ଅର୍ଗସ ବ୍ୟୁରୋ : ଏଥର ନିଜ ମୃତ୍ୟର ଶେଷ ଦିନ ବି ଆପଣ ଜାଣିପାରିବେ । ଏକଥା ଆମେ କହୁନୁ, ବରଂ କହୁଛି ଏଆଇ ଡେଥ କାଲକୁଲେଟର । ଆପଣ କେବେ ନିଜର ଶେଷ ନିଶ୍ବାସ ତ୍ୟାଗ କରିବେ, କେବେ ଆପଣଙ୍କର ଶେଷଦିନ ହେବ, ତାହା କହିବ ଆର୍ଟିଫିସିଆଲ ଇଣ୍ଟେଲିଜେନ୍ସ । ଦିନକୁ ଦିନ ଟେକ୍ନୋଲୋଜି ଡେଭ୍ଲପ କରିବା ସହ ନୂଆ ନୂଆ ଜିନିଷର ଆବିଷ୍କାର ମଧ୍ୟ ଚାଲିଛି । କିଏ ନିଜ ଶରୀରର ଅଙ୍ଗପ୍ରତ୍ୟେଙ୍ଗକୁ ବଦଳାଇ ଦେଉଛି, ତ କିଏ ପୁଅରୁ ଝିଅ ବା ଝିଅରୁ ପୁଅ ହେଇଯାଉଛି । ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ବର୍ତ୍ତମାନ ଆର୍ଟିଫିସିଆଲ ଇଣ୍ଟେଲିଜେନ୍ସ ଏପରି ଏକ ଜିନିଷର ଆବିଷ୍କାର କରିଛି, ଯାହାଦ୍ବାରା ଆପଣ ନିଜର ମୃତ୍ୟୁ କେବେ ହେବ ଜାଣିପାରିବେ । 

ଆର୍ଟିଫିସିଆଲ ଇଣ୍ଟେଲିଜେନ୍ସ ଦ୍ବାରା ଆବିଷ୍କାର କରାଯାଇଛି ଏଆଇ ଡେଥ କାଲକୁଲେଟର । ଆମେରିକାର ନେସନାଲ ହେଲ୍ଥ ସର୍ଭିସର କିଛି ହସ୍ପିଟାଲ ଦ୍ବାରା ଯନ୍ତ୍ରକୁ ଖୁବଶୀଘ୍ର ଟ୍ରାଏଲ କରାଯିବ । ଏହି ଡେଥ କାଲକୁଲେଟରରର ପୁରା ନାଁ ଏଆଇ ଇସିଜି ରିସ୍କ ଏଷ୍ଟିମେଟର ଅଟେ । ଏହା ଆପଣଙ୍କ ହାର୍ଟ ଫେଲ ହେବାକୁ ନେଇ ଭବିଷ୍ୟବାଣୀ କରିବ । ଆପଣଙ୍କ ହାର୍ଟ ଚାଲିବା କେବେ ବନ୍ଦ ହେବ ତାହା କହିପାରିବ ଏହି ଯନ୍ତ୍ର । ଆପଣଙ୍କ ହୃଦୟର ଇଲେକ୍ଟ୍ରିକାଲ ଆକ୍ଟିଭିଟି କିପରି ରହିଛି ତାହା ଏହି ଯନ୍ତ୍ର ଦ୍ବାରା ଜାଣିହେବ । ଏବଂ ଆଗାମୀ ୧୦ ବର୍ଷରେ ଆପଣଙ୍କ ମୃତ୍ୟୁ ହେବ କି ନାହିଁ, ଆପଣଙ୍କ ସ୍ବାସ୍ଥ୍ୟବସ୍ଥା କିପରି ରହିବ , ତାହା ଏହି ଯନ୍ତ୍ର ଦ୍ବାରା ଜାଣିହେବ । ଆସନ୍ତା ବର୍ଷ ଏହାର ପ୍ରଥମ ପରୀକ୍ଷଣ କରାଯିବ । ଏବଂ ଆଗାମୀ ୫ ବର୍ଷରେ ଏହା ସମସ୍ତ ଦେଶରେ ଲାଗୁ ହେବ ବୋଲି ବିଶେଷଜ୍ଞ ମାନେ କହିଛନ୍ତି ।