ଅର୍ଗସ ବ୍ୟୁରୋ: ଉତ୍ତମ ଖାଦ୍ୟ ଯୋଗାଇବା ବାହାନାରେ ଶିକ୍ଷା ଅନୁଷ୍ଠାନରୁ ହଟା ଯାଇଥିଲା ପାଚିକା ବ୍ୟବସ୍ଥା । ଆଉ କରା ଯାଇଥିଲା ସେଣ୍ଟ୍ରାଲ କିଚେନର ସୁବିଧା | ମାତ୍ର ସେଣ୍ଟ୍ରାଲ କିଚେନରେ ସୁବିଧା ପିଲାମାନଙ୍କ ବଦଳରେ ଓଲଟା ପାଇଲେ ବାବୁ ଓ କିଚେନ କତୃପକ୍ଷ | ଦୀର୍ଘ ମାସ ଧରି ସେଣ୍ଟ୍ରାଲ କିଚେନର ମିଡ ଡେ ମିଲରେ କିପରି ନିମ୍ନ ମାନର ଖାଦ୍ୟ ଦିଆଯାଉଛି । ଯାହାକୁ ବିରୋଧ କରିଛନ୍ତି ଛାତ୍ରଛାତ୍ରୀ। କେବଳ କୋରାପୁଟ ଜିଲା ବୋରିଗୁମ୍ମା ବ୍ଲକର ଖଟୁଲୁଗୁଡା, ନନ୍ଦରଲା, ପର୍ଯା ମୁଣ୍ଡିଗୁଡା, ମୁଣ୍ଡିଗୁଡା ଓ ଫଟାହାଣ୍ଡି ବିଦ୍ୟାଳୟରେ ବନ୍ଦ ରହିଛି ମଧ୍ୟାନ୍ନ ଭୋଜନ ବ୍ୟବସ୍ଥା | ସେହିପରି ଜୟପୁର ବ୍ଲକର ୪ଟି ସ୍କୁଲ ମିନା ଗୁଡା,ସଲାପା, ଧନପୁର,ସନଦାଶପୁର ସ୍କୁଲରେ ସେଣ୍ଟ୍ରାଲ କିଚେନ ବ୍ୟବସ୍ତାକୁ ମନା କରାଯାଇଥିବା ସୂଚନା ରହିଛି।

ବୋରିଗୁମ୍ମା ବ୍ଲକର ୧୩୨ ସ୍କୁଲର ୧୦ ହାଜର ୬୧୭ ଛାତ୍ରଛାତ୍ରୀ ଓ ଜୟପୁର ବ୍ଲକରେ ୧୪୫ ସ୍କୁଲର ୯ ହଜାର ୯୫୦ ଛାତ୍ର ଛାତ୍ରୀଙ୍କ ପାଇଁ ଖାଦ୍ୟ ଯୋଗାଇବାର ଦାଇତ୍ଵ ନେଇଛି ଏହି ସଂସ୍ଥା । କିନ୍ତୁ ଦାଇତ୍ଵ ନେବାଠାରୁ ହିଁ ତ୍ରୁଟି ଦେଖିବାକୁ ମିଳିଛି | ଅନ୍ୟପଟେ ନିୟମକୁ ବଦଳାଇ ପାଚିକା ଆସି ସ୍କୁଲକୁ ରୋଷେଇ କରି ରନ୍ଧା ଖାଦ୍ୟ ଯୋଗାଉଥିଲେ ତାହା କରିବା ଭଲ ବୋଲି କହିଛନ୍ତି ବ୍ଲକ ଶିକ୍ଷା ଅଧିକାରୀ । ଖାଦ୍ୟ ଯୋଗାଣ କାରୀ ସଂସ୍ଥାର ବିଚିତ୍ର ନିୟମ । ଆଉ ଏ ନିୟମରେ ପିଲାଙ୍କ ସୁବିଧା ନୁହେଁ ବରଂ ଟଙ୍କା ହରିଲୁଟର ଯୋଜନାବଦ୍ଧ ପଲିଶି ବୋଲି ଚର୍ଚ୍ଚା ଜୋର ଧରିଛି ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more