କେନ୍ଦୁଝର: ହାତ ମାରିଲେ ଉଠି ଯାଉଛି ପିଚୁ, ଉଡୁଛି ଧୂଳି । ରାସ୍ତା ନିର୍ମାଣ ନାଁରେ ମହାଦୁର୍ନୀତି । ରାଜ୍ୟରେ 24 ବର୍ଷ ସ୍ଥିର ସରକାରରେ ବିକାଶର ଦୁର୍ଭାଗ୍ୟଜନକ ଚିତ୍ର । ରାସ୍ତା ନିର୍ମାଣ ନାଁରେ କାଗଜ କଲମରେ କାର୍ଯ୍ୟ ଦେଖାଇ ଲକ୍ଷ ଲକ୍ଷ ଟଙ୍କା ହରିଲୁଟ କରୁଛନ୍ତି ବିଭାଗୀୟ ଅଧିକାରୀ, ଯନ୍ତ୍ରୀ ଓ ଠିକାଦାର । କେନ୍ଦୁଝର ଜିଲ୍ଲା ପାଟଣା ବ୍ଲକରେ ଅତ୍ୟନ୍ତ ନିମ୍ନମାନର ରାସ୍ତା କାମକୁ ପ୍ରବଳ ବିରୋଧ କରିବା ସହ ଅଧାରୁ କାମ ବନ୍ଦ କରାଇଦେଇଛନ୍ତି ଲୋକେ । ରାସ୍ତା କାମ ନକରି 8 ମାସ ପୂର୍ବରୁ ମିଛ ବିଲ କରି ଠିକାଦାର ଲକ୍ଷ ଲକ୍ଷ ଟଙ୍କା ହଡ଼ପ କରିନେଇଥିବା ଅଭିଯୋଗ ପରେ ତରବରିଆ ଭାବେ ରାତିରେ ରାସ୍ତାରେ ପିଚୁ ଢାଳି ଦେଇଥିଲେ ଠାକାଦାର । ଏହାକୁ ନେଇ ବଢୁଛି ଲୋକଙ୍କ ଅସନ୍ତୋଷ। ଠିକ୍ ଭାବେ ରାସ୍ତା ତିଆରି ନ ହେଲେ ଆନ୍ଦୋଳନ ଚେତାବନୀ ଦେଇଛନ୍ତି।

ସ୍ବାମଠାରୁ ଖମୁଆ ପର୍ଯ୍ୟନ୍ତ ରାସ୍ତା କାମ ପାଇଁ 2021-22ରେ ଗଜେନ୍ଦ୍ର ସାହୁ ନାମକ ଠିକାଦାରଙ୍କୁ ଟେଣ୍ଡର ମିଳିଥିଲା । ବିନା କାମରେ ଜେଇ ବିନୋଦ ଦାସଙ୍କ ମଞ୍ଜୁରୀ ପରେ ଗତବର୍ଷ ମେ ମାସରେ ବିଲ୍ ପୈଠ ହୋଇଥିଲା । ଦୁଇଟି ପ୍ୟାକେଜରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ 73 ଲକ୍ଷ 26 ହଜାର ଟଙ୍କା ଠିକାଦାରଙ୍କ ବ୍ୟାଙ୍କ ଆକାଉଣ୍ଟକୁ ଅଗ୍ରିମ ପୈଠ ହୋଇଛି । ପ୍ରଶ୍ନ ଠିକାଦାରଙ୍କୁ ଆକାଉଣ୍ଟକୁ କେମିତି ଅଗ୍ରୀମ ଟଙ୍କା ପଇଠ କଲେ ସରକାରୀ ବାବୁ ? କାହିଁକି ନିୟମର ଉଲ୍ଲଂଘନ କଲେ। ସେପଟେ ଠିକାଦାର କିନ୍ତୁ ଅଭିଯୋଗ ଖଣ୍ଡନ କରୁଛନ୍ତି, ଅଫିସରଙ୍କ ତାଗିଦ୍ ପରେ ହାତରୁ ଖର୍ଚ୍ଚ କରି ପୁଣିଥରେ କାମ କରୁଥିବା ସଫେଇ ଦେଇଛନ୍ତି । କ୍ୟାମେରା ଆଗରେ କିନ୍ତୁ ମୁହଁ ଖୋଲିନାହାନ୍ତି ଅଧୀକ୍ଷଣ ଯନ୍ତ୍ରୀ ବିନୋଦ ଦାସ ।
ବିଜେଡି ଶାସନରେ T ଫର ଟିମ୍ ୱାର୍କରେ ଚାଲିଛି ଲୁଟ୍ । ମିଳିମିଶି ଟଙ୍କା ଖାଉଛନ୍ତି ଅଧିକାରୀ, ଠିକାଦାର ଓ ଯନ୍ତ୍ରୀ । ଯାହାର ପରିଣାମ ଭୋଗୁଛନ୍ତି ଜନତା । ଉପକୂଳଠୁ ଉପାନ୍ତ ସବୁଠି ଦୁର୍ନୀତିର ମାଳମାଳ ଉଦାହରଣ। ଅନ୍ୟପଟେ 24 ବର୍ଷ ହେଲା ଦୁର୍ନୀତି ବିରୋଧରେ ମିଛ ପ୍ରଚାରରେ ବ୍ୟସ୍ତ ବିଜେଡି।

ଅଧିକ ପଢନ୍ତୁ ଓଡ଼ିଶା ଖବର

Argus News | argus news | Odisha Latest News, Breaking News, Trending News, Live TV