ମାଲକାନଗିରି: ଗାଁକୁ ନା ପୋଲ ଅଛି ନା ଗାଁରେ ଅଛି ଶ୍ମଶାନ । ମହାପ୍ରୟାଣ ଗାଡ଼ିର ସୁବିଧା ଏଠି ସାତସପନ । ଶେଷରେ ନିରୂପାୟ ହୋଇ ବାଉଁଶରେ ଭେଳା କରି ଶବକୁ ଭସାଇ ଭସାଇ ଦାହ ପାଇଁ ନେଲେ ପରିବାର ଲୋକେ । ଏଭଳି ହୃଦୟ ବିଦାରକ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ମାରିୱାଡା ଗ୍ରାମ ପଞ୍ଚାୟତ କିରତଙ୍ଗଗୁଡା ଗ୍ରାମରେ ।

ଗ୍ରାମବାସୀଙ୍କ କହିବା ଅନୁଯାୟୀ କିରତଙ୍ଗଗୁଡା ଗ୍ରାମରେ କୌଣସି ଶ୍ମଶାନ ନଥିବା ହେତୁ ସେହି ଗ୍ରାମର ମୃତ ଶବକୁ ସେମାନେ ସଦର ଗ୍ରାମପଞ୍ଚାୟତ ମାରିୱାଡା ଶ୍ମଶାନକୁ ନେଇ ଆସନ୍ତି । କିନ୍ତୁ ଦୁଃଖ ଓ ପରିତାପର ବିଷୟ ଆଜି ମଧ୍ୟ ମାରିୱାଡା ଓ କିରତଙ୍ଗ ଗୁଡାକୁ ସଂଯୋଗ କରୁଥିବା ରାସ୍ତାରେ ଏକ ନଦୀ ପ୍ରବାହିତ ହେଉଛି ।

ସେହି ନଦୀ ପାର ହେବା ପାଇଁ କୌଣସି ଡଙ୍ଗା ନଥିବାରୁ, ଶବକୁ ନଦୀ ପାର କରିବା ପାଇଁ କିରତଙ୍ଗଗୁଡାବାସୀ 4 ଗୋଟି ବଡ ହାଣ୍ଡିରେ କିଛି ବାଉଁଶ ବାନ୍ଧି ତା ଉପରେ ଶବକୁ ରାଖି ଠେଲି ଠେଲି ନଦୀ ପାର କରି ଶ୍ମଶାନକୁ ଆଣି ଶବଦାହ କରନ୍ତି । ସେହିପରି ଭାବେ ଆଜି କିରତଙ୍ଗ ଗୁଡା ଗ୍ରାମର ଗଙ୍ଗା ପୂଜାରୀ ନାମକ ବ୍ୟକ୍ତିଙ୍କର ଆଜି ମୃତ୍ୟୁ ଘଟିଥିବାବେଳେ ଶବକୁ ନଦୀ ପାର କରି ଶ୍ମଶାନକୁ ଆଣିବା ପାଇଁ ସେହିପରି ଭାବେ ପରିବାର ସମେତ ଗ୍ରାମବାସୀ 4 ଗୋଟି ବଡ ହାଣ୍ଡିରେ କିଛି ବାଉଁଶ ବାନ୍ଧି ତା ଉପରେ ଶବକୁ ରଖି ଠେଲି ଠେଲି ନଦୀ ପାର କରି ଶ୍ମଶାନକୁ ଆଣି ଶବ ଦାହ କରିଥିବାର ଦୃଶ୍ୟ ଦେଖିବାକୁ ମିଳିଥିଲା ।

ମାରିୱାଡା ଗ୍ରାମ ପଞ୍ଚାୟତ ସଦର ଠାରୁ କିରତଙ୍ଗଗୁଡା ଗ୍ରାମକୁ ନଦୀ ପାର ହୋଇ ଗଲେ 3 ରୁ 4 କିମି ଥିବାବେଳେ ରାଖାଲଗୁଡା ଓ ଏମ୍ଭି-୨୬ ମଧ୍ୟରେ ସେହି ନଦୀ ଉପରେ ଏକ ବ୍ରିଜ ନିର୍ମାଣ ହୋଇଛି । ହେଲେ କିରତଙ୍ଗଗୁଡା ଠାରୁ ସେହି ବ୍ରିଜ ଦେଇ ପଞ୍ଚାୟତ ଷଡରକୁ ଆସିବାକୁ ପ୍ରାୟ ୧୦କିମି ବୁଲିବାକୁ ପଡୁଛି ।

ଆହୁରି ପଢନ୍ତୁ ଓଡିଶା ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more