ଭୁବନେଶ୍ୱର: ବିଜେଡି ଅମଳରେ ରାଜ୍ୟରେ 5ଟି ନାଁରେ ଚାଲିଥିଲା ଶାସନ। କିନ୍ତୁ 5ଟି ନାଁରେ କେମିତି ଟିମ୍ ୱାର୍କରେ ଚାଲିଥିଲା ରାଜ୍ୟ ରାଜକୋଷ ଲୁଟ୍ ତାର ଗୋଟିଏ ପରେ ଗୋଟିଏ ପ୍ରମାଣ ସାମ୍ନାକୁ ଆସିଛି। ସୂଚନା ଅଧିକାର ଆଇନରେ ବାଲେଶ୍ବର ଜିଲ୍ଲାରେ ହୋଇଥିବା 5-T କେଳାଙ୍କାରୀର ଗୁମର ଖୋଲିଛି। ଭୂତ କମ୍ପାନୀ ଦେଖାଇ କୋଟି କୋଟି ଟଙ୍କା ଲୁଟ୍ କରାଯାଇଥିଲା। ବିବାଦ ଘେରକୁ ଆସିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଣ୍ଡ ଟିମ୍। ନବୀନଙ୍କ ଛତ୍ରଛାୟା ତଳେ ପାଣ୍ଡିଆନଙ୍କ 5ଟି କାମ ନାଁରେ ବଡ ଦୁର୍ନୀତି । ଲୁଟିବା ପାଇଁ ତିଆରି ହୋଇଥିବା ଭୈରବ କାର୍ତିକେୟନ୍ ପାଣ୍ଡିଆନଙ୍କ ଏକ୍ସକ୍ଲୁସିଭ ଯୋଜନାରେ ଲୁଟିନେଲେ କୋଟିକୋଟି ଟଙ୍କା । ଜଳେଶ୍ୱର ପରେ ବାଲେଶ୍ୱର ସଦର ବ୍ଲକ । ପୁରା ଟିମ୍ ୱାର୍କରେ ଲୁଟିନେଲେ କୋଟିକୋଟି ଟଙ୍କା । ବାଲେଶ୍ବର ଜିଲ୍ଲାରେ ୫ଟି ଦୁର୍ନିତୀର ପାର୍ଟ -୨ । ପ୍ରଥମ ପର୍ଯ୍ୟାୟରେ ଦେଖିଥିଲେ ମିଛ GST ବିଲ୍ ଆଉ ଦ୍ବିତୀୟ ପର୍ଯ୍ୟାୟରେ ଦେଖିନ୍ତୁ ଭୂତ କମ୍ପାନୀ ନାଁରେ ଟଙ୍କା ହରିଲୁଟ ।

ଭୂତ କମ୍ପାନୀ ଦେଖାଇ ୫ଟି ବିଦ୍ୟାଳୟ ରୂପାନ୍ତରୀକରଣ ନାଁରେ ମହାଘୋଟାଲା । କେବଳ ବାଲେଶ୍ବର ସଦର ବ୍ଲକରେ ୬ କୋଟିରୁ ଉର୍ଦ୍ଧ ଟଙ୍କାର ଘୋଟାଲା । ଏଥିରେ ବାଲେଶ୍ବରର ତଥାକଥିତ ବିଜେଡିର ପାଓ୍ବାରଫୁଲ ଲିଡରଙ୍କ ସମ୍ପୃକ୍ତି ରହିଥିବାର ଅଭିଯୋଗ । ନଜର ପକାନ୍ତୁ ସୂଚନା ଅଧିକାର ଆଇନ ବଳରେ ମିଳିଥିବା ଏଇ ତଥ୍ୟ ଉପରେ, ବାଲେଶ୍ବର ସଦର ବ୍ଲକ ଛାନୁଆ ସରକାରୀ ପଞ୍ଚାୟତ ହାଇସ୍କୁଲ ପାଇଁ ଭିନାୟକ ସାଇଣ୍ଟିଫିକ୍ ନାମକ ଏକ ବ୍ୟବସାୟୀକ ଅନୁଷ୍ଠାନରୁ କିଣା ଯାଇଥିବା ସାମଗ୍ରୀ ୩ ମେ ୨୦୨୨ରେ ଉକ୍ତ ବ୍ୟବସାୟୀକ ଅନୁଷ୍ଠାନ ନିକଟରୁ ୧ଲକ୍ଷ ୪୦ହଜାର ଟଙ୍କାର ସାମଗ୍ରୀ ମଧ୍ୟ କିଣାହୋଇଥିବା ଏହି ସବୁ ବିଲରେ ଦର୍ଶାଯାଇଛି । ଆଉ କୋଟିକୋଟି ଟଙ୍କାର ବିଲ୍ ଦେଖାଇ ଲୁଟି ନେଇଛନ୍ତି ଟଙ୍କା । ଆପଣ ନିଶ୍ଚିତ ଭାବୁଥିବେ ଏଥିରେ ଆଶ୍ଚର୍ଯ୍ୟ ହେବାର କଣ ଅଛି । ସାମଗ୍ରୀ କିଣା ହୋଇଛି ବିଲ ହୋଇଛି । ଏଥିରେ ଆଶ୍ଚର୍ଯ୍ୟର କଥା ହେଉଛି ଓଡିଶାରେ ଭିନାୟକ ସାଇଣ୍ଟିଫିକ୍ ବୋଲି କୌଣସି କମ୍ପାନୀ ବା ବ୍ୟବସାୟୀକ ଅନୁଷ୍ଠାନ ହିଁ ନାହିଁ । ଭୂତ କମ୍ପାନୀକୁ ଦର୍ଶାଇ ୪୦ ଲକ୍ଷରୁ ଅଧିକ ଟଙ୍କାର ବିଲ୍ କରାଯାଇଛି ।

