ହାସ୍ୟ ଅଭିନେତା ଗୁଲୁଆଙ୍କ ଚାଞ୍ଚଲ୍ୟକର ଅଭିଯୋଗ । ନିଜ ଜୀବନ ପ୍ରତି ବିପଦ ଥିବା କହିଲେ ଗୁଲୁଆ । ସୋସିଆଲ୍ ମିଡିଆରେ ଏକ ଭିଡିଓ ପୋଷ୍ଟ କରି ସୁରକ୍ଷା ଲୋଡ଼ିଛନ୍ତି ଗୁଲୁଆ । କାହାରି ନାଁ ନନେଇ ଭାବବିହ୍ବଳ ହୋଇ ଭିଡିଓ କରି କହିଛନ୍ତି, ତାଙ୍କୁ ହତ୍ୟା ଧମକ ଦେବା ସହ ୫୦ ଲକ୍ଷ ଟଙ୍କା ମଗାଯାଉଛି । ଗଲା କିଛି ଦିନ ଧରି ତାଙ୍କୁ ହତ୍ୟା ଧମକ ଦିଆଯାଉଥିବାରୁ ସେ ମାନସିକ ଚାପରେ ରହିଛନ୍ତି । ଏମିତିକି ମୋ ଜୀବନ ପ୍ରତି ବିପଦ ଅଛି । ମୋ ଗୋଡ଼ ହାତ ଭାଙ୍ଗି ଦେବେ ବୋଲି ଧମକ ଦେଇଛନ୍ତି କିଛି ଲୋକ ।

ଗୁଲୁଆ ସେହି ଭିଡିଓରେ କହିଛନ୍ତି କି ତାଙ୍କୁ ପ୍ରଥମେ କୋଟିଏ ଟଙ୍କା ଦେବାକୁ କୁହାଗଲା । ପରବର୍ତ୍ତି ସମୟରେ ୫୦ଲକ୍ଷ ଟଙ୍କା ଦିଅ ବୋଲି ଧମକ ମିଳିଛି । ଯଦି ୫୦ ଲକ୍ଷ ଟଙ୍କା ଦେବେ ନାହିଁ ତେବେ ସୋସିଆଲ ମିଡିଆରେ ତାଙ୍କୁ ବଦନାମ କରାଯିବ ସହ କିଛି ମିଛ କେସରେ ଫସାଇବେ ବୋଲି ମଧ୍ୟ ଅଭିଯୋଗ କରିଛନ୍ତି ହାସ୍ୟ ଅଭିନେତା ଗୁଲୁଆ ।


ସେପେଟ ଗୁଲୁଆଙ୍କ ଏଭଳି ଅଭିଯୋଗ ପରେ ତାଙ୍କ ପତ୍ନୀ ବର୍ଷା ସାଙ୍ଘାତିକ ଖୁଲାସା କରିଛନ୍ତି । ସେ କହିଛନ୍ତି, ମୁଁ ବର୍ଷେ ହେଲାଣି ଘରୋଇ ନିର୍ଯାତନାର ଶିକାର ହୋଇଛି । ମତେ ମାଡ଼ ମାରିଥିଲେ ଗୁଲୁଆ ଓ ତାଙ୍କ ପରିବାର ଲୋକ । ଗୁଲୁଆ ଯେତେ ଝିଅଙ୍କ ସହ ସଂପର୍କରେ ଅଛନ୍ତି ସମସ୍ତଙ୍କ ଭିଡିଓ ମୋ ପାଖରେ ଅଛି ବୋଲି କହିଛନ୍ତି ବର୍ଷା । ମୁଁ ତାଙ୍କ ସ୍ତ୍ରୀ ହୋଇ ବି ସେ ମୋତେ ପଚାରୁନାହାନ୍ତି । ମୋ ସହ ସମ୍ପର୍କ ନ ତୁଟାଇ ଅନ୍ୟଝିଅଙ୍କ ସହ ସମ୍ପର୍କ ରଖିବାକୁ କେମିତି ଗ୍ରହଣ କରିବି ବୋଲି ବର୍ଷା କହିଛନ୍ତି ।