FloodAlert / ହୀରାକୁଦରେ ବଢ଼ୁଛି ଜଳସ୍ତର….ଖୋଲିଲା ୨୨ଟି ଗେଟ… ତଳିଆ ଅଞ୍ଚଳକୁ ବନ୍ୟା ଆଲର୍ଟ

ବଢ଼ୁଛି ହୀରାକୁଦର ଜଳସ୍ତର। ସକାଳେ ୧୦ଟି ଗେଟ ଖୋଲାଥିବାବେଳେ ବର୍ତ୍ତମାନ ଆଉ ୮ଟି ଗେଟ ଖୋଲାଯାଇଛି। ସମୁଦାୟ ୨୨ଟି ଗେଟରେ ଜଳ ନିଷ୍କାସିତ ହେଉଛି। ପ୍ରତି ସେକେଣ୍ଡରେ ୨ ଲକ୍ଷ କ୍ୟୁସେକରୁ ଅଧିକ ବନ୍ୟାଜଳ ହେଉଛି ନିଷ୍କାସିତ। ସେପଟେ ମୁଣ୍ଡୁଳିରେ ଜଳସ୍ତର ବୃଦ୍ଧି ଆଶଙ୍କା ପରେ ବଢ଼ିଲା ତଳିଆ ଅଞ୍ଚଳବାସୀଙ୍କ ଚିନ୍ତା। ଜିଲ୍ଲାପାଳଙ୍କ ସହ ସରକାରୀ ଅଧିକାରୀଙ୍କୁ ଜାରି ହେଲା ସତର୍କ ସୂଚନା।

ଏହାସହ ପଢ଼ନ୍ତୁ: ଡାଏବେଟିସ୍ ଥିବାରୁ ରକ୍ତ ପରୀକ୍ଷା ପାଇଁ ଯାଇଥିଲେ… ବଢ଼ି ପାଣି ଦେଖୁ ଦେଖୁ ନଦୀକୁ ଖସି ପଡ଼ିଲେ

ହୀରାକୁଦ ଜଳଭଣ୍ତାରକୁ ଗତ ଦୁଇ ଦିନ ହେବ ଲଗାତାର ୩ ଲକ୍ଷରୁ ଊର୍ଦ୍ଧ୍ବ କ୍ୟୁସେକ ଉପରେ ଜଳ ପ୍ରବେଶ କରୁଛି । ଫଳରେ ଜଳସ୍ତର ଆଜି ସକାଳ ୬ଟା ସୁଦ୍ଧା ୬୨୩.୫୨ ଫୁଟ ରହିଥିଲା । ଉପର ମୁଣ୍ତରୁ ହୀରକୁଦ ଜଳ ଭଣ୍ଡାରକୁ ୩ ଲକ୍ଷ ୬୯ ହଜାର ୩୨୨ କ୍ୟୁସେକ ଜଳ ପ୍ରବେଶ କରୁଥିବା ବେଳେ ମାତ୍ର ସେକେଣ୍ତ ପ୍ରତି ୬୫ ହଜାର ୫୪୩ କ୍ୟୁସେକ ଜଳ ନିଷ୍କାସନ ହେଉଥିଲା । ତେଣୁ ଇନ୍‌ ଫ୍ଲୋକୁ ଦୃଷ୍ଟିରେ ରଖି ଏବେ ୧୦ଟି ଗେଟ୍‌ ଖୋଲାଯାଇଛି । ଯାହାଫଳରେ ଏବେ ମୋଟ ୧୨ ଟି ଗେଟରେ ୨ ଲକ୍ଷରୁ ଅଧିକ କ୍ୟୁସେକ ଜଳ ନିଷ୍କାସନ ହେଉଛି ।

ସେପଟେ ମହାନଦୀରେ ବନ୍ୟା ଜଳ ପ୍ରବାହ ସ୍ଥିତିରେ ପରିବର୍ତ୍ତନ ଦେଖିବାକୁ ମିଳିଛି । ଆଠଗଡ ଏବଂ କଟକ ମୁଣ୍ଡଳୀ ଅଞ୍ଚଳରେ ମହାନଦୀର ଜଳସ୍ତର କ୍ରମଶଃ କମିବାରେ ଲାଗିଛି । ଯାହାକି ସ୍ଥାନୀୟ ଅଞ୍ଚଳବାସୀଙ୍କୁ କିଛି ମାତ୍ରାରେ ଆଶ୍ୱସ୍ତି ପ୍ରଦାନ କରିଛି । ଗତକାଲି ରାତି ସୁଦ୍ଧା ମୁଣ୍ଡଳୀ ଦେଇ ୮ ଲକ୍ଷ ୮୦ ହଜାର କ୍ୟୁସେକ ବନ୍ୟାଜଳ ପ୍ରବାହିତ ହେଉଥିଲା । କିନ୍ତୁ ଏହି ସ୍ଥିତିରେ ସାମାନ୍ୟ ସୁଧାର ଆସି ବର୍ତ୍ତମାନ ଜଳ ପ୍ରବାହ କମି ୮ ଲକ୍ଷ ୭୩ ହଜାର କ୍ୟୁସେକକୁ ଖସିଥିବା ନେଇ ସୂଚନା ମିଳିଛି । ମୋଟାମୋଟି ଭାବେ ମହାନଦୀର ଜଳସ୍ତର ଏବେ ହ୍ରାସ ପାଇବାରେ ଲାଗିଛି ।

ସେପଟେ ବନ୍ୟାସ୍ଥିତି ନେଇ ସମୀକ୍ଷା ବୈଠକ ଅନୁଷ୍ଠିତ ହୋଇଛି । ରାଜସ୍ବ ମନ୍ତ୍ରୀ ସୁରେଶ ପୂଜାରୀଙ୍କ ଅଧ୍ୟକ୍ଷତାରେ ସମୀକ୍ଷା ବୈଠକ ଆରମ୍ଭ ହୋଇଛି । ବନ୍ୟା ପ୍ରଭାବିତ ଅଞ୍ଚଳର ଜିଲ୍ଲାପାଳ ମାନଙ୍କ ସହ ଆଲୋଚନା ହେଉଛି । ପ୍ରଭାବିତ ଅଂଚଳର ଜିଲ୍ଲାପାଳମାନେ ଭିସିରେ ଯୋଡି ହୋଇଛନ୍ତି । ରାଜସ୍ୱ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ, SRC, ପାଣିପାଗ ବିଜ୍ଞାନ, ଜଳସମ୍ପଦ ବିଭାଗର ଅଧିକାରୀ ଏହି ବୈଠକରେ ସାମିଲ ହୋଇଛନ୍ତି ।