Hirakud / ହୀରାକୁଦ ଡ୍ୟାମକୁ କେନ୍ଦ୍ର ସରକାର ଦେଲେ 100 କୋଟି ଟଙ୍କା

ହୀରାକୁଦ ଡ୍ୟାମର ବିକାଶ କାମ ଖୁବ ଶୀଘ୍ର ଆରମ୍ଭ ହେବ । ସରିଲାଣି ସର୍ଭେ, ଡିପିଆର ଓ ମାଷ୍ଟର ପ୍ଲାନ ପ୍ରସ୍ତୁତି । ପ୍ରଥମ ପର୍ଯ୍ୟୟରେ ନଭେମ୍ବର - ଡିସେମ୍ବର ଆରମ୍ଭ ହେବ ଆଇଭଲ ପ୍ଲାଜା, ଡ୍ୟାମ ମ୍ୟୁଜିୟମ ସହ ଓ୍ଵାଟର ସିମ୍ପୋନୀ ଲେଜର ସୋ'ର ନିର୍ମାଣ କାମ । ଏଥିପାଇ କେନ୍ଦ୍ର ସରକାର ପକ୍ଷରୁ ୧୦୦ କୋଟି ଅନୁମୋଦନ କରାଯାଇଛି ।

ନଭେମ୍ବର - ଡିସେମ୍ବରରୁ ଆରମ୍ଭ ହେବ ହୀରାକୁଦରେ ପର୍ଯ୍ୟଟନ ବିକାଶର କାମ । ପ୍ରଥମ ପର୍ଯ୍ୟାୟରେ ହୀରାକୁଦ ଡ୍ୟାମ ତଳେ ପାଓ୍ବାର ହାଉସ ପାଖରେ ଆଇଭଲ ପ୍ଲାଜା, ଡ୍ୟାମ୍ ମ୍ୟୁଜିୟମ ସହ ପାର୍କିଂ ସ୍ଥାନ ନିର୍ମାଣ ହେବ । ଜିରୋ ପଏଣ୍ଟ ରାସ୍ତା ଝାଙ୍କରାଣୀ ମନ୍ଦିର ନିକଟରେ କରାଯିବ ଓ୍ବାଟର ସିମ୍ଫୋନୀ ଲେଜର ସୋ । ଏଥିପାଇଁ ବାଙ୍ଗାଲୋରର ଏକ ସଂସ୍ଥା ସର୍ଭେ କରିଛି । DPR ପ୍ରସ୍ତୁତି ସହ ମାଷ୍ଟର ପ୍ଲାନ୍ ବି ସରିଛି । ନଭେମ୍ଵର-ଡିସେମ୍ବର ମାସରୁ ନିର୍ମାଣ କାମ ଆରମ୍ଭ ହେବ । କେନ୍ଦ୍ର ସରକାର ପକ୍ଷରୁ ୧୦୦ କୋଟି ମଞ୍ଜୁର କରାଯାଇଛି ।

ଏଥିସହ ପଢ଼ନ୍ତୁ: ଆଜିଠୁ ଖୋଲିଲା ଶିମିଳିପାଳ ଜାତୀୟ ଉଦ୍ୟାନ

ହୀରାକୁଦ ମ୍ୟୁଜିୟମରେ ହୀରାକୁଦ ନଦୀବନ୍ଧ ନିର୍ମାଣଠୁ ବର୍ତ୍ତମାନ ଯାଏର ଇତିହାସ ପ୍ରର୍ଦଶିତ ହେବ । ଓ୍ଵାଟର ସିମ୍ଫୋନୀ ଲେଜର ସୋରେ ମଧ୍ୟ ଡ୍ୟାମର ଇତିହାସ ନେଇ ଲେଜର ଲାଇଟ୍ ସୋ ପ୍ରଦର୍ଶିତ କରାଯିବ । ପର୍ଯ୍ୟଟକ ଡ୍ୟାମର ଇତିହାସ ଜାଣିବା ସହ ବେଶ୍ ମଜା ନେଇପାରିବେ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପୁର୍ବରୁ ବି ଏଥିପାଇଁ ହେଲିକପଟରରେ ହୀରାକୁଦ ଡ୍ୟାମ ଅଞ୍ଚଳ ବୁଲି ଦେଖିବା ସହ ସମୀକ୍ଷା କରିଥିଲେ ।

ହୀରାକୁଦର ଏଭଳି ବିକାଶକୁ ନେଇ କେନ୍ଦ୍ର ସରକାରଙ୍କୁ ସମ୍ବଲପୁରବାସୀ ଧନ୍ୟଵାଦ ଜଣାଇଛନ୍ତି । ଆଗକୁ ହୀରାକୁଦ ଜଳଭଣ୍ତାରରେ ଜଳକ୍ରୀଡ଼ା ହବ୍, ସ୍କୁବା ଡ୍ରାଇଭିଂ, ପାରାଗ୍ଲାଇଡିଂ ସହ ଭାସମାନ ରେଷ୍ଟ୍ରୁରାଣ୍ଟ ଆଦି ନିର୍ମାଣ ବି ହେବ ।

ଅଧିକ ପଢ଼ନ୍ତୁ ଓଡ଼ିଶା ଖବର...