ଅର୍ଗସ ବ୍ୟୁରୋ : ଓଡିଶାର ପ୍ରଥମ କୁକିଙ୍ଗ ରିୟାଲିଟି ସୋ' ସ୍ବାଦ ଓଡିଶା ସିଜିନ-୨ । ଏପରି ଏକ ନିଆରା ପ୍ରୟାସ କରିଛି ଅର୍ଗସ ନ୍ୟୁଜ । ଯେଉଁଠି ରିୟାଲିଟି ସୋ' ରେ ଆପଣ ଦେଶୀ , ବିଦେଶୀର ବିଭିନ୍ନ ପ୍ରକାର ଆଇଟମ୍ସ ଦେଖିବାକୁ ପାଇବେ । ବିଭିନ୍ ଆଞ୍ଚଳିକ ସ୍ଥାନର ପ୍ରସିଦ୍ଧ ଖାଦ୍ୟ ତଥା ଦେଶ ବାହାରର ମଧ୍ୟ କିଛି ଫେମସ୍ ଡିସ ଆପଣ ଦେଖିକି ନିଜ ଘରେ ସହଜରେ ବନେଇପାରିବେ । ତେବେ ଆମେ ଘରୋଇ ତଥା ଦେଶୀ ଖାଦ୍ୟ ପ୍ରତିଦିନ ନିଜ ଘରେ ପ୍ରସ୍ତୁତ କରିଥାନ୍ତି । ତେବେ ଆଜି ଆସନ୍ତୁ ଜାଣିବା କୋରିଆନ ଫେମସ୍ କୋରିଆନ୍ ରାମେନ୍ ବାଉଲ୍ । ବେଳେବେଳେ ବିଦେଶୀ ଖାଇବା ବନେଇବା ପାଇଁ ଏବଂ ଖାଇବା ପାଇଁ ସମସ୍ତଙ୍କର ଇଚ୍ଛା ହୋଇଥାଏ । ଆଜି ଆମେ ଜାଣିବା କୋରିଆନ୍ ରାମେନ୍ ବାଉଲ୍ କିପରି ଘରେ ସହଜରେ ତିଆରି କରିପାରିବେ ।
ପ୍ରଥମେ ତ ଏଥିପାଇଁ ଆପଣଙ୍କ ଆବଶ୍ୟକୀୟ ସାମଗ୍ରୀ ନୁଡଲ୍ସ , ଚିନି , ମଶରୁମ୍ , ବିନ୍ସ , ପାଳଙ୍ଗ , ସୋୟା ସକ୍ସ , ପିଆଜ, ରସୁଣ ଆଦି ଯୋଗାଡ କରିବେ ।
କେମିତି କରିବେ ?...
ପ୍ରଥମେ ଏକ ପାତ୍ରରେ ପାଣି ଗରମ କରିବେ । ସେଥିରେ ନୁଡଲ୍ସକୁ ସିଝିବା ପାଇଁ ପକାଇଦେବେ । ଧ୍ୟାନ ରଖିବେ ନୁଡଲ୍ସ ୯୦ ପ୍ରତିଶତ ହିଁ ସିଝିବା ଦରକାର । ଏହାପରେ ପାଣିକୁ ଛାଣି ନୁଡଲ୍ସକୁ ଥଣ୍ଡା ହେବାପାଇଁ ଛାଡିଦେବ ।ସେହିପରି ଅନ୍ୟଏକ ପାତ୍ରରେ ଛତୁକୁ ସିଝାଇ ଦେବେ । ଏପଟେ ଏକ ପ୍ୟାନରେ ତେଲ ଗରମ କରି ସେଥିରେ ପିଆଜ, ରସୁଣକୁ ହାଲକା ଫ୍ରାଏ କରିବେ । ଅନ୍ୟ ପାତ୍ରରେ ବାଦାମକୁ ମଧ୍ୟ ହାଲକା ଫ୍ରାଏ କରିବେ । ଏହାପରେ ସିଝା ହୋଇରହିଥିବା ଛତୁରେ ଚିଲିଫ୍ଲେକ୍ସ , ବିନ୍ସ, ଗାଜର ପକାଇ ଫ୍ରାଏ କରିବେ । ଏଥିରେ, ଚିନି, ସ୍ବାଦ ଅନୁସାରେ ଲୁଣ, କଳା ମରିଚ, ପକାଇ ଭଲ ଭାବରେ ଗୋଳାଇ ଦେବେ । ସେଥିରେ ଫ୍ରାଏ ହୋଇଥିବା ପିଆଜ , ରସୁଣ , ନୁଡଲ୍ସକୁ ପକାଇ ଧିରେ ଧିରେ ୨ ରୁ ୩ ମିନିଟ ଯାଏଁ ଫ୍ରାଏ କରିବେ । ପରେ ଏଥିରେ କଟା ପିଆଜ , କିଛି ଲଙ୍କା ଦେଇ ସୁନ୍ଦର ଭାବେ ସଜାଇ ପରସି ଦେବେ ।
ଏହି ରେସିପିକୁ ଅତି ସୁନ୍ଦର ଭାବେ ସଜାଇ ପ୍ରସ୍ତୁତ କରିଛନ୍ତି ଆମ ପ୍ରତିଯୋଗୀ । ତେବେ ଆହୁରି ଅଧିର ରେସିପି ଉପରେ ଜାଣିବାକୁ ଚାହୁଁଥିଲେ ଦେଖନ୍ତୁ ସ୍ବାଦ ଓଡିଶା ସିଜିନ ୨ ପ୍ରତ୍ୟେକ ରବିବାର ଅପରାହ୍ନ ୧ଟା ୩୦ ଏବଂ ପୁନଃ ପ୍ରସାରଣ ସମୟ ଶୁକ୍ରବାର ରାତି ୯ଟା ୩୦ ଏବଂ ଶନିବାର ଅପରାହ୍ନ ୩.୩୦ ରେ କେବଳ ଅର୍ଗସ ନ୍ୟୁଜରେ । ଏହାଛଡା ଆପଣ ୟୁଟ୍ୟୁଜ, ଫେସବୁକ୍ ଓ ଇନଷ୍ଟାଗ୍ରାମ୍ ରେ ମଧ୍ୟ ଏହାର ବିଭିନ୍ନ ଏପିସୋଡ Shorts ଓ Video ମାଧ୍ୟମରେ ଦେଖିପାରିବେ । ଏବଂ ଘରେ ଏଭଳି ସୁଆଦିଆ ଖାଇବା ବନେଇ ଆପଣଙ୍କ ପ୍ରିୟଜନଙ୍କୁ ଖୁଆଇପାରିବେ ।

Argus News | argus news | -Argusnews Home: Odisha Latest News, Breaking News, Trending News, Live TV and more