ଅର୍ଗସ ବ୍ୟୁରୋ: ଉପର ମୁଣ୍ଡରେ ପ୍ରବଳରୁ ଅତି ପ୍ରବଳ ବର୍ଷା ହେବା ଫଳରେ ଗୋଦାବରୀ ନଦୀର ଜଳ ସ୍ତର ବଢ଼ି ଚାଲିଛି । ଯାହା ଫଳରେ ପଡୋଶୀ ଆନ୍ଧ୍ର ପ୍ରଦେଶ ଓ ତେଲେଙ୍ଗାନାରେ ଏକପ୍ରକାର ବନ୍ୟା ସ୍ଥିତି ଦେଖଦେଲାଣି। ଗତକାଲିଠାରୁ ଭଦ୍ରାଞ୍ଚଲମ୍ ଠାରେ ଗୋଦାବରୀର ଜଳସ୍ତର 35.1 ଥିବା ବେଳେ ଆଜି ଏହା ଏକ ନମ୍ବର ବିପଦ ସଙ୍କେତ ଅତିକ୍ରମ କରିଛି । ଆନ୍ଧ୍ର ପ୍ରଦେଶର ଆଲୁର ସୀତାରାମ ରାଜୁ ଜିଲ୍ଲାରେ ବନ୍ୟା ସ୍ଥିତିକୁ ଦୃଷ୍ଟିରେ ରଖି ହାଇ ଆଲର୍ଟ ଜାରି କରାଯାଇଛି । ଏହାସହ କୋଥାଗୁଡେମ୍ ଓ ଭଦ୍ରାଚଲ୍ ରେ ଦୁଇଟି କଣ୍ଟ୍ରୋଲ ରୁମ୍ କରି ବନ୍ୟା ସ୍ଥିତି ଉପରେ ନଜର ରଖିଛି ପଡୋଶୀ ରାଜ୍ୟ । 

ତେବେ ଗୋଦାବରୀ ନଦୀ ଫୁଲିବା ଯୋଗୁଁ ଏବେ ମୋଟୁ ପ୍ରତି ବଡ଼ ବିପଦ ମାଡ଼ି ଆସୁଛି । ମୋଟୁ ର ମୁଗୀ ପଏଣ୍ଟରୁ ମାତ୍ର 5 ଫୁଟ ତଳେ ଜଳସ୍ତର ଥିବା ବେଳେ କୌଣସି ସମୟରେ ମଧ୍ୟ ମୋଟୁକୁ ବନ୍ୟାଜଳ ପ୍ରବେଶ କରିପାରେ । ଏହାସହ ମୋଟୁର ତଳୁଆ ଅଞ୍ଚଳରେ ବନ୍ୟା ଜଳ ପ୍ରବେଶ କରିବା ଆରମ୍ୱ କଲାଣି ।

ଅଧିକ ପଢ଼ନ୍ତୁ ଓଡ଼ିଶା ଖବର