ଅର୍ଗସ ବ୍ୟୁରୋ: ପାଣ୍ଡିଆନଙ୍କ ବିରୁଦ୍ଧରେ ନବୀନଙ୍କୁ ଫେରାଦ ହେଲେ ହିଁଞ୍ଜିଳି ବିଜେଡି କର୍ମୀ । ବରିଷ୍ଠଙ୍କୁ ଅଣଦେଖା କରି ପାଣ୍ଡିଆନ୍ ବିଜେଡିକୁ ବୁଡାଇଦେଇଥିବାର ଆଣିଲେ ଅଭିଯୋଗ । ନବୀନ ନିବାସରେ ବିଜେଡି ସୁପ୍ରିମୋଙ୍କୁ ଭେଟି କହିଛନ୍ତି ଯେ ପାଣ୍ଡିଆନ ଏକା ନ ବୁଲି ବିଜେଡିର ବରିଷ୍ଠ ନେତା ମାନଙ୍କୁ ସାଙ୍ଗ ରେ ନେଇ ବୁଲିଥିଲେ ଭଲ ପ୍ରଭାବ ହେଇଥାନ୍ତା । ପାଣ୍ଡିଆନ ଏକା ବୁଲିବାରୁ ଲୋକେ ଗ୍ରହଣ କଲେନି । ପରାଜୟ ପରେ ପୁଣି ଥରେ ଦଳର ବରିଷ୍ଠ ନେତା ମାନେ ସାମ୍ନାକୁ ଆସିଲେଣି । ଏଥର ପୁଣି ବିଜେଡି ପୂର୍ବ ଭଳି କାମ କରିବ ।

ସେପଟେ ପାଣ୍ଡିଆନ, ମାନସ ମଙ୍ଗରାଜ ଓ ସସ୍ମିତ ପାତ୍ର ମୂର୍ଦାବାଦ ନାରାରେ କମ୍ପିଛି ଶଙ୍ଖ ଭବନ । ପରାଜୟ ପାଇଁ ପାଣ୍ଡିଆନ, ମାନସ ମଙ୍ଗରାଜ ଓ ସସ୍ମିତଙ୍କୁ ଦାୟୀ କରି କାର୍ଯ୍ୟାନୁଷ୍ଠାନ ଦାବି କଲେଣି ଯୁବ କର୍ମୀ । ଯୁବ ବିଜେଡି କର୍ମୀଙ୍କୁ ବୁଝାଇବାକୁ ବବି ଡାକିଥିବା ବୈଠକରେ ଉତେଜନା ପରିସ୍ଥିତି ସୃଷ୍ଟି ହୋଇଥିଲା । ତେବେ ଖୁବଶୀଘ୍ର ଏହି ପ୍ରସଙ୍ଗରେ ନିଷ୍ପତ୍ତି ନିଆଯିବ ବୋଲି ଯୁବ କର୍ମୀ ଙ୍କୁ ବବି ଆଶ୍ୱାସନା ଦେଇଥିଲେ ଦଳର ସାଙ୍ଗଠନିକ ସମ୍ପାଦକ । ବିଜେଡି ପରାଜୟର କାରଣ ଖୋଜିବାକୁ ବରିଷ୍ଠ ନେତା ପ୍ରସନ୍ନ ଆଚାର୍ଯ୍ୟଙ୍କ ନେତୃତ୍ୱରେ କମିଟି ଗଠନ କରାଯାଇଥିବା ବି କୁହାଯାଇଛି । ଏ ସବୁ ଭିତରେ ବରିଷ୍ଠ ନେତା ବି ପାଣ୍ଡିଆନ୍ ଙ୍କୁ ନେଇ ଖଡଗ୍ ହସ୍ତ ।

ପୂର୍ବରୁ ନେତାଙ୍କୁ ଟ୍ରାଫିକ୍ କଣ୍ଟ୍ରୋଲ କରାଉଥିଲେ ପାଣ୍ଡିଆନ୍ । ସଭା ମଞ୍ଚରେ ଏକା ଭାଷଣ ଦେଉଥିଲେ ଏକା ପ୍ରଚାର କରୁଥିଲେ । କାନ୍ତ କବିକୁ କଣ୍ଟ କବି କୁହାଯାଉଥିଲା ବେଳେ ତଳେ ବସି ଶୁଣୁଥିଲେ ବିଜେଡି ନେତା । ଆଉ ଏବେ ପରାଜୟ ପରେ ବିଜେଡି ନେତା ସମଲୋଚନା କରିବା ବେଳେ ନବୀନ ଏହାକୁ ଦୁର୍ଭାଗ୍ୟ ଜନକ କହିଛନ୍ତି । ତେବେ ନେତାଙ୍କ ବିରୋଧ ପରେ ନବୀନଙ୍କ ସ୍ବଛତା ସାର୍ଟିଫିକେଟ୍ ଆଗକୁ ବିଜେଡି ଭାଙ୍ଗିବାର ପ୍ରମୁଖ କାରଣ ପାଲଟିବନି ତ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV