ଭୁବନେଶ୍ୱର: ଲୋକାର୍ପିତ ହୋଇଯାଇଛି ବହୁ ପ୍ରତିକ୍ଷୀତ ଶ୍ରୀମନ୍ଦିର ପରିକ୍ରମା ପ୍ରକଳ୍ପ । ହେଲେ ପ୍ରକଳ୍ପ ପାଇଁ ଜମି ଦାନ କରିଥିବା ବ୍ୟକ୍ତିଙ୍କୁ ଲୋଡ଼ିଲେନି ଶ୍ରୀମନ୍ଦିର ପ୍ରଶାସନ ଓ ରାଜ୍ୟ ସରକାର । ଜଗନ୍ନାଥଙ୍କ କାମ କହି ପ୍ରକଳ୍ପର ଲୋକାର୍ପଣ ଉତ୍ସବ ହେଲା । ଦେଶ ବିଦେଶରେ ପଟୁଆରରେ ବୁଲିଲା ନିମନ୍ତ୍ରଣ ପତ୍ର । ପୁରୀକୁ ନେତା, ମନ୍ତ୍ରୀଙ୍କ ସୁଅ ଛୁଟିଲା । ହେଲେ ଯେଉଁମାନଙ୍କ ତ୍ୟାଗ ପାଇଁ ଏ ପ୍ରକଳ୍ପର ଭିତ୍ତି ପଡ଼ିଲା ସେମାନଙ୍କୁ ଏତେ ବଡ ଆୟୋଜନରେ ଅଂଶଗ୍ରହଣ କରିବାକୁ ଡାକରା ମିଳିଲାନି । ତେବେ ପ୍ରଶାସନ ଓ ରାଜ୍ୟ ସରକାରଙ୍କ ଏଭଳି କାର୍ଯ୍ୟ ପାଇଁ ଖୁବ୍ ଦୁଃଖ ଓ କ୍ଷୋଭ ବ୍ୟକ୍ତ କରିଛନ୍ତି ବିସ୍ଥାପିତ ।

କାମ ସରିଲା ଆମକୁ ପଚାରିଲେନି । ଆଗରୁ ମନ୍ଦିର ପାଖରେ ଘର ଥିଲା । ଦିନକୁ 2 ରୁ 3 ଥର ମନ୍ଦିର ଯାଉଥିଲୁ । ହେଲେ ଆମକୁ ସେଠାରୁ ଉଠାଇ ଦିଆଗଲା । କୁହାଗଲା ଫଳକରେ ଆମ ନାଁ ରହିବ । ଆମକୁ ପରିଚୟପତ୍ର ମିଳିବ । ହେଲେ ସେସବୁ ତ ମିଳିଲାନି । ବରଂ ଲୋକାର୍ପଣ ଉତ୍ସବରେ ଆମକୁ ନିମନ୍ତ୍ରଣଟିଏ ବି ମିଳିଲାନି । ଏ ଥିଲା ବିସ୍ଥାପିତଙ୍କ କଥା ।

ଏବେ ଏତେ ବଡ ଆୟୋଜନ ଭିତରେ ଗୌଣ ହୋଇଗଲା କି ଏହି ବ୍ୟକ୍ତି ମାନଙ୍କ ତ୍ୟାଗ ଓ ବଳିଦାନ । ଏ ପ୍ରଶ୍ନ ପଚାରୁଛନ୍ତି ଶ୍ରୀମନ୍ଦିର ଚତୁପାର୍ଶ୍ୱରୁ ବିସ୍ଥାପିତ ମାନେ ।

ଆହୁରି ପଢନ୍ତୁ ଓଡିଶା ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more