ଅର୍ଗସ ବ୍ୟୁରୋ : ମନରେ ଆଶାଥିଲା ବୁଢା ବାପା-ମାଙ୍କ ସେବା କରିବେ । ହେଲେ ଦୈଇବ ଦୁଃଖର ପାହାଡ଼ ଭିତକୁ ଠେଲି ଦେଲା । ହେଲେ ଆଜି ସେହି ବୁଢା ବାପା-ମା' ପୁଅର ସେବା କରୁଛନ୍ତି । ଏହିଭଳି ଏକ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ଭଦ୍ରକ ଜିଲ୍ଲାରେ । ଯାହା ଥିଲା ସବୁ ବିକି, ଭାଙ୍ଗି ଦେଇ ପୁଅର ଚିକିତ୍ସା କରିଥିଲେ ମଧ୍ୟ ପୁଅ ଭଲ ହୋଇ ପାରୁନାହିଁ । ଶେଷରେ ୧୯ ବର୍ଷିଆ ପୁଅ ସୋସିଆଲ ମିଡ଼ିଆରେ ନିଜର ଚିକିତ୍ସା ପାଇଁ ସାହାଯ୍ୟ ମାଗିଛନ୍ତି ।

ଚାନ୍ଦବାଲି ବ୍ଲକ ଅଧିନସ୍ଥ ଧାମରା କରଞ୍ଜମାଳ ଅଞ୍ଚଳର ଦିନ ମଜୁରିଆ ବିଜୟ ବେହେରାଙ୍କ ପୁଅ ମିଥୁନ ବେହେରା । ସେ ୩ ବର୍ଷ ତଳେ ଦଶମ ପାସ କରିବା ପରେ ସ୍ଥାନୀୟ ଏକ ଗ୍ରୋସରୀ ଦୋକାନରେ କାମ କରି ବୃଦ୍ଧା ବାପା ଓ ମା'ଙ୍କ ସେବା କରିବେ ବୋଲି ସ୍ବପ୍ନ ଦେଖୁଥିଲେ । ହେଲେ ଭଗବାନ ଏତେ ନିଷ୍ଠୁର ହୋଇଗଲେ । ଦୋକାନରେ କାମ କରିବା ଭିତରେ ହଠାତ୍ ମୁଣ୍ଡ ବିନ୍ଧିବା ଓ ବାନ୍ତି ପରେ କ୍ରମଶଃ ଦୁଇ ଗୋଡ଼ ଦୁର୍ବଳ ହୋଇ ଥରିଲା । ପାଦରେ ଛିଡ଼ା ହୋଇପାରିଲି ନାହିଁ । ଆଖି ଡ଼ୋଳାରେ ପରିବର୍ତ୍ତନ ଦେଖାଦେଲା । ପାଟିରୁ ଲାଳ ବାହାରିଲା ।

ମିଥୁନଙ୍କ ଭିଡ଼ିଓ ସୋସିଆଲ ମିଡ଼ିଆରୁ ଦେଖି ସାହାଯ୍ୟ ପାଇଁ ଆଗେଇ ଆସିଛନ୍ତି ଜିଲ୍ଲାର ଅଗ୍ରଣୀ ସୋଚ୍ଛାସେବୀ ଜୀବନ ଜ୍ୟୋତି ସଂଗଠନ । ତାଙ୍କ ଘରେ ପହଞ୍ଚି ପିଲାଟିର ଉତ୍ତମ ଚିକିତ୍ସା ପାଇଁ ଭଦ୍ରକ ଜିଲ୍ଲାପାଳଙ୍କ ସହ ମଧ୍ୟ ଯୋଗାଯୋଗ କରିଥିଲେ । ଏବଂ ଆମ୍ବୁଲାନ୍ସରେ ପିଲାଟିକୁ ଧରି ଭଦ୍ରକ ମେଡିକାଲରେ ମଧ୍ୟ ପହଞ୍ଚିଥିଲେ । ସେ ଭିଡିଓ ଦେଖି ଧାମନଗରର ଯୁବ ବିଧାୟକ ସୂର୍ଯ୍ୟବଂଶୀ ସୁରଜ ମଧ୍ୟ ଯୋଗାଯୋଗ କରିଥିଲେ । ପୂର୍ବରୁ ମେଡିକାଲରେ ଅପେକ୍ଷା କରି ରହିଥିଲେ । ଯୁବକଙ୍କ ପାଖକୁ ଯାଇ ସାହାଯ୍ୟର ହାତ ମଧ୍ୟ ବଢାଇଥିଲେ ।

ତାଙ୍କୁ ଭେଟିବା ସହ ତାଙ୍କର ଉତ୍ତମ ମାନର ଚିକିତ୍ସା ହୋଇ ପାରିବ ସେ ନେଇ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ ସହିତ ଆଲୋଚନା କରିଥିଲେ । ସେ ଶୀଘ୍ର ସୁସ୍ଥ ହୋଇ ଯାଆନ୍ତୁ ବୋଲି ଭଗବାନ ନିକଟରେ ମଧ୍ୟ ପ୍ରାର୍ଥନା କରିଛନ୍ତି ଧାମନଗରର ବିଧାୟକ । ତେବେ ଏହି ଗରିବ ପିଲାଟି ସୁସ୍ଥ ହୋଇ ଫେରିଆସୁ ବୋଲି ଆମେ ଜଗନ୍ନାଥଙ୍କ ପାଖରେ ପ୍ରାର୍ଥନା କରୁଛନ୍ତି ଧାମନଗରର ବିଧାୟକ

Argus News | argus news | Odisha Latest News, Breaking News, Trending News, Live TV