କଟକ: ସୁରୁଖୁରୁରେ ରାବଣ ପୋଡ଼ି ପାଇଁ ହାଇକୋର୍ଟଙ୍କ ଗୁରୁତ୍ଵ । କଟକରେ ରାବଣ ପୋଡ଼ିରେ ହେବ ନାହିଁ ବାଣ ପ୍ରତିଯୋଗିତା । କେବଳ ପରିବେଶ ଅନୁକୂଳ ରଙ୍ଗୀନ ବାଣ ବ୍ୟବହାର ପାଇଁ ଆଡଭୋକେଟ୍ କମିଟି ପ୍ରସ୍ତାବ ଦେଇଛନ୍ତି । ପ୍ରସ୍ତାବ ଉପରେ ବିଚାର କରି ପରିବେଶ ଅନୁକୂଳ ବାଣ ବ୍ୟବହାର ପାଇଁ ଅନୁମତି ନେଇ ବ୍ୟବହାର କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । 

ଏହାସହ ଆସନ୍ତା ୧୦ ତାରିଖ ସୁଦ୍ଧା ରାବଣ ପୋଡ଼ି ପାଇଁ ବାଲିଯାତ୍ରା ତଳ ପଡ଼ିଆରେ ସମସ୍ତ ପ୍ରକାରର ଆନୁସଙ୍ଗିକ ସୁବିଧା ଯୋଗାଇବା ପାଇଁ ସିଏମସି, ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଟ୍ରାଫିକ ସୁପରିଚାଳନା ପାଇଁ ଟ୍ରାଫିକ ଡିସିପିଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଏହାସହ ବେଆଇନ ପାର୍କିଂ ଫି ଆଦାୟ ଉପରେ ରୋକ୍ ଲଗେଇବା ପାଇଁ ଟ୍ରାଫିକ ଡିସିପିଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ । ବାରବାଟୀ ସର୍ବ ଧର୍ମ ସାଂସ୍କୃତିକ ପରିଷଦ ପକ୍ଷରୁ ଆଗତ ଇଣ୍ଟର ଭେନିଂ ପିଟିସନର ଶୁଣାଣୀ କରି ଏହି ନିର୍ଦ୍ଦେଶ ଦେଇଛନ୍ତି କୋର୍ଟ । ଏହାସହ ଏହି ମାମଲାର ଅନ୍ତ ଘଟେଇଲେ କୋର୍ଟ ।

ଆହୁରି ପଢନ୍ତୁ ଓଡିଶା ଖବର...