କେନ୍ଦ୍ରାପଡା:  ପୋଲିସ ଉପସ୍ଥିତିରେ ଛୁରୀଭୁସି ଘରୁ ଲୁଟିନେଲେ ଦୁର୍ବୃତ୍ତ। ପଟ୍ଟାମୁଣ୍ଡାଇ ବ୍ଲକ ମୂଳବସନ୍ତ ଗାଁ ପୋହଳ ଛକ ନିକଟରେ ବିଳମ୍ବିତ ରାତିରେ ଘରେ ପଶି ଲୁଟିନେଲେ ଟଙ୍କା ଓ ସୁନା ଗହଣା l ସରକାରୀ ଓକିଲ ଭୀମସେନ ପ୍ରଧାନ ଘରେ ଶୋଇଥିବା ବେଳେ 4/5 ଜଣ ଦୁର୍ବୃତ୍ତ ଘରର ଝରକା ଗ୍ରିଲ କାଟି ପ୍ରଥମେ ଘର ମାଲିକଙ୍କୁ ଏକ ମଶାରୀ ରେ ବାନ୍ଧିପକାଇଥିଲେ l

ପାଖରେ ଶୋଇଥିବା ତାଙ୍କ ସ୍ତ୍ରୀ ପାଟିକରିବାରୁ ଏକ ଛୁରୀରେ ଭୀମସେନ ଙ୍କୁ ଜୋରରେ ଆଘାତ ଦେଇଥିଲେ ।  ପାଟି କଲେ ଜୀବନରୁ ମାରିଦେବାକୁ ଧମକ ଦେଇଥିଲେ l ଭୀମସେନଙ୍କର ପେଟ ଓ ଜଙ୍ଘରେ ଗଭୀର ଆଘାତ ଲାଗିଥିବାବେଳେ  ଦୁର୍ବୃତ୍ତମାନେ 120 ଗ୍ରାମ ସୁନା ଗହଣା ଓ 30 ହଜାରରୁ ଅଧିକ ଟଙ୍କା ଲୁଟିନେଇଛନ୍ତି l ସବୁଠାରୁ ବଡ଼କଥା ହେଲା ଘରପାଖରେ ପୋଲିସ ଗାଡି ଥୁଆ ହୋଇଥିଲେ ମଧ୍ୟ ଦୁର୍ବୃତ୍ତଙ୍କୁ ଧରିପାରିନଥିଲେ 
ଅଧିକ ପଢନ୍ତୁ ଓଡ଼ିଶା ଖବର