ମାଲକାନଗିରି: ମାଲକାନଗିରିରେ ପୁଣି ମୁଣ୍ଡ ଟେକିବାକୁ ଚେଷ୍ଟା କରୁଛି କି ମାଓ ସଂଗଠନ ? କାଲିମେଳା ଅଂଚଳରୁ ମିଳିଲା ବିପୁଳ ପରିମାଣର ମାଓ ସାମଗ୍ରୀ । ଆନ୍ଦ୍ର ଓଡିଶା ସୀମାନ୍ତ ଅଂଚଳରେ କୁମ୍ବିଂ ଅପରେସନ ଚାଲୁଥିବାବେଳେ  ଡିଭିଏଫ ଓ ଏସଓଜି ବାହିନୀଙ୍କୁ ମିଳିଛି ବଡ ସଫଳତା । କାଲିମେଳା ଥାନା ଅନ୍ତର୍ଗତ କୁର୍ମାନୁରର ଜଙ୍ଗଲ ମଧ୍ୟରୁ ମାଟି ତଳେ ପୋତାଯାଇଥିବା ବିପୁଳ ପରିମାଣର ମାଓ ସାମଗ୍ରୀ ଜବତ କରିଛି ମାଲକାନଗିରି ପୋଲିସ । 

22 ତାରିଖରୁ ଆରମ୍ଭ ହୋଇଥିବା ଅପରେସନରେ ଗତକାଲି ସୁରକ୍ଷା ବହିନୀ ଜବତ କରିଛନ୍ତି ମାଓ ସାମଗ୍ରୀ । ଜବତ ସାମଗ୍ରୀ ମଧ୍ୟରେ SBML ଗନ୍, 12 ଟି ବିଭିନ୍ନ ସାଇଜର ଟିଫିନ IED , 5 ଟି ଗ୍ରେନେଡ଼, 1.5 କେଜି କାଡେ଼କ୍ସ ୱାରୀ , ତିନୋଟି ଇଲେକ୍ଟ୍ରିକ ଡେଟୋନେଟର, 39 ଟି ଯିଲଟିନ ଷ୍ଟିକ ଭଳି ପ୍ରାୟ 34 ପ୍ରକାର ମାଓ ସାମଗ୍ରୀ ଜବତ କରାଯାଇଛି । 

ସମସ୍ତ ସାମଗ୍ରୀ ଜବତ ପରେ ଅନୁମାନ କରାଯାଉଛି ଯେ ମାଲକାନଗିରି ଜିଲ୍ଲାରେ ମାଓ ସଂଗଠନ ପୁଣି ନିଜ କାୟା ବିସ୍ତାର କରିବା ପାଇଁ କସରତ ଆରମ୍ଭ କରିଦେଇଛନ୍ତି ।  ଗୁଇନ୍ଦା ବିଭାଗ ସତର୍କ ରହିଛି ଏବଂ ଏହି ସବୁ ସାମଗ୍ରୀ ଆନ୍ଦ୍ର ଓଡିଶା ବଡ଼ର୍ର ଜୋନାଲ କମିଟିର ହୋଇଥିବ ବୋଲି ମାଲକାନଗିରି ଏସପି ସୂଚନା ଦେଇଛନ୍ତି ।  

ଆହୁରି ପଢନ୍ତୁ ଓଡିଶା ଖବର...