ଅର୍ଗସ ବ୍ୟୁରୋ: ଚିକିଟି ମଦ ମୃତ୍ୟୁ ଘଟଣା ପରେ ସରକାରଙ୍କର ମଦ ବିରୋଧି କଡା ଆଭିମୁଖ୍ୟ । ବର୍ଷକ ଭିତରେ ବେଆଇନ ମଦ ବେପାର ବନ୍ଦ ପାଇଁ ରାଜ୍ୟ ସରକାର କଠୋର ନିଷ୍ପତ୍ତି ନେଇଛନ୍ତି । ବିଧାନସଭାରେ ମୁଲତବି ଆଲୋଚନା ଚାଲିଥିବା ବେଳେ ଅବକାରୀ ମନ୍ତ୍ରୀ ପୃଥ୍ବିରାଜ ହରିଚନ୍ଦନ କହିଛନ୍ତି ସ୍କୁଲ, କଲେଜ, ମନ୍ଦିର ପାଖରେ ଆଉ ରହିବନି ମଦ ଦୋକାନ । ବିକ୍ରି ହୋଇପାରିବନି ମଦ । ଚୋରା ମଦ ନେଟଓ୍ବର୍କ ବନ୍ଦ କରାଯିବ । ଯେଉଁମାନେ ବେଆଇନ ମଦ କାରବାରରେ ଲିପ୍ତ ଅଛନ୍ତି ସେମାନେ କ୍ରିମିନାଲ । ଏକ ନିର୍ଦ୍ଦିଷ୍ଟ ରାଜନୈତିକ ଦଳର ପୃଷ୍ଠପୋଷକତା ରହିିଛି । ଏହା ବନ୍ଦ ହେଉ ବୋଲି ସେ କହିଛନ୍ତି । ବେଆଇନ ମଦ ପ୍ରସ୍ତୁତି ଯାଗା ଉପରେ ବୁଲଡୋଜର ଚାଲିବ ବୋଲି ପୂର୍ବରୁ କହିସାରିଥିଲେ ଅବକାରୀ ମନ୍ତ୍ରୀ । ଏବେ ବେଆଇନ ମଦ ବେପାର ଉପରେ ଅଙ୍କୁଶ ଲଗାଇବା ପାଇଁ ଦୃଢ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଏଥିସହ ବନ୍ଦ ହେବ ଡ୍ୟାନ୍ସ ବାର । 

ଚିକିଟି ମଦ ମୃତ୍ୟୁ ଘଟଣା ପରେ ଆକସନ ମୋଡକୁ ଆସିଛନ୍ତି ନୂଆ ସରକାର । ଦେଖନ୍ତୁ ଏ ଦୃଶ୍ୟକୁ । କିପରି ସୁଡଙ୍ଗ କରି ପ୍ରସ୍ତୁତ ହେଉଥିଲା ଦେଶୀ ମଦ । ଭୁବନେଶ୍ବର ସାଲିଆ ସାହିରେ ରେଡ କରିଛି କମିଶନରେଟ ପୋଲିସ । ମଦକୁ ନଷ୍ଟ କରିବା ସହିଚ 975 ଲିଟର ଦେଶି ମଦ  ଜବତ କରିଛି ।22ଲିଟର ବିଦେଶୀ ମଦ ଜବତ ସହ 500 ଲିଟର ମହୁଆ ଓ୍ବାସ ନଷ୍ଟ କଲା କମିଶନରେଟ ପୋଲିସ । 2 ମହିଳା ମଦ ବେପାରିଙ୍କ ସହିତ 20ଜଣଙ୍କୁ ଗିରଫ କରାଯାଇଛି ।  ଆଉ ଏ ଦୃଶ୍ୟ ହେଉଛି ବାଲେଶ୍ବରର । ବାଲେଶ୍ବର ସହର ପୁରୁଣା ବାଲେଶ୍ବର ନିକଟରେ ଏକ ଦେଶୀ ମାଦ ଭାଟିରେ ଅଚାନକ ଚଢାଉ କରିଥିଲା ପୋଲିସ ଓ ଅବକାରୀ ବିଭାଗ। ଚଢ଼ାଉ ବେଳେ ୨୦ ହଜାର ଲିଟର ଦେଶୀ ମଦ ପୋଚ ନଷ୍ଟ କରାଯିବା ସହ ୫୦୦ ଲିଟର ମଦ ଜବତ ହୋଇଛି।

ଓଡିଶାରେ ବେଆଇନ ମଦର ବଡ ନେଟଓ୍ବର୍କ ଚାଲିଛି । ପୂର୍ବ ସରକାର ଥିଲେ ମଦ ବନ୍ୟାର ନାୟକ । ଚାନ୍ଦା ଓ ହାତ ପାଣ୍ଠି ଯୋଗାଡ କରିବାରେ ଏହା ଏକ ବଡ ମାଧ୍ୟମ ବୋଲି କୁହାଯାଉଛି । ଓଡିଶାର ଗାଁ ଗାଁରେ ମଦର ବନ୍ୟା । ଏମିତି ଅନେକ ଗାଁ ଅଛି ଯେଉଁଠି ପିଇବା ପାଣି ଟିକିଏ ନାହିଁ କିନ୍ତୁ ମଦ ମିଳୁଛି । ଏବେ ରାଜ୍ୟ ସରକାରଙ୍କ କଠୋର ନିଷ୍ପତ୍ତି ପରେ ମଦ ମାଫିଆଙ୍କ ଭିତରେ ଛନକା ପଶିଛି ।

ଅଧିକ ପଢ଼ନ୍ତୁ ଓଡ଼ିଶା ଖବର...