ଦେହରେ କିରୋସିନ ଢାଳି ହୋଇ ଜଳିଗଲେ ଯୁବତୀ l ଆସିକା କୋଟିନଡା ଥାନା ଅନ୍ତର୍ଗତ ଭେଟନଈ ଗ୍ରାମରେ ଘଟିଛି ଅଭାବନିୟ ଘଟଣା l ଗୁରୁତର ଯୁବତୀ ଜଣକ ଆସିକା ଅଞ୍ଚଳର।  ତାଙ୍କ ଦେହର ୬୦ ପ୍ରତିଶତ ଭାଗ ସମ୍ପୂର୍ଣ ଜଳି ଯାଇଛି l ଗୁରୁତର ଅବସ୍ଥାରେ ପରିବାର ଲୋକେ ଯୁବତୀଙ୍କୁ ଉଦ୍ଧାର କରି ପ୍ରଥମେ ଆସିକା ମେଡିକାଲରେ ଭର୍ତ୍ତି କରିଥିବା ବେଳେ ସ୍ବାସ୍ଥ୍ୟଵସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ଏମ. କେ. ସି. ଜି ମେଡିକାଲକୁ ସ୍ଥାନାନ୍ତର କରାଯାଇଛି l ଯୁବତୀ ଜଣକ ଜଳିବାର କାରଣ ଅସ୍ଵଷ୍ଟ ରହିଛି। ଘଟଣା ସ୍ଥଳରେ କୋଟିନଡା ଥାନା ପୋଲିସ ପହଞ୍ଚି ଘଟଣାର ତଦନ୍ତ କରୁଛି l

ସେପଟେ ରାଜଧାନୀରେ ପୁଣି ଏକ ଅଭାବନୀୟ ଘଟଣା ଘଟିଛି । ପେଟ୍ରୋଲ ଢାଳି ନିଜକୁ ଜାଳି ଦେଇଛନ୍ତି ଜଣେ ଯୁବକ । କ୍ୟାପିଟାଲ ଥାନା ଅନ୍ତର୍ଗତ ରାଜମହଲ ଛକ ନିକଟରେ ଏହି ଘଟଣା ଘଟିଛି । ଗୁରୁତର ଯୁବକ ହେଲେ ସୁଶାନ୍ତ ନାୟକ । ରାଜଧାନୀରେ ନିର୍ମାଣ ଚାଲିଥିବା ସ୍ୱରେଜ ଲାଇନ୍‌ରେ ସେ ମିସ୍ତ୍ରୀ ଭାବେ କାମ କରନ୍ତି । ତାଙ୍କ ଘର କେଦାରପଲ୍ଲୀ ବସ୍ତି ଅଞ୍ଚଳରେ ବୋଲି ଜଣାପଡିଛି । ପାରିବାରିକ କଳହରୁ ସେ ଆତ୍ମାହୁତି ଉଦ୍ୟମ ଭଳି ନିଷ୍ପତ୍ତି ନେଇଥିବା ଜଣାପଡିଛି । ସୁଶାନ୍ତଙ୍କ ଶରୀର ପ୍ରାୟ ୩୦ ପ୍ରତିଶତ ପୋଡି ଯାଇଛି । ଅର୍ଦ୍ଧଦଗ୍ଧ ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ପଢନ୍ତୁ ଏହି ଖବର: ପାରିବାରିକ କଳହରୁ କରୁଣ ପରିଣତି,ନିଆଁ ଲଗାଇ ଜୀବନ ହାରିଲେ ମହିଳା

ସ୍ଥାନୀୟ ଲୋକଙ୍କ କହିବା ଅନୁଯାୟୀ, ସନ୍ଧ୍ୟା ପ୍ରାୟ ୭ଟା ୩୦ ବେଳେ ସେ ରାଜମହଲ ଛକ ପାଖ ଏକ ହୋଟେଲ ନିକଟସ୍ଥ ପାର୍କିଂରେ ଥିଲେ । ଏକ ବ୍ୟାଗରେ ଭର୍ତ୍ତି କରି ବୋତଲରେ ପେଟ୍ରୋଲ ଆଣିଥିଲେ । ପ୍ରଥମେ ସ୍ଥାନୀୟ ଲୋକଙ୍କ ସହ ସେ କଥା ହୋଇଥିଲେ । ପରେ ଏକା ଥିବାରୁ ସୁଶାନ୍ତ ପେଟ୍ରୋଲ ଢାଳି ନିଜ ଦେହରେ ନିଆଁ ଲଗାଇ ଦେଇଥିଲେ । ଫଳରେ ସେ ପୋଡ଼ିଯାଇ ଯନ୍ତ୍ରଣାରେ ଛଟପଟ ହେବା ସହ ଚିତ୍କାର କରିଥିଲେ । ତୁରନ୍ତ ସ୍ଥାନୀୟ ଲୋକେ ନିଆଁ ଲିଭାଇଥିଲେ । ଖବରପାଇ ପୋଲିସ ପହଞ୍ଚି ସୁଶାନ୍ତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲା ପରେ ଅବସ୍ଥା ଗୁରୁତର ହେବାରୁ ତାଙ୍କୁ ଏମ୍ସ ସ୍ଥାନାନ୍ତର କରାଯାଇଛି ।

ଶୁସାନ୍ତଙ୍କ ମା'ଙ୍କ କହିବା ଅନୁଯାୟୀ ସୁଶାନ୍ତ ବହୁଦିନ ହେବ ପାରିବାରିକ କଳହରେ ଘାଣ୍ଟି ହେଉଥିଲେ । ସେ ଦ୍ୱିତୀୟ ବିବାହ କରିଛନ୍ତି । ମାତ୍ର ଦ୍ୱିତୀୟ ପତ୍ନୀଙ୍କ ସହ ବିବାଦ ଲାଗି ରହୁଥିଲା । ତେଣୁ ଦ୍ୱିତୀୟ ପତ୍ନୀ ତାଙ୍କୁ ଛାଡି ଚାଲି ଯାଇଥିଲେ । ବହୁ ଅନୁରୋଧ ପରେ ମଧ୍ୟ ସେ ଘରକୁ ଫେରୁ ନଥିଲେ । ଏହି ଦୁଃଖରେ ସୁଶାନ୍ତ ଭାଙ୍ଗି ପଡ଼ିଥିଲେ । ବହୁଦିନ ହେବ ନିଶାଶକ୍ତ ଅବସ୍ଥାରେ ରାଜଧାନୀରେ ଘୁରି ବୁଲୁଥିଲେ । ଏପରିକି ପ୍ରାୟ ୧୦ ଦିନ ହେବ ସୁଶାନ୍ତ ଘରକୁ ଫେରୁ ନଥିଲେ । ଶେଷରେ ନିଜ ଦେହରେ ନିଜେ ନିଆଁ ଲଗାଇଦେବାକୁ ଚରମ ନିଷ୍ପତ୍ତି ନେଇଥିଲେ ।