ଭୁବନେଶ୍ୱର:  ଓଡ଼ିଶାରେ କମିବ ମଦ ବିକ୍ରି । ରାଜ୍ୟରେ ମଦ୍ୟପାନ ଏବଂ ମଦ ବିକ୍ରି କମାଇବା ପାଇଁ ବଡ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଓଡ଼ିଶାରେ ଆଉ ଖୋଲିବ ନାହିଁ ନୂଆ ମଦ ଦୋକାନ । ଯେଉଁ ମଦ ନୀତି ଥିଲା ତାକୁ ସାବଲୀଳ କରିବା ପାଇଁ ପ୍ରୟାସ ଜାରି ରଖିଛନ୍ତି ରାଜ୍ୟ ସରକାର । ପୂର୍ବ ବିଜେଡି ସରକାର ସମୟରେ ଚୋରା ମଦ ବିକ୍ରିକୁ ଦିଆଯାଉଥିଲା ବ୍ୟାପକ ପ୍ରୋତ୍ସାହନ । ଏଠି ପ୍ରଶ୍ନ, ଚୋରା ମଦ ତିଆରି ଓ ବିକ୍ରି ପାଇଁ ପୂର୍ବ ସରକାରରେ କିଏ କରିଥିଲା ଗଳାବାଟ ?  ଓଡିଶା କମିବ ମଦ ବିକ୍ରି । ରାଜ୍ୟରେ ମଦ୍ୟପାନ ଏବଂ ମଦ ବିକ୍ରି କମାଇବା ପାଇଁ ବଡ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଓଡିଶାରେ ଆଉ ଖୋଲିବ ନାହିଁ ନୂଆ ମଦ ଦୋକାନ । ଯେଉଁ ମଦ ନୀତି ଥିଲା ତାକୁ ସାବଲୀଳ କରିବା ପାଇଁ ପ୍ରୟାସ ଜାରି ରଖିଛନ୍ତି ରାଜ୍ୟ ସରକାର । ଏହାସହ ଚୋରା ମଦ ବିକ୍ରି ବନ୍ଦ କରିବା ସରକାରଙ୍କ ପାଇଁ ବଡ ଚ୍ୟାଲେଞ୍ଜ । ନୂଆ ଅବକାରୀ ନୀତି ଆଣିବାକୁ ଯାଉଛନ୍ତି ମୋହନ ସରକାର । ଅଗଷ୍ଟ ୩୧ ପରେ ଆସିପାରେ ନୂଆ ଅବକାରୀ ନୀତି । ଯାହାକି ୭ରୁ ୮ ମାସ ପାଇଁ କାର୍ଯ୍ୟକାରୀ ହେବ । ତେବେ ଆସନ୍ତା ବର୍ଷ ଆସୁଥିବା ନୂଆ ଅବକାରୀ ନୀତିରେ ହେବ ଆମୂଳଚୂଳ ପରିବର୍ତ୍ତନ । ସାବାଡ ହେବ ଚୋରା ମଦ ବେପାରୀ । ନୂଆ ଅବକାରୀ ନୀତି ଆସିଲେ ଆଉ ନୂଆ ମଦ ଦୋକାନ ଖୋଲିବ ନାହିଁ ଏବଂ  ଚୋରା ମଦ ବିକ୍ରି ସମ୍ପୂର୍ଣ୍ଣ ବନ୍ଦ ହେବ । 

ସେପଟେ ପୂର୍ବ ବିଜେଡି ସରକାର ସମୟରେ ଓଡିଶାରେ ମଦକୁ ପ୍ରୋତ୍ସାହନ ଦିଆଯାଉଥିଲା ବୋଲି ଅଭିଯୋଗ କରିଛନ୍ତି ପୂର୍ବତନ ଅବକାରୀ କମିଶନର ସୁଦର୍ଶନ ନାୟକ । ମଦ ପ୍ରୋତ୍ସାହନ ନୀତି ପାଲଟିଥିଲା ମଦ ନୀତି । ବିଜେଡ଼ି ସରକାର ସମୟରେ ଗାଁ ଗାଁରେ ଗଢି ଉଠିଥିଲା ବେଆଇନ ମଦ ଭାଟି । ନିର୍ବାଚନ ସମୟରେ ମଦ ବାଣ୍ଟି ଭୋଟ ବ୍ୟାଙ୍କ ଯୋଗାଡ଼ କରୁଥିଲା ବିଜେଡ଼ି । ନିର୍ଦ୍ଦିଷ୍ଟ ମଦ ମାଫିଆଙ୍କୁ ମିଳୁଥିଲା ମଦ ଲାଇସେନସ । ଗତ ନଭେମ୍ବର ମାସରେ ମଦ ବେପାରୀ ଧୀରଜ ସାହୁଙ୍କ ଠାରୁ ଶହ ଶହ କୋଟି ଟଙ୍କା ଜବତ କରିଥିଲା ଆୟକର ବିଭାଗ । ସେହିଭଳି ଟିଟଲାଗଡ଼ର ସାହୁ ବ୍ରଦର୍ସର ବି ଆସିଥିଲେ ବିବାଦକୁ । ଗୋଟିଏ ଗୋଟିଏ ମଦ ବେପାରୀ ଅନେକ କୋଚିଆ ବା ଛୋଟ ମଦ ଦୋକାନୀ ନିୟୋଜିତ କରିଥିଲେ । ଯାହାଦ୍ଵାରା ଲାଇସେନ୍ସ ମିଳିଥିବା ସ୍ଥାନ ସହ ଆଖପାଖ ଅଞ୍ଚଳରେ ମଧ୍ୟ ବ୍ୟାପକ ମଦ ବିକ୍ରି କରୁଥିଲେ । ଯାହାଦ୍ଵାରା ଓଡିଶାରେ ଏବେ ୩୦ ପ୍ରତିଶତ ଲୋକ ମଦ୍ୟପାନ କରୁଛନ୍ତି ବୋଲି ତଥ୍ୟ କହୁଛି। ଯାହାକି ଚିନ୍ତାର ବିଷୟ ।  ରାଜସ୍ଵ ଆଦାୟ ନାଁରେ ଦଳୀୟ ପାଣ୍ଠି ପାଇଁ  ଅବକାରୀ ଟିକସ ଉପରେ ନିର୍ଭରଶୀଳ ଥିଲେ ପୂର୍ବ ବିଜେଡ଼ି ସରକାର । ହେଲେ ଏଥର ନୂଆ ସରକାର ନୂଆ ଅବକାରୀ ନୀତିରେ ବ୍ୟାପକ ପରିବର୍ତ୍ତନ କରିବା ସହ ମଦ ବିକ୍ରି କମାଇବା ପାଇଁ ଯୋଜନା କରୁଛନ୍ତି ।   

ଅଧିକ ପଢନ୍ତୁ  ଓଡ଼ିଶା ଖବର