ଚାକିରି ଦେବା ନାଁରେ ଶ୍ରମିକଙ୍କ ଠାରୁ ଲୁଟିନେଲେ ଲକ୍ଷ ଲକ୍ଷ ଟଙ୍କା
ଖୋର୍ଦ୍ଧା : ମହା-ଠକେଇ ର ଶିକାର ହେଲେ ଓଡ଼ିଆ ଦାଦନ ଶ୍ରମିକଙ୍କ । ଆବୁଧାବି ର ଏକ ଘରୋଇ କମ୍ପାନୀରେ ଚାକିରୀ କରାଇ ଦେବାକୁ କହି ୭୮ ଜଣ ଦାଦନ ଶ୍ରମିକଙ୍କ ଠାରୁ ଲକ୍ଷ ଲକ୍ଷ ଟଙ୍କା ଠକି ନେଇଛି ବିଜୟନଗରମ୍ ର ଏକ ଲାଇଫ୍-ଲାଇନ୍ ଟ୍ରାଭେଲ୍ ଏଜେନ୍ସି । ଶତାଧିକ ଦାଦନ ଶ୍ରମିକ ଏହି ମହା-ଠକେଇ ର ଶିକାର ହେଉଥିବା ବେଳେ ଖୋର୍ଦ୍ଧା ଜିଲ୍ଲାର ବାଲୁଗାଁ-ବାଣପୁର ଅଞ୍ଚଳର ଅଛନ୍ତି ୭୮ ଜଣ ଶ୍ରମିକ । ଠକାମୀର ଶିକାର ହୋଇଥିବା ଜାଣିବା ପରେ ସ୍ଥାନୀୟ ପୋଲିସର ସହଯୋଗ ଲୋଡିଲେ ହେଲେ ଫଳ ଶୁନ୍। ଆଉ ଶେଷରେ କାନ-ମୁଣ୍ଡା କୁ ଆଉଁସି ଆଉଁସି ଘରକୁ ଫେରିଲେ ଏହି ବାଲୁଗାଁ-ବାଣପୁର ଅଞ୍ଚଳର ୭୮ ଜଣ ଶ୍ରମିକ । ବିଦେଶ ଯିବା , ଅଧିକ ଦୁଇ ପଇସା ରୋଜଗାର କରିବା ଲକ୍ଷରେ ଖୋର୍ଦ୍ଧା ଜିଲ୍ଲାର ବାଲୁଗାଁ-ବାଣପୁର ଅଞ୍ଚଳର ୭୮ ଜଣ ଶ୍ରମିକ ଏକ ଠକ ସଂସ୍ଥା ସହିତ ଯୋଗାଯୋଗ କରି ଆଗୁଆ ଟଙ୍କା ଦେଇଦେଲେ , ଆଉ ଅଧା-ବାଟରେ ଠକାମୀ ର ଶିକାର ହୋଇଥିବା ଜାଣିବା ପରେ ଏବେ ରକ୍ଷା କର ରକ୍ଷା କର ବୋଲି ଚିତ୍କାର କରୁଛନ୍ତି ।
ଅଧିକ ପଢନ୍ତୁ ଓଡିଶା ଖବର
ବାଣପୁର-ବାଲୁଗାଁ ଅଞ୍ଚଳର ପ୍ରାୟ ୭୮ ଜଣ ଦାଦନ ଶ୍ରମିକ ଦୁବାଇର ଆବୁଧାବିରେ ଚାକିରୀ କରିବାକୁ ଆନ୍ଧ୍ର-ପ୍ରଦେଶ ବିଜୟନଗରମ୍ ଲାଇଫ୍ ଲାଇନ୍ ଟ୍ରାଭେଲ ଏଜେନ୍ସି ମାଧ୍ୟମରେ ଜଣକା ୬୦ ହଜାର ଟଙ୍କା ଲେଖାଏଁ ଏଜେନ୍ସିର ମ୍ୟାନେଜର ଆର ରବାନାଙ୍କ ଫୋନ ପେ ରେ ଦେଲେ , ରସିଦ ମଧ୍ୟ ମିଳିଲା । ପରେ ସମସ୍ତ ଙ୍କ ପାଖକୁ ଇଣ୍ଡିଗୋ ଏୟରଲାଇନ ର ଟିକେଟ୍ ଓ ଭିଜା ଚେନ୍ନାଇରୁ ଆବୁଧାବି ପାଇଁ ଆସିଲା । ସମସ୍ତେ ସମ୍ପୃକ୍ତ ଟ୍ରାଭେଲ ଏଜେନ୍ସି ପାଖରେ ପହଁଚିଲା ବେଳକୁ ସେଠାରେ ତା'ର କୌଣସି ଅଫିସ୍ ନାହିଁ କି' କାହାର ଦେଖା ମଧ୍ୟ ନାହିଁ । ଟିକେଟ ମଧ୍ୟ ହୋଇଯାଇଛି ବୋଲି ଶ୍ରମିକମାନେ ଜାଣି ପାରିଲେ । ଏନେଇ ବିଜୟନଗରମ୍ ରୁରାଲ୍ ଥାନାରେ ଅଭିଯୋଗ କରିଛନ୍ତି ଶ୍ରମିକ । ପୋଲିସ ପକ୍ଷରୁ ସେଭଳି କୌଣସି ପଦକ୍ଷେପ ନିଆଯାଉନାହିଁ ବୋଲି ଠକାମୀ ର ଶିକାର ହୋଇଥିବା ଶ୍ରମିକମାନେ ଅଭିଯୋଗ କରିଛନ୍ତି ।ଠକେଇ ରେ ଶିକାର ହୋଇଥିବା ଶ୍ରମିକ ମାନେ ଗାଁ କୁ ଫେରିଦେଇ ଥିବା ଟଙ୍କା ଫେରି ପାଇବା ପାଇଁ ରାଜ୍ୟ ସରକାରଙ୍କୁ ହାତ ଯୋଡ଼ି ନିବେଦନ କରିଛନ୍ତି।
