ମହାନଦୀର ଶାଖା ନଦୀରେ ବନ୍ୟା ପାଣି ଆସିବାରୁ କେନ୍ଦ୍ରାପଡା ଓ ଜଗତସିଂହପୁରର କିଛି ଅଂଚଳରେ ପଶିଛି ପାଣି । ଏପଟେ ଆସୁଛି ଆଉ ଏକ ଲଘୁଚାପ । ପ୍ରଭାବରେ ୧ ତାରିଖରୁ ପ୍ରବଳ ବର୍ଷା ଆଶଙ୍କା ରହିଛି । ଆସନ୍ତାକାଲି ପାଇଁ ୨୧ ଜିଲ୍ଲାକୁ ଜାରି ହୋଇଛି ୟେଲୋ ୱାର୍ଣ୍ଣିଂ । ୩୦ ତାରିଖରୁ ୩ ତାରିଖ ଯାଏ ସାରା ରାଜ୍ୟରେ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ରାଜ୍ୟରେ ପ୍ରବଳ ବର୍ଷା ସତ୍ତ୍ବେ ବନ୍ୟା ଆଶଙ୍କା ନଥିବା ଦାବି କରିଛନ୍ତି ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ।

ମହାନଦୀର ଶାଖାନଦୀ ଲୁଣା କରାଣ୍ଡିଆ ନଦୀରେ ବନ୍ୟାପାଣି ଆସି ନଦୀ କୁଳିଆ ଲୋକଙ୍କ ଦୁଃଖ ବଢେଇ ଦେଇଛି । କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ବ୍ଲକର ଦୀପାଞ୍ଚଳ କୁହାଯାଉଥିବା କରାଣ୍ଡିଆ ଓ କରିଲୋପାଟଣା ପଞ୍ଚାୟତର । ତଳଗାଁ ଚାରିପଟେ ରହିଛି ବନ୍ୟାଜଳ । ଲୋକେ ନାହଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସେହିପରି ମହାନଦୀରେ ଜଳ ସ୍ତର ବଢିବା ପରେ ଜଗତସିଂହପୁର ଜିଲ୍ଲା ତିର୍ତ୍ତୋଲ ପଞ୍ଚାୟତର ମୁଣ୍ଡା ସାହି ବସ୍ତିରେ ପଶିଛି ପାଣି । ୨୦ ପରିବାରକୁ ସ୍ଥାନୀୟ ସ୍କୁଲକୁ ସ୍ଥାନାନ୍ତର କରାଯାଇଛି ।

ସେପଟେ ଆସୁଛି ଆଉ ଏକ ଲଘୁଚାପ । ପ୍ରଭାବରେ ୧ ତାରିଖରୁ ପ୍ରବଳ ବର୍ଷା ହେବାର ଆଶଙ୍କା ରହିଛି । ଆସନ୍ତାକାଲି ଅର୍ଥାତ ୨୯ ତାରିଖ ପାଇଁ ୨୧ ଜିଲ୍ଲାକୁ ଜାରି ହୋଇଛି ୟେଲୋ ୱାର୍ଣ୍ଣିଂ । ୩୦ ତାରିଖରୁ ୩ ତାରିଖ ଯାଏ ସାରା ରାଜ୍ୟରେ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।

ଏଥିସହ ପଢ଼ନ୍ତୁ: ଭେଣ୍ଡିଂ ଜୋନ ନାଁରେ ଖାଇଗଲେ କୋଟି କୋଟି ଟଙ୍କା !

ତେବେ କୌଣସି ନଦୀରେ ବନ୍ୟା ପରିସ୍ଥିତି ନାହିଁ ବୋଲି କହିଛନ୍ତି ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ । ସେ କହିଛନ୍ତି, ବର୍ଷାର ପ୍ରଭାବ କମିଛି । ସବୁ ନଦୀ ବିପଦ ସଂକେତ ତଳେ ଅଛନ୍ତି । ଜଳ ଭଣ୍ଡାର ଗୁଡିକରେ ଜଳ ଧାରଣ କ୍ଷମତା ଅଛି । ମୁଣ୍ଡଳୀରେ ବି ପାଣି କମୁଛି । କିଛି ଦିନରେ ସ୍ବାଭାବିକ ହୋଇଯିବ । ଏହାର ଶାଖା ନଦୀ ବଢ଼ିକି କମିବ ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | Odisha Latest News, Breaking News, Trending News, Live TV