ଭୁବନେଶ୍ବରକୁ ପୁଣି ଫେରିଲା ହକି । କଳିଙ୍ଗ ଷ୍ଟାଡିଅମକୁ ଫେରିଲା ହକି ଫିଭର । ଚଳିତ ବର୍ଷ ହକି ଇଣ୍ଡିଆ ଲିଗ ଆୟୋଜନ କରିବ କଳିଙ୍ଗ ଷ୍ଟାଡିଅମ । ଭୁବନେଶ୍ୱର, ରାଞ୍ଚି, ଚେନ୍ନାଇରେ ଆୟୋଜିତ ହେବ ଏହି ମେଗା ଇଭେଣ୍ଟ ।

ହକି ଇଣ୍ଡିଆ ଲିଗ୍‌ ପାଇଁ ଆରମ୍ଭ ହୋଇସାରିଲାଣି କାଉଣ୍ଟଡାଉନ୍‌ । ଭୁବନେଶ୍ବରର କଳିଙ୍ଗ ଷ୍ଟାଡିଅମରେ ଚାଲିଛି ଜୋରଦାର ପ୍ରସ୍ତୁତି । ଟୁର୍ଣ୍ଣାମେଣ୍ଟର ଶେଷ ପର୍ଯ୍ୟାୟ ମୁକାବିଲା ସହ ଫାଇନାଲ ମ୍ୟାଚ୍‌ ମଧ୍ୟ କଳିଙ୍ଗ ଷ୍ଟାଡିୟମରେ ଖେଳାଯିବ । ଏକାଧିକ ଓଡ଼ିଆ ଖେଳାଳି ବିଭିନ୍ନ ଫ୍ରାଞ୍ଚାଇଜରେ ଖେଳୁଥିବାରୁ ହକି ଇଣ୍ଡିଆ ଲିଗ୍‌ ମ୍ୟାଚ୍‌ ପାଇଁ ବଢ଼ିପାରେ ଉତ୍ସାହ । ଯୁବ ଖେଳାଳିଙ୍କୁ ଏକ ଭଲ ପ୍ଲାଟଫର୍ମ ପ୍ରଦାନ ପାଇଁ ଏହା ଖେଳାଯାଉଥିବା ବେଳେ ପୂର୍ବ ସଂସ୍କରଣରେ ସୃଷ୍ଟି କରିଥିଲା ଅନେକ ପ୍ରତିଭା ବାନ ପ୍ଲେୟାର । ସବୁଠାରୁ ବଡ଼ କଥା ହେଉଛି ଏହି ଟୁର୍ଣ୍ଣାମେଣ୍ଟରେ ଦର୍ଶକ ମାନଙ୍କ ପାଇଁ ଟିକେଟ ମାଗଣା କରାଯାଇଛି l ତିନୋଟି ରାଜ୍ୟରେ ଫ୍ରି' କରାଯାଇଛି । ଦର୍ଶକ ମାନେ ଆସି ଷ୍ଟାଡିୟମରେ ମ୍ୟାଚ ଦେଖିବାକୁ ଅପିଲ କରିଛନ୍ତି ହକି ଇଣ୍ଡିଆ ସଭାପତି ଦିଲ୍ଲୀପ ତିର୍କୀ ।

ଅଧିକ ପଢ଼ନ୍ତୁ: ବିଶ୍ବକପ୍‌ ପାଇଁ ଘୋଷଣା ହେଲା ଭାରତୀୟ ଦଳ, ବୈଭବ ସୂର୍ଯ୍ୟବଂଶୀଙ୍କୁ ମିଳିଲା ସୁଯୋଗ

ବେଦାନ୍ତ କଳିଙ୍ଗ ଲାନର୍ସ ଦଳର ହୋମ୍‌ ଗ୍ରାଉଣ୍ଡ ହେଉଛି କଳିଙ୍ଗ ଷ୍ଟାଡିୟମ । ପୂର୍ବ ଥର ସମ୍ପୂର୍ଣ୍ଣ ଲିଗ୍‌ ରାଉରକେଲାର ବିର୍ଶା ମୁଣ୍ଡା ହକି ଷ୍ଟାଡିଅମରେ ଖେଳାଯାଇଥିବା ବେଳେ ଏଥର ସେହି ଷ୍ଟାଡିୟମକୁ ମିଳିନି ଗୋଟେ ବି ମ୍ୟାଚ୍‌ । ଅନ୍ୟପଟେ କଳିଙ୍ଗ ଷ୍ଟାଡିଅମରେ ହକି ଫେରିବା ପରେ ଉତ୍ସାହିତ ଅନେକ ପ୍ଲେୟାର । ଏହା ଦ୍ୱାରା ଅନେକ କ୍ରୀଡ଼ାବିତ ସୃଷ୍ଟି ହେଉଥିବା ଯୋଗୁଁ HIL ଉପରେ ବେଶି ଫୋକସ୍‌ ରହିଛି ।

ସାରା ଦେଶରେ ଏବେ ଲିଗ୍‌ ଗେମର ଭାରି ଡିମାଣ୍ଡ ରହିଛି । ବିଭିନ୍ନ କ୍ରୀଡାରେ ଏବେ ଆୟୋଜିତ ହେଉଛି ଏହି ଲିଗ୍‌ । ତେବେ ସେହି ରାହାରେ ଆଗକୁ ବଢୁଥିବା HIL କେତେ ସଫଳ ହେଉଛି ତାହା ଦେଖିବା ବାକି ।