ଲ' ଲେସ ଓଡିଶା, ଜେଲ ପାଚେରୀ ଡେଇଁ ଦୁଇ କଏଦୀ ଫେରାର

ବଲାଙ୍ଗୀର :  ଲ' ଲେସ ଓଡିଶା । ଢିଲା ସୁରକ୍ଷା ବ୍ୟବସ୍ଥାର ଫାଇଦା ନେଲେ କଏଦୀ । ଟିଟିଲାଗଡ଼ ଜେଲ୍‌ ଭିତରୁ ପାଚେରୀ ଡେଇଁ ଦୁଇ କଏଦୀ ସମ୍ଭାବନା ରଣା ଓ ସୁମିତ ବିହାରୀ ଫେରାର ହୋଇଛନ୍ତି ।  ଏପଟେ ଓଡ଼ିଶାର ଚାଷୀଙ୍କୁ ଝାଡ଼ଖଣ୍ଡରେ ହତ୍ୟା ଅଭିଯୋଗ । ଜଲଡେଗା ଖବରଗାଡାରୁ ମୃତଦେହ ଉଦ୍ଧାର ହୋଇଛି । ଗତ 29 ତାରିଖରୁ ନିଖୋଜ ଥିଲେ ବେରନା ଅଞ୍ଚଳର ମଙ୍ଗଲ ଓରାମ । ଅଭିଯୁକ୍ତଙ୍କୁ ଧରିବା ଦାବିରେ ଝିରପାଣି ଥାନା ଘେରାଉ କରିଛନ୍ତି ଗ୍ରାମବାସୀ । 

ମୃତ ଚାଷୀ ସୁନ୍ଦରଗଡ଼ ଜିଲ୍ଲା ନୂଆଗାଁ ବ୍ଲକ୍ ଜାମ୍ ବେରନା ଅଞ୍ଚଳର ମଙ୍ଗଲ ଓରାମ । ଝିରପାଣି ହାଟକୁ ଏକ ପିକଅପ୍ ଭ୍ୟାନରେ 29 ତାରିଖରେ ପରିବା ବିକ୍ରି କରିବାକୁ ଆସି ଗାଡି ସହ ନିଖୋଜ ହୋଇଯାଇଥିଲେ । ଏ ନେଇ ପରିବାର ପକ୍ଷରୁ ଝିରପାଣି ଥାନାରେ ଏତଲା ଦିଆଯାଇଥିଲା । ଶୁକ୍ରବାର ଝାଡ଼ଖଣ୍ଡ ଜଲଡେଗା ଥାନା ଖବରଗାଡାରୁ ଅଜଣା ମୃତଦେହ ଉଦ୍ଧାର ହୋଇଥିଲା । ପୋଲିସ୍ ଅପହରଣ ଓ ହତ୍ୟା ମାମଲା ରୁଜୁ କରି 2 ଜଣଙ୍କୁ ଅଟକ ରଖି ତଦନ୍ତ ଜାରି ରଖିଛି । 

ଅଧିକ ପଢନ୍ତୁ ଓଡ଼ିଶା ଖବର