ଅର୍ଗସ ବ୍ୟୁରୋ: ଲାଠୋର ଥାନା ବୁଢାଛାପର ଗ୍ରାମର ଗୋପାଳ ବିଶ୍ଵାଳ ଗତ 2 ତାରିଖରେ ନିଜ ବାଇକରେ ଫେରୁଥିବା ବେଳେ ଟଙ୍କପାଣିଠାରେ 3 ଜଣ ଯୁବକ ବନ୍ଧୁକ ଦେଖାଇ ଅଟକାଇ ମାଡ ମାରି ୬ ହଜାର ଟଙ୍କା ଲୁଟ କରିନେଇଥିଲେ। ଗୋପାଳ ବିଶ୍ଵାଳ ଲାଠୋର ଥାନାରେ ଏକ ମାମଲା ଦେଇଥିଲେ। 

ପୋଲିସ ତଦନ୍ତ କରି ଆଜି 2 ଜଣଙ୍କୁ ଗିରଫ କରି ପାଟଣାଗଡ଼ କୋର୍ଟ ଚାଲାଣ କରାଯାଇଥିବା ବେଳେ ଗୋଟିଏ ଦେଶୀ ବନ୍ଧୁକ ଗୋଟିଏ ରିଭଲଭର ସହ ଜୀବନ୍ତ ଗୁଳି ଓ ୩୫୦୦ ଟଙ୍କା ଓ ମୋବାଇଲ ଜବତ କରିଛି ବୋଲି ପାଟଣାଗଡ଼ ଏସଡିପିଓ ସଦାନନ୍ଦ ପୂଜାରୀ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଳନୀରେ ଲାଠୋର ଥାନା ଅଧିକାରୀ  ରାକେଶ କୁମାର ବେହେରା ଉପସ୍ଥିତ ଥିଲେ।

ଅଧିକ ପଢ଼ନ୍ତୁ ଓଡ଼ିଶା ଖବର