ଅର୍ଗସ ବ୍ୟୁରୋ: ଉପାନ୍ତରେ ମଣ୍ଡି ଅବ୍ୟବସ୍ଥା l କାମକୁ ଆସନି ମଣ୍ଡି ଗୃହ, ଖୋଲା ଆକାଶ ତଲେ ଚାଲିଛି ମଣ୍ଡି l 4ରୁ 6 କେଜି କଟନୀ ଛଟନୀ ସାଙ୍ଗକୁ ଧାନ ବିକ୍ରି କରିବାର 10 ଦିନ ପରେ ବି ଚାଷୀଙ୍କ ଆକାଉଣ୍ଟରେ ପଡୁନି ଟଙ୍କା l ଏ ହେଉଛି ନୂଆପଡା ଜିଲ୍ଲା ଖଡ଼ିଆଳ ବ୍ଲକ ବରଗାଁ ଠାରେ ଥିବା ଧାନ ମଣ୍ଡିର ଦୃଶ୍ୟ l  ମିଲର୍ସ ଏବଂ ପ୍ରଶାସନ ର ସଲାସୁତୁରା ଯୋଗୁଁ ଚାଷୀ ଏଠି କଷ୍ଟ ପାଉଛି l ବାରମ୍ବାର ଅଭିଯୋଗ ସତ୍ୱେ ପ୍ରଶାସନ ଚୁପ ଥିବା ଅଭିଯୋଗ କରିଛନ୍ତି ଚାଷୀ  l

ବରଗାଁ ନିକଟରେ ଲକ୍ଷ ଲକ୍ଷ ଟଙ୍କା ରେ ମଣ୍ଡି ଘର ତିଆରି ହୋଇଛି l ହେଲେ କୌଣସି କାରଣ ଯୋଗୁଁ କାମ ରେ ଆସୁନି l ମଦୁଆଙ୍କ ଆଡ୍ଡାସ୍ଥଳୀ ପାଲଟିଥିବା ବେଳେ ଖତ ଖାଉଛି ଏହି ମଣ୍ଡି ଗୃହ l  ଅବ୍ୟବସ୍ଥା ନ ସୁଧୁରିଲେ ଆନ୍ଦୋଳନ ଜୋରଦାର ହେବା ନେଇ ଚେତାବନି ଦେଇଛନ୍ତି ଦଳିତ ଅଧିକାର ମଞ୍ଚ l ମଣ୍ଡି ଅବ୍ୟବସ୍ଥା ଅଭିଯୋଗ ହେଉଛି ହେଲେ ପ୍ରଶାସନ କାହିଁକି ଜାଣି ଶୁଣି ଚୁପ ରହୁଛି l ବରଗାଁ ମଣ୍ଡି ଉପରେ ପ୍ରଶାସନର ନଜର କେବେ ପଡିବ।

ଅଧିକ ପଢ଼ନ୍ତୁ ଓଡିଶା ଖବର: