ଭାରତର ଗହଣା ଓ ରତ୍ନ ଶିଳ୍ପର ଏକ ପ୍ରମୁଖ ବାଣିଜ୍ୟ ମେଳା IIJS ଭାରତ – ସିଗ୍ନେଚର ୨୦୨୬ର ୧୮ତମ ସଂସ୍କରଣ ଆସନ୍ତା ଜାନୁଆରୀ ୮ରୁ ୧୧ ଯାଏଁ ମୁମ୍ବାଇର ଜିଓ ୱର୍ଲ୍ଡ କନଭେନସନ୍ ସେଣ୍ଟର ଏବଂ ଜାନୁଆରୀ ୯ରୁ ୧୨ ଯାଏଁ ବମ୍ବେ ଏକଜିଭିସନ୍ ସେଣ୍ଟରରେ ଆୟୋଜିତ ହେବ ।

ଭାରତର ପ୍ରମୁଖ ଅଳଙ୍କାର ବାଣିଜ୍ୟ ପ୍ରଦର୍ଶନୀ ମଧ୍ୟରୁ ଗୋଟିଏ ଭାବରେ ସ୍ୱୀକୃତିପ୍ରାପ୍ତ ଏହି ପ୍ରଦର୍ଶନୀରେ ବିଭିନ୍ନ ପ୍ରକାରର ପ୍ରଦର୍ଶକ, ନିର୍ମାତା ଏବଂ ଶିଳ୍ପପତିମାନେ ଅଂଶଗ୍ରହଣ କରିବେ ।

ଏହି ପ୍ରଦର୍ଶନୀ ପୂର୍ବରୁ ଭୁବନେଶ୍ୱରର ଖିମଜୀ ଜୁଏଲର୍ସର ପରିଚାଳନା ନିର୍ଦ୍ଦେଶକ ମିତେଶ ଖିମଜୀ, ଭବିଷ୍ୟତର ଚୟନ ଦିଗରେ ପ୍ରଦର୍ଶନୀର ଗୁରୁତ୍ୱ ଉପର ଗୁରୁତ୍ୱାରୋପ କରିଥିଲେ ।

ସେ ଆହୁରି କହିଥିଲେ, "IIJS ଭାରତ ସିଗନେଚର ୨୦୨୬ରେ ଏମିତି ଡିଜାଇନ୍‌ ଦେଖିବାକୁ ମିଳିବ ଯାହା ଆଞ୍ଚଳିକ ପସନ୍ଦ ଏବଂ ପରିବର୍ତ୍ତିତ ଗ୍ରାହକଙ୍କ ଆଚରଣକୁ ପ୍ରତିଫଳିତ କରିବ । ଏହି ପ୍ରଦର୍ଶନୀ ଆମକୁ ବୁଝିବାରେ ସାହାଯ୍ୟ କରିବ ଯେ ନିର୍ମାତାମାନେ ସେମାନଙ୍କର ଡିଜାଇନ୍ ଧ୍ୟାନ କେଉଁଠାରେ ଦେଉଛନ୍ତି, ଯାହା ଆଗାମୀ ମାସ ପାଇଁ ଆମର ଚୟନ ଯୋଜନା କରିବା ସମୟରେ ଗୁରୁତ୍ୱପୂର୍ଣ୍ଣ।"

ଏହି ପ୍ରଦର୍ଶନୀରେ ୧୬୦୦ରୁ ଅଧିକ ପ୍ରଦର୍ଶକ ଏବଂ ୩,୩୦୦ରୁ ଅଧିକ ଷ୍ଟଲ ରହିବ । ଯାହା ଗହଣା ଓ ରତ୍ନ ଶିଳ୍ପର ବର୍ତ୍ତମାନ ଓ ଭବିଷ୍ୟତ ଧାରାକୁ ରିଫ୍ଲେକ୍ଟ କରିବ ।
IIJS ଭାରତ ସିଗନେଚରକୁ ଭାରତର ଅଳଙ୍କାର କ୍ୟାଲେଣ୍ଡରରେ ଏକ ପ୍ରମୁଖ ବାଣିଜ୍ୟ ପ୍ରଦର୍ଶନୀ ଭାବରେ ବହୁ ଦିନ ଧରି ସ୍ୱୀକୃତି ମିଳିଛି । ୨୦୨୬ ମସିହାରେ ହେଉଥିବା ପ୍ରଦର୍ଶନୀ ରତ୍ନ ଏବଂ ଅଳଙ୍କାର ପାଇଁ ଏକ ବିଶ୍ୱବ୍ୟାପୀ କେନ୍ଦ୍ର ଭାବରେ ଭାରତର ସ୍ଥିତିକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି ।
ଏହି ପ୍ରଦର୍ଶନୀ ଖୁଚୁରା ବିକ୍ରେତା ଏବଂ ନିର୍ମାତାମାନଙ୍କୁ ସେମାନଙ୍କର ରଣନୀତିକୁ ସଜାଡ଼ିବା ପାଇଁ ଏକ ରୋଡମ୍ୟାପ୍ ପ୍ରଦାନ କରିବ ବୋଲି ଆଶା କରାଯାଉଛି ।