ଭୁବନେଶ୍ୱର: ହାଇଟେକ ହସ୍ପିଟାଲରେ ବିସ୍ପୋରଣ ଘଟଣାରେ ଏକ ବଡ ଧରଣର ତ୍ରୁଟି ସାମ୍ନାକୁ ଆସିଛି । ମନୁଷ୍ୟକୃତ ଭୂଲ୍ ଯୋଗୁଁ ମୃତଦେହ ଅଦଳବଦଳ ଘଟଣା ସାମନାକୁ ଆସିଛି । ସୂଚନା ଅନୁଯାୟୀ ଡିସେମ୍ବର ୨୯ ତାରିଖ ସନ୍ଧ୍ୟାରେ ହାଇଟେକ ହସପିଟାଲ ଏସି କମ୍ପେସର ମରାମତି କରୁଥିବା ସମୟରେ ହଠାତ କମ୍ପ୍ରେସର ବିସ୍ଫୋରଣ ଘଟି ନିଆଁ ଲାଗିଯାଇଥିଲା । ଯେଉଁଥିରେ ମୋଟ ୪ ଜଣ ଗୁରୁତର ଆହତ ହୋଇଥିଲେ ।

ସେଥିମଧ୍ୟରୁ ଦଲ୍ଲୀପ ସାମନ୍ତରାୟ ଡିସେମ୍ବର ୩୦ ତାରିଖରେ ମୃତ୍ୟୁବରଣ କରିଥିବା ବେଳେ ଜାନୁଆରୀ ୧ ତାରିଖରେ ଶ୍ରୀତମ ସାହୁଙ୍କ ଦେହାନ୍ତ ହୋଇଛି । ଅନ୍ୟପକ୍ଷେ ଜ୍ୟୋତିରଞ୍ଜନ ମଲ୍ଲିକ ଓ ସୀମାଞ୍ଚଳ ବିଶ୍ଵାଳ ଗୁରୁତର ଅବସ୍ଥା ଯୋଗୁଁ ଉଭୟ ଭେଣ୍ଟିଲେଟରରେ ରହିଥିଲେ । କିନ୍ତୁ ଏବେ ମୃତଦେହକୁ ନେଇ ଦ୍ଵନ୍ଦ ସୃଷ୍ଟି ହୋଇଛି । ଘଟଣା ଅନୁଯାୟୀ ଜ୍ୟୋତି ରଞ୍ଜନ ଭେଣ୍ଟି ଲେଟରରୁ ବାହାରିବା ପରେ ନିଜକୁ ଦିଲ୍ଲୀପ ସାମନ୍ତରାୟ ବୋଲି ପରିଚୟ ଦେଇଛନ୍ତି । ଯାହାକୁ ନେଇ ହସ୍ପିଟାଲରେ ବଡ଼ ଦ୍ଵନ୍ଦ ଦେଖିବାକୁ ମିଳିଛି । ଦିଲ୍ଲୀପଙ୍କ ପରିବାର ଲୋକ ତାଙ୍କ ଶବର ଅନ୍ତିମ ସଂସ୍କାର କରିସାରିଛନ୍ତି । ହେଲେ ତାହା ଜ୍ୟୋତିରଞ୍ଜନଙ୍କ ଶବ ବୋଲି ଦାବି ହେଉଛି । ଏନେଇ ଉଭୟ ପରିବାର ହସ୍ପିଟାଲରେ ଉତ୍ତେଜନା ସୃଷ୍ଟି କରିଛନ୍ତି ।

ହାଇଟେକ୍ ହସ୍ପିଟାଲର ସୂଚନା ଅନୁଯାୟୀ ଯାହା ଉଭୟ ମୃତକଙ୍କ ପ୍ରାୟ ୩୦ ପ୍ରତିଶତ ଶରୀର ଜଳିଯାଇଥିଲା । ଆଉ ଚିକିତ୍ସା ବେଳେ ଯାହା ପରିବାର ଲୋକଙ୍କ ପକ୍ଷରୁ ପରିଚୟ ଦିଆଯାଇଥିଲା , ସେହି ଅନୁଯାୟୀ ଚିକିତ୍ସା ଚାଲିଥିଲା । ପରେ ନିଜ ସମ୍ପର୍କୀୟଙ୍କ ମୃତ ଶରୀରକୁ ପରଖିବା ପରେ ସେମାନଙ୍କୁ ଶବ ହସ୍ତାନ୍ତର କରାଯାଇଛି । ସେହିଭଳି ଉଭୟ ମୃତକଙ୍କ ପରିବାର ଲୋକେ ଏବେ ହସ୍ପିଟାଲକୁ ଦାୟୀ କରୁଛନ୍ତି । ଏହାର ତଦନ୍ତ ପାଇଁ ମଚେଶ୍ୱର ଥାନାର ଦ୍ୱାରସ୍ଥ ହେବ ହସ୍ପିଟାଲ ବୋଲି କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ମିଳିଛି । ଆବଶ୍ୟକ ପଡିଲେ DNA ଟେଷ୍ଟ ମଧ୍ୟ କରାଯିବ ବୋଲି ହସ୍ପିଟାଲ ପକ୍ଷରୁ କୁହାଯାଇଛି ।

ଆହୁରି ପଢନ୍ତୁ ଓଡିଶା ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV