ଅର୍ଗସ ବ୍ୟୁରୋ : ୫ଟି ବିଦ୍ୟାଳୟର ନିର୍ମାଣ କାମ ସରିନାହିଁ କିନ୍ତୁ ହେଲା ଉଘାଟନ । ଭର୍ଚ୍ଚୁଆଲ ମାଧ୍ୟମରେ କନ୍ଧମାଳ ଜିଲ୍ଲାର ୪୭ଗୋଟି ହାଇସ୍କୁଲର ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ । ଫିରିଙ୍ଗିଆ ବ୍ଲକ୍ ଡିଣ୍ଡିରାଙ୍ଗା ପଞ୍ଚାୟତ ସରୁକୋଉ ଉଚ୍ଚ ବିଦ୍ୟାଳୟରେ ୫ଟି କାମ ନିର୍ମାଣ ହେଉଥିବା ବେଳେ, ବିଦ୍ୟାଳୟ ଠାରୁ ଦୁଇ କିମି ଦୂର ଅନ୍ୟଏକ ବିଦ୍ୟାଳୟରେ ପାଠ ପଢ଼ୁଛନ୍ତି ଛାତ୍ର ଛାତ୍ରୀ ମାନେ । 

ଗୋଟାଏ ଶ୍ରେଣୀ ଗୃହରେ ଦୁଇଟି ଶ୍ରେଣିର ପିଲାମାନେ ପାଠ ପଢ଼ୁଛନ୍ତି । ପ୍ରଥମରୁ ଦଶମ ଶ୍ରେଣୀ ପିଲାଙ୍କୁ ପାଠ ପଢ଼ାଇବା ପାଇଁ ଦଶ ଜଣ ଶିକ୍ଷକ ଶିକ୍ଷୟତ୍ରୀ ଥିବା ବେଳେ, ଖେଳପଡିଆ ଭଳି ସାଇନ୍ସ ଲବୋରୋଟରି, କମ୍ପ୍ୟୁଟର, ଲାଇବ୍ରେରୀ ଭଳି ଗୁରୁତ୍ଵ ପୂର୍ଣ୍ଣ କ୍ଲାସର ବି ଅଭାବ ରହିଛି । ବିଦ୍ୟାଳୟ ନିର୍ମାଣ କାମ ଚାଲୁଥିବା ବେଳେ, ଟଏଲେଟ୍,  ସୁରକ୍ଷା ପ୍ର।ଚେରୀ, ସହ ବିଦ୍ୟାଳୟର ସୌନ୍ଦର୍ଯ୍ୟ କରଣ କାମ ଏବେବି ବାକି ରହିଛି । ଯାହାକୁ ନେଇ ଅଭିଯୋଗ କରିଛନ୍ତି ଛାତ୍ରଛାତ୍ରୀ ।

ସରୁକୋଉ ଉଚ୍ଚ ବିଦ୍ୟାଳୟରେ ନିର୍ମାଣ କାମ ଚାଲିଥିବା ବେଳେ, ନିମ୍ନ ମାନର କାମ ହେଉଥିବା କଥା କହିଛନ୍ତି ସରପଞ୍ଚ । ଏପିରିକି ଫିରିଙ୍ଗିଆ ବ୍ଲକର ବିଭାଗୀୟ ଯନ୍ତ୍ରୀ ମଧ୍ୟ ନିଜେ ଠିକାଦାରଙ୍କ ସହ ଅଂଶୀଦାର ହୋଇ କାମ କରୁଛନ୍ତି । ଏଥିରୁ ସ୍ପଷ୍ଟ ଯାହା ବିଦ୍ୟାଳୟରେ କାମ ହେଉଥିବ ।  ବିଦ୍ୟାଳୟ ନିର୍ମାଣ କାମ ସରିନଥିବା ବେଳେ, କିଭଳି ମୁଖ୍ୟମନ୍ତ୍ରୀ ଉଦଘାଟନ କରିଲେ, ପଚାରିବାରୁ ବଡିଓ କ୍ୟାମେରା ସାମ୍ନାରୁ ଏଡେଇ ଯାଇଛନ୍ତି । 

ରାଜ୍ୟସରକାର ଦିନବେଳେ ଆଦିବାସୀ ହରିଜନ ଛାତ୍ରଛାତ୍ରୀଙ୍କ ସହ ଖେଳ ଖେଳୁଥିବା ବେଳେ, ଦିନରେ କିଭଳି କନ୍ଧମାଳ ଜିଲ୍ଲାରେ ଲଣ୍ଠନ ଦେଖେଇଛନ୍ତି ତାହାର ନିଛକ ଉଦାହରଣ ସରୁକୋଉ ଉଚ୍ଚ ବିଦ୍ୟାଳୟ । ଦିନରେ ରାଜ୍ୟସରକାର ଦେଖାଇଲେ ଲଣ୍ଠନ । ଛାତ୍ର ଛାତ୍ରୀ ମାନଙ୍କ ଭବିଷ୍ୟତ ସହ ଖେଳୁଥିବା ବେଳେ, ନିଜର ପ୍ରଚାର କାମରେ ମାତିଛନ୍ତି ରାଜ୍ୟ ସରକାର । କାମ ନ ସରୁଣୁ ବିଦ୍ୟାଳୟ ଉଦଘାଟନ କରି କି ବାର୍ତ୍ତା ଦେଉଛନ୍ତି, ତାହା ଚର୍ଚ୍ଚା ହେଉଛି ।