ଜମୁଛି କେନ୍ଦ୍ରାପଡ଼ା ଜିଲ୍ଲାର ଗଣପର୍ବ ଗଜଲକ୍ଷ୍ମୀ ପୂଜା
ଅର୍ଗସ ବ୍ୟୁରୋ : ଜମୁଛି କେନ୍ଦ୍ରାପଡ଼ା ଜିଲ୍ଲାର ଗଣପର୍ବ ଗଜଲକ୍ଷ୍ମୀ ପୂଜା । ସନ୍ଧ୍ୟା ହେଲେ ଭଳିକି ଭଳି ତୋରଣ ସାଙ୍ଗକୁ ଚିକମିକ୍ ଆଲୋକରେ ଚମକି ଉଠୁଛି ସାରା ସହର । କୁମାର ପୂର୍ଣ୍ଣିମାଠାରୁ ଆରମ୍ଭ ହୋଇଥିଲା ଏହି ଗଣପର୍ବ । ପ୍ରଥମ ଦିନ ଚନ୍ଦ୍ରଗ୍ରହଣ ପାଇଁ ଫିକା ପଡିଥିବା ବେଳେ ଦ୍ଵିତୀୟ ଦିନ ଠାରୁ ଆରମ୍ଭ ହୋଇଥିଲା ଭକ୍ତଙ୍କ ଭିଡ଼ । ଧରାଧାମକୁ ଓହ୍ଲାଇଛନ୍ତି ଧନଦାତ୍ରୀ ଦେବୀ ମା' ଲକ୍ଷ୍ମୀ । ଗଜ ବାହନରେ ଆସିଥିବାରୁ ଧନଦାତ୍ରୀଙ୍କୁ ଗଜଲକ୍ଷ୍ମୀ ବେଶରେ ପୂଜା କରାଯିବାର ରହିଛି ପରମ୍ପରା ।
ଅଧିକ ପଢନ୍ତୁ : ସୁବର୍ଣ୍ଣପୁର ଗଜଲକ୍ଷ୍ମୀ ପୂଜା, ମଣ୍ଡପରେ ଲାଗିଛି ଶ୍ରଦ୍ଧାଳୁଙ୍କ ଭିଡ
ଶନିବାର କୁମାର ପୂର୍ଣ୍ଣିମା ଦିନ ଚନ୍ଦ୍ରଗ୍ରହଣ କାରଣରୁ ପ୍ରତ୍ୟେକ ପୂଜା ମଣ୍ଡପରେ ସକାଳୁ ସକାଳୁ ପୂଜା କାର୍ଯ୍ୟ ସମାପନ କରାଯାଇଥିଲା । ରବିବାର ଦିନ ଠାରୁ ମା'ଙ୍କ ରିତିନୀତି ଅନୁସାରେ ପୂଜା କାଯାଇଥିଲା । ଚଳିତବର୍ଷ ପୂଜାକୁ ଖୁବ ଧୁମଧାମରେ ପାଳନ କରାଯାଉଥି । ଆକର୍ଷଣୀୟ ତୋରଣ ସାଙ୍ଗକୁ ଲାଇଟ ଗେଟ, ଲିଚୁ ବଲବ, ବିଦେଶୀ ଲାଇଟ ଭକ୍ତ ଓ ଦର୍ଶକଙ୍କ ମନକୁ ବିମୋହିତ କରୁଛି ।
📱 Get Argus News App
✨କେନ୍ଦ୍ରାପଡ଼ା ସହରରେ ଲକ୍ଷ୍ମୀପୂଜାର କିମ୍ବଦନ୍ତୀ ବହୁ ପୁରୁଣା । ପୂଜା ଆସିଲେ ସହରର ପ୍ରତି ଘରେ ଦୂର ଦୂରାନ୍ତରୁ ଆସି ପହଞ୍ଚଥାନ୍ତି ବନ୍ଧୁବାନ୍ଧବ । ମା'ଙ୍କ ପୂଜାର ୭ ଦିନ ପର୍ଯ୍ୟନ୍ତ ସହରର ପ୍ରତି ମେଢ଼ ଆଗରେ ପ୍ରବଳ ଭିଡ଼ ଜମିଥାଏ । ତେବେ ରବିବାର ଠାରୁ କେନ୍ଦ୍ରାପଡ଼ା ସହରର ୨୧ଟି ୱାର୍ଡରେ ୬୦ରୁ ଉର୍ଦ୍ଧ୍ବ ସ୍ଥାନରେ ପୂଜା ପାଉଥିବା ମୃଣ୍ମୟୀ ମୂର୍ତ୍ତିଙ୍କ ଆଗରେ ଭିଡ଼ ଜମୁଥିବା ଦେଖିବାକୁ ମିଳୁଛି ।
ସେହିପରି ସହରର ମହିପାଳ, ବଣିଆମାଳ, ସାନ୍ତସାହି, ବଣିଆସାହି, କାକଟ, କେଶପୁର ଓ ପୁରୁଣା ବସଷ୍ଟାଣ୍ଡ ଇତ୍ୟାଦି ସ୍ଥାନରେ ଭିଡ଼ ଜମିଥିବା ବେଳେ ପାଗ ଅନୁକୂଳ ଥିବା ହେତୁ ବ୍ୟବସାୟ ବୃଦ୍ଧି ଆଶା ରଖିଛନ୍ତି ରାସ୍ତା କଡ଼ ବୁଲା ବିକାଳୀ । ଆସନ୍ତା ଶୁକ୍ରବାର ମା'ଙ୍କର ବିସର୍ଜ୍ଜନ ପୂଜା ରହିଥିବ ବେଳେ ଚଳିତବର୍ଷ ବୁଲିବାର ଭରପୁର ମଜା ନେଉଛନ୍ତି ଦର୍ଶକ ।