କେନ୍ଦ୍ରାପଡା: ପୁଣି ପିସି ମଷ୍ଟ୍ ଷ୍ଟପର ଉଡିଲା ଧଜ୍ଜିଆ । କେନ୍ଦ୍ରାପଡା ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଖୁଲମ ଖୁଲା ଲାଞ୍ଚ କାରବାର ।  ବିନା ଲାଞ୍ଚରେ ହେଉନି ଫାଇଲ୍ କାମ ।  କିରାଣୀ ଷ୍ଟେନୋ ଓ ରେକଡ଼ କିପର୍ ମାଧ୍ୟମରେ ବେଆଇନ ଭାବେ ଟଙ୍କା ଆଦାୟ କରାଯାଉଛି ।  ଯାହାର ଏକ୍ସକ୍ଲୁସିଭ୍ ଭିଡିଓ ଲାଗିଛି ଅର୍ଗସ ହାତରେ । ନିଜ ଜମିକୁ ଜବରଦଖଲ କରି ରଖିଥିବା ବ୍ୟକ୍ତିଙ୍କ ବିରୁଧରେ କାର୍ଯ୍ୟାନୁଷ୍ଠାନ ପାଇଁ ଅନେକ ଥର ହାତ ଗୁଞ୍ଜାଣିଆ ଦେଇଛନ୍ତି କେନ୍ଦ୍ରାପଡ଼ା ବ୍ଲକ ଅଂଚଳର ବୃଦ୍ଧ ମଉସା ସନାତନ ଦାସ ।

 ଜମି ପାଇଁ କେନ୍ଦ୍ରାପଡା ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ବାରମ୍ବାର ଦୌଡୁଛନ୍ତି ସନାତନ ।  ପ୍ରତିଥର ଅଭିଯୋଗ ନେଇଗଲେ ତାଙ୍କୁ ଅଧିକାରୀ ଓ କର୍ମଚାରୀଙ୍କୁ ଲାଞ୍ଚ ଦେବାକୁ ପଡିଥାଏ ବୋଲି ସେ ଅଭିଯୋଗ ଆଣିଛନ୍ତି । କିଛି ଦିନ ତଳେ କୋରାପୁଟ ଲକ୍ଷ୍ମୀପୁର ବ୍ଲକରୁ ଆସିଥିଲା ପିସି କାରବାରର ବଡ ଅଭିଯୋଗ । ପ୍ରତ୍ୟେକ ଠିକାଦାରଙ୍କଠୁ ଲକ୍ଷେ ଟଙ୍କାର କାମକୁ ୧୫ ପ୍ରତିଶତ ପିସି ନେଉଥିବାର ଯନ୍ତ୍ରୀଙ୍କ ଭିଡିଓ ଭାଇରାଲ୍ ହୋଇଥିଲା । 
ଅଧିକ ପଢନ୍ତୁ ଓଡ଼ିଶା ଖବର