ଭୁବନେଶ୍ୱର:  ଲୁବ୍ରିକାଣ୍ଟ ଓ ଫେବ୍ରିକେସନ ଦୋକାନରେ ଅଗ୍ନିକାଣ୍ଡ । ୧୦ ଲକ୍ଷରୁ ଉର୍ଦ୍ଧ୍ୱ ଟଙ୍କାର କ୍ଷତି । ରାଜଧାନୀ ଉପକଣ୍ଠ ବାଲିପାଟଣା ଥାନା ଚଣାହଟ୍ଟା ଛକରେ ଆଜି ସକାଳୁ ଅଗ୍ନିକାଣ୍ଡ ଘଟି ବ୍ୟାପକ କ୍ଷୟକ୍ଷତି ହୋଇଛି । ୧୦ ଲକ୍ଷରୁ ଉର୍ଦ୍ଧ୍ୱ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । 

ନିମାପଡ଼ା-ସରଦେଇପୁର ରାସ୍ତାର ଚଣାହଟ୍ଟା ଛକରେ ଥିବା ରଘୁନାଥ ଜେନାଙ୍କ ଲୁବ୍ରିକାଣ୍ଟ ଦୋକାନ କୌଣସି କାରଣରୁ ହଠାତ ଅଗ୍ନି ସଂଯୋଗ ହୋଇଥିଲା । ଦୋକାନ ଭିତରେ ମୋବିଲ, ଗାଡ଼ି ପାର୍ଟସ ଏବଂ ଅନ୍ୟାନ୍ୟ ସାମଗ୍ରୀ ହୁତୁହୁତ ହୋଇ ଜଳିଥିଲା । 

ସୂଚନା ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ସେତେବେଳକୁ ବହୁ ସାମଗ୍ରୀ ପୋଡ଼ି ପାଉଁଶ ହୋଇ ଯାଇଥିଲା । ସେହି ଦୋକାନକୁ ଲାଗି ଥିବା ପ୍ରତାପ ଜେନାଙ୍କ ମହାବୀର ଫେବ୍ରିକେସନ ପ୍ରଭାବିତ ହୋଇଛି । ପ୍ରତାପଙ୍କ ୪ ଟି ୱେଲଡିଂ ମେସିନ, ୩ଟି ଡ୍ରିଲ୍ ମେସିନ, ଜେନେରେଟର ୧, ବାଇକ ୪  ଏବଂ ନଗଦ 1 ଲକ୍ଷ ଟଙ୍କା ଅନ୍ୟାନ୍ୟ ସାମଗ୍ରୀ ପ୍ରାୟ ପୋଡ଼ି ପାଉଁଶ ହୋଇଯାଇଛି ।

ଆହୁରି ପଢନ୍ତୁ ଓଡିଶା ଖବର...