ରାସ୍ତାରେ ଶହ ଶହ ଟ୍ରକ ଛିଡା କରି କରିଲେ ପ୍ରତିବାଦ
ଅର୍ଗସ ବ୍ୟୁରୋ: ଡ୍ରାଇଭର ସଂଘର ପ୍ରତିବାଦ । ରାସ୍ତାରେ ଶହ ଶହ ଟ୍ରକ ଛିଡା କରି କରିଲେ ପ୍ରତିବାଦ । ଆଇରନ ବୋଝେଇ ଟ୍ରକର ଡ୍ରାଇଭରଙ୍କୁ ମାଡ଼ ମାରିବା ସହ ଜୋର ଜବରଦସ୍ତ ଚାନ୍ଦା ଆଦାୟ ପ୍ରତିବାଦରେ କଲା ଡ୍ରାଇଭର ସଂଘ । ଏଭଳି ଘଟଣା ଘଟିଥିଲା ବାସୁଦେବପୁର ବ୍ଲକ ର ବେତଡା ବଜାରରେ । ଆଜି ଭୋର ସମୟରେ ଧାମରାକୁ ଯାଉଥିବା ଗୋଟିଏ ଆଇରନ ବୋଝେଇ ଟ୍ରକକୁ କିଛି ଦୁର୍ବୁତ୍ତ ମାନେ ଅଟକାଇ ଜୋର ଜବରଦସ୍ତ ଚାନ୍ଦା ମାଗିଥିଲେ । ଡ୍ରାଇଭର ଜଣକ ନଦେବାରୁ ତାଙ୍କୁ ମାଡ଼ ମାରିବା ସହ ତାଙ୍କ ନିକଟରେ ଥିବା ସମସ୍ତ ଟଙ୍କାକୁ ଲୁଟିନେଇଥିଲେ ଦୁର୍ବୁତ୍ତ ମାନେ ।
ଫଳରେ ଧାମରାକୁ ଯାଉଥିବା ସମସ୍ତ ଆଇରନ ଗାଡି ଗୁଡିକ ରାସ୍ତା ଉପରେ ଛିଡା କରି ରାସ୍ତାରେ ପ୍ରତିବାଦ କରିଥିଲେ । ତୁରନ୍ତ ସେମାନଙ୍କୁ ଗିରଫ ପାଇଁ ଦାବି କରିଥିଲେ । ଦୀର୍ଘ ସମୟ ଧରି ଗାଡି ଗୁଡିକ ଛିଡା ହେବା ଫଳରେ ସାଧାରଣରେ ଜାତାୟତରେ ବ୍ୟାଘାତ ସୃଷ୍ଟି ହେଇଥିଲା । ଖବର ପାଇ ପୋଲିସ ପହଂଚି ବୁଝାଡୁଝା କରିଥିଲେ । ଏ ଘଟଣାରେ ସଂପୃକ୍ତ ଜଣକୁ ଅଟକ ରଖି ଅଧିକ ତଦନ୍ତ ଜାରି ରଖିଛି ।
ଅଧିକ ପଢ଼ନ୍ତୁ ଓଡିଶା ଖବର...
