ଭୁବନେଶ୍ୱର:  ବିଜେଡି ଘୋଷଣା କଲା ପଞ୍ଚମ ପର୍ଯ୍ୟାୟ ବିଧାନସଭା  ପ୍ରାର୍ଥୀ ତାଲିକା । ଏହି ନୂଆ ତାଲିକାରେ  ୬ ମହିଳାଙ୍କୁ  ଟିକେଟ୍‌ ଦେଇଛି ବିଜେଡି ।  ୯ ଜଣଙ୍କ ମଧ୍ୟରୁ   ୬ ମହିଳାଙ୍କୁ ମିଳିଛି ଟିକେଟ୍‌ । ଏହି ୬ ମହିଳାଙ୍କ ମଧ୍ୟରେ ଅରୁନ୍ଧତୀ ଦେବୀଙ୍କୁ ପ୍ରାର୍ଥୀ ଘୋଷଣା କରିଛି ବିଜେଡି ।  ଯିଏ  ଗତକାଲି ବିଜେଡିରେ ସାମିଲ ହୋଇଥିଲେ ଆଉ ଆଜି ମିଳିଲା ଟିକେଟ । ଅରୁନ୍ଧତୀଙ୍କୁ   ଦେବଗଡରୁ  ପ୍ରାର୍ଥୀ କରିଛନ୍ତି ବିଜେଡି ସୁପ୍ରିମୋ।  

ତେବେ ଗୋଟିଏ କଥା ସ୍ପଷ୍ଟ  ଜଣାପଡୁଛି  ଯେ ବିଜେଡିରେ ନିର୍ବାଚନ ଲଢିବା ପାଇଁ ପ୍ରାର୍ଥୀଙ୍କ ଅଭାବ ରହିଛି । ସେଥିପାଇଁ  ଅନ୍ୟ ଦଳରୁ ଗୋଟାଇ ନିଜ ଦଳରେ ସାମିଲ କରୁଛି ବିଜେଡି ।  ଆଉ ସଙ୍ଗେ ସଙ୍ଗେ ଦେଉଛନ୍ତି ଟିକଟ । ତେବେ  ଏଠି  ପ୍ରଶ୍ନ ଉଠୁଛି  ଦେବଗଡରୁ କଣ ପାଇଁ ଅରୁନ୍ଧତୀ   ଦେବୀଙ୍କୁ ଟିକେଟ୍‌ ଦେଲା ବିଜେଡି ? କାହିଁକି ପୁରୁଖା ମୁହଁକୁ ଦେଲାନି ଟିକେଟ ? କଣ ଦେବଗଡ ହାତରୁ ଚାଲିଯିବ ବୋଲି ବିଜେଡିକୁ ଭୟ ଘାରିଛି ? କିଛି ଏମିତି ପ୍ରଶ୍ନ ଏବେ ସାଧାରଣରେ ଉଙ୍କି ମାରୁଛି ।
ଅଧିକ ପଢନ୍ତୁ ଓଡ଼ିଶା ଖବର