ଅର୍ଗସ ବ୍ୟୁରୋ: ପ୍ରଚାର ବେଳେ ହଟହଟା ହେଲେ ଖଲ୍ଲିକୋଟ ବିଧାୟିକା ସୂର୍ଯ୍ୟମଣୀ ବୈଦ୍ୟ । ତୀବ୍ର ବିରୋଧ ସହ ବାଣିଆ ଗାଁରେ ଅଟକ ରଖିଲେ ଗ୍ରାମବାସୀ । ପାଞ୍ଚ ବର୍ଷ ଭିତରେ କରିଥିବା କାମର ହିସାବ ମାଗିଲେ ଲୋକେ । ବାରମ୍ବାର ବିଭିନ୍ନ ଉନ୍ନୟନ କାମ କରିବା ପାଇଁ ଦେଇଥିବା ପ୍ରତିଶ୍ରୁତି କୁଆଡେ ଗଲା ବୋଲି ପ୍ରଶ୍ନ କରିଥିଲେ ଲୋକେ। ବାଧ୍ୟ ହୋଇ ଫେରି ଆସିଲେ ବିଧାୟିକା ସୂର୍ଯ୍ୟମଣୀ ବୈଦ୍ୟ।

ଦିନକ ପୂର୍ବ କଞ୍ଚଣା ଓ ରାଣୀପଡାରେ ମଧ୍ୟ ବିଧାୟିକାଙ୍କୁ ଜୋରଦାର ବିରୋଧ ସହ ଗାଁ ଭିତରକୁ ପୁରାଇ ଦେଇନଥିଲେ ଗ୍ରାମବାସୀ। ପୂର୍ବରୁ ମଧ୍ୟ ଅନେକ ଥର ବିରୋଧର ଶିକାର ହୋଇଛନ୍ତି ଖଲ୍ଲିକୋଟ ବିଧାୟିକା ତଥା ବର୍ତ୍ତମାନର ବିଜେଡି ବିଧାୟିକା ପ୍ରାର୍ଥୀ ସୂର୍ଯ୍ୟମଣୀ ବୈଦ୍ୟ । 

ଖୋଦ୍ ମୁଖ୍ୟମନ୍ତ୍ରୀଙ୍କ ଜିଲ୍ଲାରେ ବିଜେଡି  ବିଧାୟକ ପ୍ରାର୍ଥୀଙ୍କୁ ବିରୋଧ ଓଡ଼ିଶାରେ ପରିବର୍ତ୍ତିତ ଜନମତର ଦେଉଛି କି ସଙ୍କେତ ? କିଛି ଦିନ ତଳେ ବିଜେଡିର ଷ୍ଟାର ପ୍ରଚାରକ ନମ୍ବର ଟୁ ପାଣ୍ଡିଆନ କହିଥିଲେ 21ଟି ଲୋକସଭା ଓ 147 ବିଧାନସଭାରେ ନବୀନଙ୍କ ନାଁରେ ଲଢୁଛି ବିଜେଡି। ପ୍ରାର୍ଥୀ ହେଉଛନ୍ତି ଗୌଣ। ତାହାଲେ ଯେଉଁଭଳି ସାରା ରାଜ୍ୟରେ ବିଜେଡି ପ୍ରାର୍ଥୀ ମାନଙ୍କୁ ବିରୋଧର ସମ୍ମୁଖୀନ ହେବାକୁ ପଡୁଛି ଏହା ପ୍ରାର୍ଥୀଙ୍କୁ ବିରୋଧ ନା ନବୀନଙ୍କୁ ବିରୋଧ ?

ଅଧିକ ପଢ଼ନ୍ତୁ ଓଡ଼ିଶା ଖବର