କେନ୍ଦ୍ରାପଡା:  କେନ୍ଦ୍ରାପଡାରେ ବିଭତ୍ସ ହତ୍ୟାକାଣ୍ଡ । ପରକୀୟାପ୍ରୀତିକୁ ନେଇ ହତ୍ୟାକାଣ୍ଡ ସନ୍ଦେହ । ଜଣେ ଆଇସକ୍ରିମ ବିକାଳୀଙ୍କୁ ହତ୍ୟା । ରାଜସ୍ଥାନରୁ ଆସି କେନ୍ଦ୍ରାପଡ଼ା ସହରର ପୁରୁଣା ବସ ଷ୍ଟାଣ୍ଡରେ ଆଇସକ୍ରିମ ବିକ୍ରି କରୁଥିଲେ କୁର୍ବାନ ମନ୍ସୂରି । 

ପ୍ରଦୀପ ବୈଷ୍ଣବ ନାମକ ଜଣେ ଆଇସକ୍ରିମ ଫ୍ୟାକ୍ଟ୍ରି ମାଲିକଙ୍କ ପାଖରେ କାମ କରୁଥିଲେ ମନ୍ସୂରି । ପ୍ରଦୀପଙ୍କ ଘର ମଧ୍ୟ ରାଜସ୍ଥାନ ହୋଇଥିବାରୁ ସେ ଘର ଭଡ଼ା ନେଇ କେନ୍ଦ୍ରାପଡ଼ାର ଖଡ଼ିଆଙ୍ଗ ଗ୍ରାମରେ ରହୁଥିଲେ । ତେବେ  ନିଜ ପତ୍ନୀଙ୍କ ସହ କୁର୍ବାନ ମନ୍ସୂରିର ଖରାପ୍ ସମ୍ପର୍କ ସନ୍ଦେହ କରି ପ୍ରଦୀପ ନିଜ ସ୍ତ୍ରୀ ଓ କୁର୍ବନକୁ ପିଟି ଥିଲେ । 

ମାଡ ମାରିବା ପରେ କୁର୍ବାନ ମନ୍ସୂରି ସେହି ସ୍ଥାନରେ ଟଳି ପଡ଼ିଥିଲେ । ଏହି ଘଟଣା ପରେ ଅଭିଯୁକ୍ତ ଖସିଯିବା ସମୟରେ ଟାଉନ ଥାନା ପୋଲିସ ପ୍ରଦୀପଙ୍କୁ ଥାନାରେ ଅଟକ ରଖିବା ସହ, କୁର୍ବାନଙ୍କ ଘର ସହ ଯୋଗାଯୋଗ କରିଛି । ଏହାସହ ଘଟଣାସ୍ଥଳରେ ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛି ।

ଆହୁରି ପଢନ୍ତୁ ଓଡିଶା ଖବର...