Koraput Landslide / ପୁଣି ପାହାଡ଼ ଧସିଲା, ରାସ୍ତାରେ ଖସିଲା ବଡ଼ ବଡ଼ ପଥର

କୋରାପୁଟ: ଜିଲ୍ଲାର ପଟ୍ଟାଙ୍ଗିରୁ ନେରିଡ଼ିୱାଲସାକୁ ସଂଯୋଗ କରୁଥିବା ବ୍ରିଟିଶ ରୋଡ୍‌ରେ ପୁଣି ଭୂସ୍ଖଳନ । ପାହାଡ଼ରୁ ବଡ଼ ବଡ଼ ପଥର ଖସି ରାସ୍ତା ଉପରେ ପଡ଼ିଥିବାରୁ ଯାତାୟାତ ବାଧାପ୍ରାପ୍ତ ହୋଇଛି । ଫଳରେ ଯାତ୍ରୀ ଓ ଯାନବାହନ ଚଳାଚଳରେ ସମସ୍ୟା ଦେଖାଦେଇଛି । ତୁରନ୍ତ ପଥର ହଟାଇ ରାସ୍ତା ସ୍ୱାଭାବିକ କରିବାକୁ ଦାବି ହେଉଛି । ଅର୍ଣ୍ଣବ ବାତ୍ୟା ପରେ ଜିଲ୍ଲାରେ ଦ୍ଵିତୀୟ ଥର ଲାଗି ଭୂସ୍ଖଳନ ହୋଇଥିବାବେଳେ ତୁରନ୍ତ ରାସ୍ତା ସଫା କରିବାକୁ ଉଦ୍ୟମ ଚାଲିଛି ।

ବାତ୍ୟା ଅର୍ଣ୍ଣବ ପରେ କୋରାପୁଟରେ ମାଟି ଅତଡ଼ା ଖସିଥିଲା । ବାତ୍ୟା ପ୍ରଭାବରେ କୋରାପୁଟ ଜିଲ୍ଲାରେ ବର୍ଷା ଲାଗିରହିଥିଲା । ବର୍ଷା ଯୋଗୁଁ ସାଲୁର-ଶୁଙ୍କି ଘାଟିରେ ଭୂସ୍ଖଳନ ହୋଇଥିଲା । ବିଭିନ୍ନ ସ୍ଥାନରେ ପାହାଡ଼ରୁ ମାଟି ଅତଡ଼ା ଖସିଥିବା ବେଳେ ଭାଙ୍ଗିଥିଲା ଗାର୍ଡ ୱାଲ୍ । ଏଥିସହ ରାସ୍ତାରେ ଉପୁଡ଼ି ପଡ଼ିଥିଲା ଗଛ । ବର୍ଷା ଓ ଭୂସ୍ଖଳନ ଯୋଗୁଁ ଯାତାୟାତ ଉପରେ ପ୍ରଭାବ ପଡ଼ିବା ଆଶଙ୍କା ରହିଥିଲା । ସେହିପରି ଦେଓମାଳି ଯିବା ରାସ୍ତାରେ ମଧ୍ୟ ହୋଇଥିଲା ଭୂସ୍ଖଳନ ।

ଖବର ଅପଡେଟ୍ ଜାରି ରହିଛି...