GST ନମ୍ବରରେ ଦର୍ଶାଯାଇଥିବା କମ୍ପାନୀର ଠିକଣା ଅନୁଯାଇ ଖାତା ନମ୍ବର ରହିଛି ୧୦୪୭/୩୮୭ , ପ୍ଲଟ ନଂ- ୨୦୯୫/୨୮୫୨ ଛାନୁଆ ପଞ୍ଚାୟତ ବସ୍ତା ବ୍ଲକ ବାଲେଶ୍ବର । ଜମିର ମାଲିକ ହେଉଛନ୍ତି ରାମ ଚନ୍ଦ୍ର ନାୟକ ପିତା ବିପ୍ର ନାୟକ, କିନ୍ତୁ ସେ ସ୍ଥାନରେ କୌଣସି ଏଭଳି ଦୋକାନ ହିଁ ନାହିଁ । ଆଉ ଯାହାକି ପ୍ରମାଣ କରୁଛି ଭୂତ କମ୍ପାନୀ ନାଁରେ ଲୁଟ୍ ହୋଇଛି କୋଟି କୋଟି ଟଙ୍କା । ଛାନୁଆ ପଞ୍ଚ‍ାୟତ ହାଇସ୍କୁଲରେ କିଣାଯାଇଥିବା ସାମଗ୍ରୀ ଅତ୍ୟନ୍ତ ନିମ୍ନ ମାନର । ଯେଉଁ କିଛି ଉପକରଣ ଲାଗିଥିଲା ତାହା ମଧ୍ୟ ଖରାପ ହୋଇଗଲାଣି । ଆଉ ଏହାକୁ ବିଦ୍ୟାଳୟ କର୍ତ୍ତୁପକ୍ଷ ମଧ୍ୟ ସ୍ୱୀକାର କରିଛନ୍ତି । ସେପଟେ ଏହି ଘଟଣାର ତଦନ୍ତ ହେବ ବୋଲି କହିଛନ୍ତି ବିଭାଗୀୟ ମନ୍ତ୍ରୀ । ଜିଲ୍ଲାରେ ହୋଇଥିବା ଏହି କେଳେଙ୍କାରୀରେ ବିଜେଡିର ତଥାକଥିତ ପାଓ୍ବାରଫୁଲ ଲିଡରଙ୍କ ବଡ ସମ୍ପୃକ୍ତି ଥିବା ଅଭିଯୋଗ ହେଉଛି । ବିଜେଡି କହେ ନବୀନ ବାବୁ ଦୁର୍ନୀତିକୁ ପ୍ରଶୟ ଦିଅନ୍ତି ନାହିଁ । ତେବେ ପୂର୍ବତନ ମୁଖ୍ୟମନ୍ତ୍ରୀ ତଥା ଏବେର ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଛତ୍ରଛାୟା ତଳେ ଏହା ଲୁଟ ହୋଇଛି ବୋଲି ବାଲେଶ୍ୱରବାସୀ ଅଭିଯୋଗ କରିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

Argus News | argus news | -Argusnews Home: Odisha Latest News, Breaking News, Trending News, Live TV and more