ଯାଜପୁର: ପରଲୋକରେ ବରିଷ୍ଠ ବିଜେପି ନେତ୍ରୀ ସଞ୍ଚିତା ମହାନ୍ତି । କୋରେଇର ପୂର୍ବତନ ବିଧାୟିକା ସଞ୍ଚିତା ମହାନ୍ତି ଭୁବନେଶ୍ଵର ଏମ୍ସରେ ଆଖି ବୁଜିଛନ୍ତି । ଶୁକ୍ରବାର ସକାଳେ ସଞ୍ଚିତା ମହାନ୍ତିଙ୍କ ଦେହାନ୍ତ ହୋଇଛି । ସଞ୍ଚିତାଙ୍କ ମୃତ୍ୟୁକୁ ନେଇ ଯାଜପୁର ଓ କୋରେଇ ଅଞ୍ଚଳରେ ଶୋକର ଛାୟା ଖେଳି ଯାଇଛି ।

୨୦୦୪ରୁ ୨୦୦୯ ପର୍ଯ୍ୟନ୍ତ ସଞ୍ଚିତା ମହାନ୍ତି କୋରେଇର ବିଧାୟିକା ଥିଲା । ଯାଜପୁରରେ ବିଜେପିର ଅଭିବୃଦ୍ଧି ପଛରେ ଥିଲା ସଞ୍ଚିତା ମହାନ୍ତିଙ୍କ ପ୍ରମୁଖ ଭୂମିକା । ଏବେ ସଞ୍ଚିତାଙ୍କ ପରଲୋକ କେବଳ କୋରେଇ କିମ୍ବା ଯାଜପୁର ପାଇଁ ନୁହେଁ ବରଂ ବିଜେପି ପାଇଁ ଏକ ଶୂନ୍ୟ ସ୍ଥାନ ସୃଷ୍ଟି କରିଛି ।

ଏଥିସହ ପଢ଼ନ୍ତୁ: ରାଜଧାନୀରେ ଦିନକୁ ଦିନ ଖସୁଛି ବାୟୁର ମାନ

ସଞ୍ଚିତାଙ୍କ ପରଲୋକରେ ଶୋକ ବ୍ୟକ୍ତ କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କେନ୍ଦ୍ର ମନ୍ତ୍ରୀ Xରେ ଲେଖିଛନ୍ତି, "କୋରେଇ ନିର୍ବାଚନମଣ୍ଡଳୀର ପୂର୍ବତନ ବିଧାୟିକା ତଥା ଆମ ଦଳର ବରିଷ୍ଠ ନେତ୍ରୀ ସଞ୍ଚିତା ମହାନ୍ତିଙ୍କ ବିୟୋଗ ଖବର ଶୁଣି ମୁଁ ଦୁଃଖିତ ଓ ମର୍ମାହତ । ସଞ୍ଚିତା ଅପାଙ୍କୁ ମୁଁ ଛାତ୍ର ସଂଗଠନରେ କାର୍ଯ୍ୟ କରୁଥିବା ସମୟରୁ ଜାଣିଛି । ତାଙ୍କ ମଧ୍ୟରେ ସାଂଗଠନିକ ଦକ୍ଷତା ଥିଲା ଅତୁଳନୀୟ ଏବଂ ସେ ସବୁବେଳେ ନିଜକୁ ସମାଜ ସେବା କାର୍ଯ୍ୟରେ ନିୟୋଜିତ କରୁଥିଲେ ।"

ଜଣେ ଦକ୍ଷ ଜନପ୍ରତିନିଧି ଭାବେ ତାଙ୍କର ନିଷ୍ଠା ଓ କାର୍ଯ୍ୟ ସବୁ ଦିନ ପାଇଁ ସ୍ମରଣୀୟ ହୋଇ ରହିବ । ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ସହ ଅମର ଆତ୍ମାର ସଦଗତି କାମନା କରୁଛି ବୋଲି ଲେଖିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ସଞ୍ଚିତାଙ୍କ ଦେହାନ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗଭୀର ଶୋକବ୍ୟକ୍ତ କରିଛନ୍ତି । ଅମର ଆତ୍ମାର ସଦଗତି ପ୍ରଦାନ ସହିତ ଶୋକସନ୍ତପ୍ତ ପରିବାର ଓ ବନ୍ଧୁଜନଙ୍କୁ ଅସୀମ ଧୈର୍ଯ୍ୟ, ସାହସ ଓ ଶକ୍ତି ପ୍ରଦାନ କରିବାକୁ ମହାପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛନ୍ତି ମୁଖ୍ୟମନ୍ତ୍ରୀ ।

ଏଥିସହ ପଢ଼ନ୍ତୁ: ବଙ୍ଗୋପସାଗରରେ ଆସୁଛି ଲଘୁଚାପ, ସପ୍ତାହ ବେଳକୁ ସୃଷ୍ଟି ହୋଇପାରେ ଘୂର୍ଣ୍ଣିବଳୟ

ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ଏବଂ ବଲାଙ୍ଗିର ସାଂସଦ ଶ୍ରୀମତୀ ସଙ୍ଗୀତା ସିଂହଦେଓ ଗଭୀର ଶୋକବ୍ୟକ୍ତ କରିଛନ୍ତି । ସଞ୍ଚିତାଙ୍କ ବାସଭବନରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ. ବାଚସ୍ପତି ସୁରମା ପାଢୀ, ଆଇନ୍ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନଙ୍କ ସମେତ ବିଶିଷ୍ଟ ବ୍ୟକ୍ତି ମାନେ ଶେଷ ଦର୍ଶନ କରିଛନ୍ତି ।


ପୂର୍ବତନ ମନ୍ତ୍ରୀ ତଥା ବିଜେଡି ନେତା ମାନେ ମଧ୍ୟ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । କୋରେଇ ଅଞ୍ଚଳ ପାଇଁ ଅନେକ କାମ କରିଛନ୍ତି । କୋରେଇ ବାସୀଙ୍କ ପାଇଁ ଅପା ନାହାନ୍ତି, ଜଗନାଥ ସଂସ୍କୃତିର ପ୍ରଚାର ପ୍ରସାରର ଗୁରୁ ଦାୟିତ୍ୱ ସେ ନେଇଥିଲେ । ଜଗନ୍ନାଥ ତାଙ୍କ ଆତ୍ମାକୁ ସଦଗତି ଦିଅନ୍ତୁ ବୋଲି ପତିକ୍ରିୟାରେ କହିଛନ୍ତି ପୂର୍ବତନ ମନ୍ତ୍ରୀ ପ୍ରୀତି ରଞ୍ଜନ ଘଡ଼େଇ ଓ ପ୍ରଫୁଲ୍ଲ ଘଡ଼େଇ ।