ବ୍ରହ୍ମପୁର: ନଅଙ୍କ ଦୁର୍ଭିକ୍ଷ ବେଳେ ଲୋକଙ୍କ ଜୀବନ ବଞ୍ଚିବାର ରାହା ଥିଲା ପଦ୍ମନାଡ଼ ବା ମହୁନାଡ଼ । ଏହି ମହୁନାଡ଼କୁ ଏବେବି ଲୋକେ ଖାଦ୍ୟରେ ବ୍ୟବହାର କରନ୍ତି । ଯେମିତି ଗଞ୍ଜାମ ଜିଲ୍ଲାର ଜାହାଡା ହଜରୁ ମହୁନାଡ ସଂଗ୍ରହ କରି ପରିବାର ପତିପୋଷଣ କରୁଛନ୍ତି ମଶାଣିଭାଗ ଲୋକେ ଏବଂ ଆଖପାଖ ଅଞ୍ଚଳର ପାଞ୍ଚ ଖଣ୍ଡ ଗ୍ରାମବାସୀ l

ଜାହାଡା ହଜକୁ ସକାଳ ହେଲେ ଗଭୀର ପାଣି ଭିତରେ ପଶି ମହୁନାଡକୁ ସଂଗ୍ରହ କରୁଛନ୍ତି ଏ ଅଞ୍ଚଳର ଲୋକମାନେ l ପାଣି ଓ ପଙ୍କ ଭିତରୁ ମହୁନାଡ଼କୁ ବାହାର କରି ସଫା କରି ଗାଁ ଗାଁ ବୁଲି ବିକ୍ରି କରନ୍ତି । ସେଥିରୁ ଯାହା ରୋଜଗାର ହୁଏ ପରିବାର ପ୍ରତିପୋଷଣ ହୁଏ ।

ଗଞ୍ଜାମ ଜିଲ୍ଲା ଧରାକୋଟ ବ୍ଲକର ଜାହାଡା ପଞ୍ଚାୟତର ଅନ୍ତ ହଜ l ଆଉ ଏହି ହଜ ସେଠିକା ଲୋକଙ୍କ ପାଇଁ ରୋଜଗାର ଖୁରାକ ଯୋଗାଇଛି । ଜନ୍ତୁ ଯୁନ୍ତା ଭୟ ଏବଂ ଶୀତ କାକରରେ ଘଣ୍ଟା ଘଣ୍ଟା ଧରି ପାଣି ଓ ପଙ୍କରୁ ବାହାର କରନ୍ତି ମହୁନାଡ । ଆଉ ଏହି ମହୁନାଡକୁ ପରିବାର କୁଟୁମ୍ବ ମିଶି ସଫା କରି ଗାଁ କୁ ଗାଁ ବୁଲି ମହୁନାଡ ବିକ୍ରି କରନ୍ତି ।

ଏହି ମହୁ ନାଡରୁ ଯାହା ରୋଜଗାର ହୁଏ ସେଥିରୁ ପରିବାର ଦୁଃଖ କଷ୍ଟରେ ଚଳି ଆସୁଛନ୍ତି । ବହୁ ସମୟ ଧରି ପାଣି ଭିତରେ ନିଜ ଜୀବନକୁ କଷ୍ଟ ହେଲେ ମଧ୍ୟ ମହୁନାଡ ସଂଗ୍ରହ କରୁଛନ୍ତି ପାଖାପାଖି 50 ପରିବାର ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV