ନୃଶଂସ ପାଲଟିଲା ସ୍ଵାମୀ । ସ୍ତ୍ରୀକୁ ମାରି ପାଇଖାନା ଟାଙ୍କିରେ ପୋତିଦେଲା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତର୍ଗତ ବୋର୍ ଗାଁରେ । ମୃତକ ହେଲେ ମନେଇ ଗଣ୍ଡ । ହତ୍ୟା ଅଭିଯୋଗରେ ରାଇଘର ପୋଲିସ ସୁବାସ ଗଣ୍ଡକୁ ଥାନାରେ ଅଟକ ରଖି ପଚରା ଉଚରା କରୁଛି ।

ପରିବାର ଲୋକେ ଏକ ବାହାଘର ଭୋଜି ଖାଇବାକୁ ଯାଇଥିବା ବେଳେ ସୁବାସ ଗଣ୍ଡ ସ୍ତ୍ରୀକୁ ହତ୍ୟା କରିଥିବା ସୂଚନା ମିଳିଛି । ଏହାପରେ ସ୍ତ୍ରୀ କୁଆଡ଼େ ଚାଲି ଯାଇଥିବା ବାହାନା କରିଥିଲା । ପିଲା ମାନେ ମାଆକୁ ନପାଇ ରାଇଘର ପୋଲିସକୁ ଖବର ଦେଇଥିଲେ ।

ସୂଚନା ଥାଉକି କାର୍ଯ୍ୟକ୍ରମ ସାରି ଘରକୁ ଫେରିବା ପରେ ପତ୍ନୀର ଚରିତ୍ରକୁ ସନ୍ଦେହ କରି ଉଭୟଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା । ଆଉ ଶେଷରେ ଏହି ଝଗଡ଼ ଭଗ୍ର ରୂପ ନେଇଥିଲା । ଯାହାକି ଶେଷରେ ସୁବାସ ମନେଇକୁ ପିଟିପିଟି ମାରି ଦେଇଥିଲା ।

ଏହାପରେ ସୁବାସ ପ୍ରଣାମ ଲୁଚାଇବାକୁ ଯାଇ ସେହିଦିନ ରାତିରେ ନିଜ ପାଇଖାନା ଟାଙ୍କିରେ ମନେଇର ମର ଶରୀରକୁ ପୋତି ଦେଇଥିଲେ l କିନ୍ତୁ ନିଜ ଚାରି ବର୍ଷର ପୁଅକୁ ବାପାର ଏଭଳି ଜଘନ୍ୟ କାମକୁସହି ନପାରି ସମସ୍ତ ପଡୋଶୀଙ୍କୁ କହିଦେଇଥିଲା ।

ଏଥିସହ ପଢ଼ନ୍ତୁ: ଛଦ୍ମବେଶୀ ଯୁବତୀର ହନିଟ୍ରାପରେ ଫଶି ଆତଙ୍କ ଦୁନିଆରେ ପାଦ ଥାପିଥିଲା ଇମ୍ରାନ !

ଗ୍ରାମବାସୀ ସୁବାସକୁ ଜେରା କରିବା ପରେ ସମସ୍ତ ଘଟଣା ପ୍ରକାଶ କରିଥିଲା । ଖବର ପାଇ ରାଇଘର ପୋଲିସ ଘଟଣା ସ୍ଥଳରେ ପହଞ୍ଚିବା ପରେ ସୁବାସ ଗଣ୍ଡ ସ୍ତ୍ରୀକୁ ମାରି ପାଇଖାନା ଟାଙ୍କିରେ ପୋତି ଦେଇଥିବା ସ୍ୱୀକାର କରିଥିଲା ।

ପୋଲିସ ଉପସ୍ଥିତିରେ ମୃତଦେହ ଉଦ୍ଧାର କରି ଏକ ମାମଲା ରୁଜୁ କରି ତଦନ୍ତ ଚଳାଇଛି । ସାଇଣ୍ଟି ଫିକ ଟିମ୍ ସହାୟତାରେ ପୋଲିସ ଘଟଣାର ଅଧିକ ତଦନ୍ତ କରୁଛି । ସ୍ୱାମୀକୁ ପୋଲିସ ଅଟକ ରଖିଛି ।