ହୀରାକୁଦ ମୁଖ୍ୟ ଡ୍ୟାମ୍‌ ଓ ଆଖପାଖ ଅଞ୍ଚଳ ‘ନୋ-ଫ୍ଲାଇଂ ଜୋନ୍’ ଘୋଷଣା । ହୀରାକୁଦ ଜଳଭଣ୍ଡାରରୁ ଚଳିତ ବର୍ଷର ପ୍ରଥମ ବନ୍ୟାଜଳ ନିଷ୍କାସନକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ସମ୍ବଲପୁର ଜିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟ୍‌ଙ୍କ ନିର୍ଦ୍ଦେଶକ୍ରମେ ହୀରାକୁଦ ମୁଖ୍ୟ ଡ୍ୟାମ୍‌ ଏବଂ ଏହାର ଆଖପାଖ ଅଞ୍ଚଳକୁ ‘ନୋ-ଫ୍ଲାଇଂ ଜୋନ୍’ ଭାବେ ଘୋଷଣା କରାଯାଇଛି ।

ନିର୍ଦ୍ଦେଶ ଅନୁଯାୟୀ, ଜିଲ୍ଲାପାଳଙ୍କ ପୂର୍ବ ଅନୁମତି ବିନା ଉକ୍ତ ବିଜ୍ଞପ୍ତି ଅଞ୍ଚଳରେ ଡ୍ରୋନ୍, ମାଇକ୍ରୋଲାଇଟ୍ ଏୟାରକ୍ରାଫ୍ଟ ଏବଂ ଅନ୍ୟ କୌଣସି ପ୍ରକାରର ମାନବ ବିହୀନ କିମ୍ବା ମାନବ ଚାଳିତ ଆକାଶମାର୍ଗୀୟ ଯନ୍ତ୍ର ଉଡ଼ାଇବା ଉପରେ ସମ୍ପୂର୍ଣ୍ଣ କଟକଣା ଜାରି କରାଯାଇଛି । ଡ୍ୟାମ୍‌ର ନିରାପତ୍ତା ଓ ସୁରକ୍ଷାକୁ ସୁନିଶ୍ଚିତ କରିବା ପାଇଁ ସମସ୍ତ ଗଣମାଧ୍ୟମ ପ୍ରତିନିଧି ଏବଂ ସାଧାରଣ ଜନତାଙ୍କୁ ଏହି ନିୟମ ପାଳନ କରିବା ସହ ଜିଲ୍ଲା ପ୍ରଶାସନକୁ ସମ୍ପୂର୍ଣ୍ଣ ସହଯୋଗ କରିବାକୁ ଅନୁରୋଧ କରାଯାଇଛି ।

ସୂଚନା ଅନୁସାରେ, ଆସନ୍ତାକାଲି ଚଳିତ ବର୍ଷର ପ୍ରଥମ ବନ୍ୟା ଜଳ ନିଷ୍କାସନ ହେବ । ହୀରାକୁଦ ଜଳଭଣ୍ତାର ଜଳସ୍ତର ବୃଦ୍ଧି ଓ ଉପର ମୁଣ୍ତରୁ ଜଳ ପ୍ରବେଶ ବଢୁଥିବାରୁ ଗେଟ ଖୋଲିବା ନେଇ ନିଷ୍ପତ୍ତି ହୋଇଛି । ଛତିଶଗଡରେ ବର୍ଷା ଯୋଗୁ କଲମା ବ୍ୟାରେଜ ରୁ ୪୬ ଟି ଗେଟ ଖୋଲିଛି ।

ଡାକବାଜି ଯନ୍ତ୍ର ଦ୍ଵାରା ହୀରାକୁଦ ଗେଟ ଖୋଲିବା ପୂର୍ବରୁ ତଲିଆ ଅଂଚଳରେ ସର୍ତକ ସୂଚନା ଦିଆଯାଉଛି । ଜୁଲାଇ ୯ ରେ ହୀରାକୁଦ ନଦୀ ବନ୍ଧ ଖୋଲିବ । ହୀରାକୁଦ ଜଳଭଣ୍ତାରରୁ ନିଷ୍କାସିତ ହେବ ପ୍ରଥମ ବନ୍ୟା ଜଳ । ତେଣୁ ରାଜ୍ୟର ମହାନଦୀ କୂଳିଆ ଜିଲ୍ଲା ମାନଙ୍କୁ ଏହି ସତର୍କ ସୂଚନା ଜାରି କରାଯାଇଛି । ମହାନଦୀ ଭିତରକୁ ଜନସାଧାରଣ ଓ ମତ୍ସ୍ୟଜୀବୀଙ୍କ ପ୍ରବେଶ ବାରଣ କରାଯାଇଛି ।

୯ ତାରିଖ ଦିନ ୧୧ ଟାରେ ପରମ୍ପରା ଅନୁୟାୟୀ ପୂଜାର୍ଚ୍ଚନା ପରେ ଗେଟ ଖୋଲାଯିବ । ଛତିଶଗଡରେ ବର୍ଷା ଯୋଗୁ କଲମା ବ୍ୟାରେଜର ୪୬ ଟି ଖୋଲିଲାଣି । ଏଥିପାଇଁ ହୀରାକୁଦ ଜଳଭଣ୍ତାର କୁ ଜଳପ୍ରଵେଶ ବଢିବାରେ ଲାଗିଛି । ଆସନ୍ତା ୯ ତାରିଖ ଗୁରୁବାର ସୁଦ୍ଧା ଜଳସ୍ତର ୬୧୨ ରୁ ୬୧୩ ଫୁଟ ପର୍ଯ୍ୟନ୍ତ ପହଂଚିଥିବ ।

ଗେଟ ଖୋଲିବା ନେଇ ଡ୍ୟାମ କର୍ତ୍ତୃପକ୍ଷ ସମସ୍ତ ପ୍ରସ୍ତୁତି କରିଛନ୍ତି । ତେଵେ ସ୍ଥିତି ଦେଖି କେତୋଟି ଗେଟ ଖୋଲାଯିବ ତାହା ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି । ହୀରାକୁଦ ଗେଟ ଖୋଲିବା ପରେ ମହାନଦୀ ତଳିଆ ଅଂଚଳ ଜିଲ୍ଲାରେ କୌଣସି ବନ୍ୟା ପରିସ୍ଥିତ ହେବାର ଆଶଙ୍କା ନଥିବା ସୂଚନା ରହିଛି ।