ଅର୍ଗସ ବ୍ୟୁରୋ : ବିଶିଷ୍ଟ ସ୍ୱାଧୀନତା ସଂଗ୍ରାମୀ ନୀଳମଣି ସାମଲ ଗୁରୁତର ଅସୁସ୍ଥ । କଟକ ବଡ ମେଡିକାଲରେ ଭର୍ତ୍ତି । ଏସସିବିର ମେଡିସନ ବିଭାଗର ଆଇସିୟୁରେ ତାଙ୍କୁ ଭର୍ତ୍ତି କରାଯାଇଛି । ଚିକିତ୍ସା ନିମନ୍ତେ ଏସସିବିର ପ୍ରଫେସରଙ୍କୁ ନେଇ ଚାରିଜଣିଆ କମିଟି ଗଠନ କରାଗଲା । ଏହି ଚାରିଜଣିଆ କମିଟି ରହିଛନ୍ତି, ମେଡ଼ିସିନ ବିଭାଗର ପ୍ରଫେସର ସରୋଜ କୁମାର ତ୍ରିପାଠୀ, ନିରୋସର୍ଜନର ବିଭାଗର ପ୍ରଫେସର ସଞ୍ଜିବ କୁମାର ମିଶ୍ର, ନିରୋଲୋଜି ପ୍ରଫେସର କାଳି ପ୍ରସନ ସ୍ବାଇଁ ଓ କାର୍ଡିଓଲୋଜି  ପ୍ରଫେସର ଦୀପକ ରଞ୍ଜନ ଦାସ ରହିଛନ୍ତି ।

ସୂଚନା ଅନୁଯାୟୀ ଗତକାଲି ଅପରାହ୍ନ ସମୟରେ ମୁଣ୍ଡରେ ଆଘାତ କାରଣରୁ ତାଙ୍କୁ ପ୍ରଥମେ ଯାଜପୁରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ବିଳମ୍ବିତ ରାତିରେ ଯାଜପୁରରୁ କଟକ ଏସସିବି ମେଡିକାଲ ସ୍ଥାନାନ୍ତର ହୋଇଛନ୍ତି  ବିଶିଷ୍ଟ ସ୍ୱାଧୀନତା ସଂଗ୍ରାମୀ ନୀଳମଣି ସାମଲ । 

ଅଧିକ ପଢନ୍ତୁ : ବିଶିଷ୍ଟ ସ୍ୱାଧୀନତା ସଂଗ୍ରାମୀ ନୀଳମଣି ସାମଲ ଗୁରୁତର ଅସୁସ୍ଥ, SCB ରେ ଭର୍ତ୍ତି

ମେଡିକାଲରେ ଭର୍ତ୍ତି ହେବା ପରେ ତାଙ୍କର ସିଟି ସ୍କାନ କରାଯାଇଥିଲା । ଉଚ୍ଚ ରକ୍ତ ଚାପ ଚିହ୍ନଟ ହେବା ପରେ ତାଙ୍କୁ ମେଡିସନ ଆଇସିୟୁରେ ଭର୍ତ୍ତି କକରାଯାଇଛି । ସେ ଓଡ଼ିଶା ରାଜ୍ୟ ସ୍ୱାଧୀନତା ସଂଗ୍ରାମୀ ସମିତିର ସଭାପତି ଅଛନ୍ତି । ତାଙ୍କ ବୟସ ୧୦୧ ବର୍ଷ । ୪ ଥର ରାଷ୍ଟ୍ରପତିଙ୍କ ଦ୍ୱାରା ସମ୍ମାନିତ ହୋଇଛନ୍ତି ସେ । ତେବେ ସମସ୍ତ ପ୍ରକାର ଚିକିତ୍ସା ସେବା ଯୋଗାଇ ଦିଆଯିବାକୁ  ପଦକ୍ଷେପ ନିଆଯାଇଛି ବୋଲି କହିଛନ୍ତି ଏସସିବି କୂଳ ସଚିବ ।