉଦ୍ଦେଶ୍ୟରେ ଥିବା ପ୍ରାୟ ୧୫୦୦ ଲିଟର ମଦ ଜବତ କରିଛି ଅବକାରୀ ଟିମ୍ ।

ଜବତ ମଦର ନମୁନା ସଂଗ୍ରହ କରି ପରୀକ୍ଷା ନିମନ୍ତେ ପଠାଯାଇଛି । ତୁମ୍ବା ଅଞ୍ଚଳକୁ ଦୈନନ୍ଦିନ ପ୍ରଚୁର ପରିମାଣରେ ଗୁଡ଼ ଆନ୍ଧ୍ରରୁ ଆସୁଥିବାବେଳେ ପ୍ରଶାସନ ଏଥିପ୍ରତି ଦୃଷ୍ଟିଦେବାକୁ ଜନସାଧାରଣରେ ଦାବି ହେଉଛି । ଗଂଜାମ ଜିଲ୍ଲା ଚିକିଟି ବ୍ଲକରେ ମଦ ମୃତ୍ୟୁ ଘଟଣା ରାଜ୍ୟରେ ଚର୍ଚ୍ଚିତ ଖବର ପାଲଟିଥିବାବେଳେ ଅବକାରୀ ବିଭାଗ ପକ୍ଷରୁ ରାଜ୍ୟର ବିଭିନ୍ନ ସ୍ଥାନରେ ଚୋରା ମଦ ଧରିବା ଆରମ୍ଭ ହୋଇଛି ।
ଅଧିକ ପଢନ୍ତୁ ଓଡ଼ିଶା ଖବର