ଅର୍ଗସ ବ୍ୟୁରୋ: ଭିନ୍ନକ୍ଷମ ଅତି ସହଜ ଏବଂ ସୁବିଧାରେ ଭିନ୍ନକ୍ଷମ ପ୍ରମାଣପତ୍ର ପାଇବା ସହ ସରକାରଙ୍କ ଯୋଜନା ଓ ସୁବିଧା ସୁଯୋଗ ପାଇବା ଲକ୍ଷ୍ୟ ନେଇ ମୟୂରଭଞ୍ଜ ଜିଲ୍ଲା ଶୁଳିଆପଦା ବ୍ଲକ କାର୍ଯ୍ୟାଳୟ ପରିସର ମଧ୍ୟରେ ଭୀମଭୋଇ ଭିନ୍ନକ୍ଷମ ସମର୍ଥ ଶିବିର ଅନୁଷ୍ଠିତ ହୋଇଥିଲା। ଯାହାର ପରିଚାଳନା ଦାଇତ୍ୱ ତୁଲାଇଥିଲେ ବିଏସଏସଓ ଅର୍ଥାତ୍ ବ୍ଲକ ସମ୍ପ୍ରସାରଣ ଅଧିକାରୀ । କିନ୍ତୁ ଦେଖନ୍ତୁ କିପରି ଭିନ୍ନକ୍ଷମ ଭାଇ ଭଉଣୀ  ହଇରାଣ ହେଉଛନ୍ତି। କେଉଁଠି ପଞ୍ଜିକରଣ କରିବେ, କେଉଁଠି ଡାକ୍ତର ଅଛନ୍ତି , ଖୋଜି ପାଉନାହାଁନ୍ତି। କାର୍ଯ୍ୟାଳୟ ଫାଟକ ସମ୍ମୁଖରୁ ବହୁ କଷ୍ଟରେ ଶିବିର ପାଖକୁ ଆସୁଛନ୍ତି। ବ୍ଲକ ପ୍ରଶାସନ ପକ୍ଷରୁ କୌଣସି ସୁବିଧା ନାହିଁ। ଡ଼ାକ୍ତର ମାନଙ୍କ ବ୍ୟବହାରରେ ବି ଅସନ୍ତୋଷ ଦେଖା ଦେଇଥିଲା ।

କିଛିବର୍ଷ ପୂର୍ବେ ଯେଉଁ ଶିବିର ଆୟୋଜନ ହୋଇଥିଲା ସେଥିରେ ମଧ୍ୟ ଅବ୍ୟବସ୍ଥା ଦେଖାଦେଇଥିଲା । ସେତେବେଳେ ବି ଶିବିରକୁ ବହୁ ଭିନ୍ନକ୍ଷମ ଆସିଥିଲେ, ପଞ୍ଜିକରଣ ମଧ୍ୟ ହୋଇଥିଲା କିନ୍ତୁ ବହୁ ଭିନ୍ନକ୍ଷମଙ୍କୁ ପ୍ରମାଣପତ୍ର କିମ୍ଵା ବସ୍ ପାସ୍ ମିଳି ନଥିଲା । କେତେ ଭିନ୍ନକ୍ଷମ ପଞ୍ଜିକରଣ କରିଥଲେ, କେଉଁ ବିଭାଗରେ କେତେ ଓ କେତେଜଣଙ୍କୁ ଭିନ୍ନକ୍ଷମ ପ୍ରମାଣପତ୍ର ପ୍ରଦାନ କରାଯାଇଛି, ତାହାର ତଥ୍ଯ ବି ବ୍ଲକ ପ୍ରଶାସନ ପାଖରେ ନାହିଁ। ଏବେ ଦେଖନ୍ତୁ ଏହିସବୁ ଷ୍ଟଲକୁ ଏ କୌଣସି ଖାଦ୍ୟ ମେଳା କିମ୍ବା କୌଣସି ମେଳାର ଷ୍ଟଲ୍ ଚିତ୍ର ନୁହେଁ।

ଏ ହେଉଛି ଭୀମଭୋଇ ଭିନ୍ନକ୍ଷମ ସମର୍ଥ ଶିବିରର ଚିତ୍ର । ବ୍ଲକ ପ୍ରଶାସନ ଶାସକ ଦଳର ଇଙ୍ଗିତରେ ଓ ମିଶନ ଶକ୍ତି ମହିଳାଙ୍କ ମନକୁ ରଖିବା ପାଇଁ ଖାଦ୍ୟ ପ୍ରସ୍ତୁତ ସାମଗ୍ରୀର ଷ୍ଟଲ୍ ଲଗାଇଛନ୍ତି।  ସରକାର ଯେଉଁ ଯୋଜନା ଭିନ୍ନକ୍ଷମଙ୍କ ପାଇଁ କରିଛନ୍ତି ତାହାର ଷ୍ଟଲ ଲାଗିଥିଲେ ବରଂ ଏମାନଙ୍କ ପାଇଁ କିଛି ଉପକାରରେ ଆସି ପାରିଥାନ୍ତା । ତେବେ କେବେ ଭିନ୍ନକ୍ଷମ ଭାଇ ଭଉଣୀଙ୍କୁ ଭିନ୍ନକ୍ଷମ ପ୍ରମାଣପତ୍ର କିମ୍ଵା ବସ୍ ପାସ୍ ମିଳୁଛି ତାହା ଦେଖିବାକୁ ବାକି ରହିଲା ।

ଅଧିକ ପଢ଼ନ୍ତୁ ଓଡିଶା ଖବର: