Argus News - ବିଜେଡିକୁ ମହଙ୍ଗା ପଡ଼ିବ ବରିଷ୍ଠଙ୍କୁ ଅଣଦେଖା

ମାଲକାଗିରି:  ବିଜେଡିକୁ ମହଙ୍ଗା ପଡ଼ିବ ବରିଷ୍ଠଙ୍କୁ ଅଣଦେଖା। ଦଳରେ ବଢୁଛି ଅସନ୍ତୁଷ୍ଟଙ୍କ ସଂଖ୍ୟା। ବିଜେଡି ଛାଡିଲେ ପୂର୍ବତନ ବିଧାୟକ ମୁକୁନ୍ଦ ସୋଡି । ମାଲକାନଗିରିରେ ବିଜୁ ଜନତା ଦଳକୁ ଶକ୍ତ ଝଟକା, ଦଳର ବରିଷ୍ଠ ନେତା ତଥା ପୂର୍ବତନ ବିଧାୟକ ମୁକୁନ୍ଦ ସୋଡି ଦଳରୁ ଇସ୍ତଫା ଦେଇଛନ୍ତି ।

ସେ ବିଜେଡି ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିବା ବେଳେ ଏହାକୁ ନେଇ ଜିଲ୍ଲାରେ ଚହଳ ପଡିଛି । ୨୦୦୯ ମସିହାରେ ବିଜେଡିରେ ରହି ମାଲକାନଗିରି ବିଧାୟକ ଭାବେ ନିର୍ବାଚିତ ହୋଇଥିଲେ ସୋଡି। ତେବେ ଏହାପରେ ସେ ଗତ ନିର୍ବାଚନ ଅର୍ଥାତ ୨୦୧୯ରେ ମଧ୍ୟ ଦଳ ପକ୍ଷରୁ ଟିକେଟ ପାଇ ଲଢେଇ କରିଥିବା ବେଳେ ପରାଜୟ ବରଣ କରିଥିଲେ । ଦଳରେ ଅବହେଳା, ବରିଷ୍ଠ କର୍ମୀଙ୍କୁ ଅଣ ଦେଖା ଓ ଦଳୀୟ କାର୍ଯ୍ୟରେ ସାମିଲ ନକରିବା ଯୋଗୁଁ ସେ ଦଳ ଛାଡିଥିବା ସହ ଆଜି ସେ ବିଜେପିରେ ସାମିଲ ହେବେ ବୋଲି ପ୍ରକାଶ କରିଛନ୍ତି । 

ଅଧିକ ପଢନ୍ତୁ ଓଡ଼ିଶା ଖବର